Jɔ̀ɔŋ 8:28 - WƆŊ FƐ̀Ì EBÒ SÌÀŊ DAYÀA

²⁸ Yèè wo Jisɛ̀ naŋ nyiŋ ɓɛìŋ woò wààŋ, “Sèè nìŋ joowà wa nàwèè wo Jɔ̀àfèlàà Nyuùŋ Kpùnɔɔ̀ŋ ko fùùŋ wɔŋ vànèkpaaà diɛŋ, nìŋ do nàŋ nyìmè tɔɔɓaa kɛ̀ ɓòò nàŋ yààìm . Nìŋ do ɓɛìŋ nàŋ nyìmè kɛ̀ miŋ fè nyɛ̀nɛ̀ŋ è keì gbiŋ wɔ̀ŋ kùàŋ wùŋ maim. Mìŋ woà nɔŋ e yèɛ wo Dèdaà woàìm wèè ka woò lɛ.

Jɔ̀ɔŋ 8:28 ပူးပေါင်းရင်းမြစ်များ

Maafiù 24:5

Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ’ e kìlà àŋ do nàŋ zùwò anyuùŋ zimgbe.

Luù 21:8

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ doiŋ zuwò. Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ,’ e kìlà ‘E teengaà lɛɛ̀!’ Kɛɛ ɓɔ̀ nìŋ dè nyiŋ màŋjɛ̀wɛ.

Jɔ̀ɔŋ 11:42

Kà nyìmàŋ kɛ̀ mùŋ jaa e zòòlo mɛ̀ kùàŋ dìì e teenga gbiŋ, kɛɛ mìŋ naŋ tɛɛ̀ woò wèè esàɓù anyùùŋ nyɛɛ̀ŋ kià, wèè kɛ̀ aŋ haawè kɛ̀ muàŋ naim tùɔ̀ŋ.”

Jɔ̀ɔŋ 13:19

Mìŋ naiŋ tɛɛ̀ woò sààmɛ wèè naŋ nyìmàŋ e yèɛ do nàŋ kaaìŋ lɛ paŋgàà è do wa nàwèè nàŋ kaaìŋ, wèè sèè è kaaìŋ, nìŋ do nàŋ haawè kɛ̀ ɓòò nàŋ yààìm .

Jɔ̀ɔŋ 16:10

È yaà e keì jèèe nyiŋ e fèfoo aŋ nyimààŋ kɛ̀ kiìŋ nàŋ yaà è tɔ̀ɔ̀nyààŋ Dayàa, esaɓù kɛ̀ mìŋ yaà kɔ̀ɔ̀yɛ̀ koɓɛ̀ Dèda miɔ̀ŋ, yèè niŋ naàim wa nàwèè ɓɛìŋ yɛmɛ̀.

Jɔ̀ɔŋ 18:32

Tɛɛ̀ zà naŋ wa kaaìŋ wèè e nyɛ̀nɛ̀ŋ e yèɛ wo Jisɛ̀ naŋ wa woò lɛ e hɛɛnɛ̀ŋ nààŋ wò naŋ wa wòò e ɗewe kiiɛ̀ wò do wa nàŋ fɔ̀ lɛ.

Jɔ̀ɔŋ 19:18

Kuii àŋ naŋ wa jìwìè wo Jisɛ̀ wɔŋ vànèkpaaà diɛŋ. Ke ɗɔ̀ɔ̀ guùŋ yii, àŋ naŋ wa kpùùnyɛ̀ŋ aŋ nyùùŋ wùà tìyèe maŋ je nyiŋ vànèkpaa màŋ diɛŋ wo Jisɛ̀ kɔɔ. Wò guùŋ yàaùŋ wa wɔŋ kùàŋ jìka yèè wo bàa yàaùŋ wɔŋ kùàŋ gbɔnɔŋ.

Jɔ̀ɔŋ 3:11

Mìŋ yààùm wòò sùà e tɔɔɓaaà kɛ̀, è yààìŋ gbùùyè koɓɛ̀ nyɛ̀iŋ nààŋ gbiìŋ e nyaàiŋ dè e yèɛ è naiŋ nyìmè yèè è naiŋ yɛmɛ̀ yàwi nààŋ bi lɛ̀. Nyɛ̀iŋ nààŋ bà gbiŋ kòò nìŋ nyìmèè wèè naŋ hààwè kè mìè seìɛ è naiŋ kiɛ̀ŋ lɛ.

Jɔ̀ɔŋ 3:14

“Màànààŋ nɔŋ wo Mòòze naŋ wa dìkìè wo kaì bàànè maŋ kàìɔ ke kùù yèè wò nauŋ jòòwò fùùŋ ke fòùngà e diì wòaà diɛŋ lɛ̀, yɛi nɔŋ miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim e ɗèwè kìì guùŋ nɛ sùà.

Jɔ̀ɔŋ 4:26

Wo Jisɛ̀ naŋ wòò wo nìeɔ̀ wààŋ, “Miàŋ nàŋ yaà wo nyùùŋ bi, miàim wo yèɔ yààùm naàŋ gbùùyè kɔɔ sààmɛ wɔ̀.”

Jɔ̀ɔŋ 5:19

Kpeiŋ wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà, miàim wo Jɔ̀àfèlàà Dayàa fè ɓɛ̀nɛ̀ŋ nyɛ̀nɛ̀ŋ è keì gbiŋ kùàŋ wùùmaim. Mìŋ nyɛnɛŋ nɔŋ e yèɛ mìŋ yɛmɛ̀ wo Dèda miɔ̀ŋ nyɛnɛŋ lɛ̀.

Jɔ̀ɔŋ 5:30

“Miŋ fè ɓɛ̀nɛ̀ŋ nyɛ̀nɛ̀ŋ è keì gbiŋ wɔ̀ŋ kùàŋ wùŋ maim e fòfoo mìŋ manaŋ ka niŋ nyɛ̀nɛ̀ŋ. Wo Dèdaà naim tùɔ̀ŋ, yèè wuŋ nàŋ woàìm kɛ̀ dièsɔa mìŋ gbaì wo nyùùŋ. Sèè mìŋ gbaì wo nyùùŋ gbiŋ, mìŋ nyɛ̀nɛ̀ŋ niìŋ e tɔ̀ɔ̀nyaàŋ sùà. Miŋ fè niŋ nyɛ̀nɛ̀ŋ wèè ka fɔ̀ɔ̀yɛ̀ miàŋ bi kè jii.

Jɔ̀ɔŋ 6:38

Esaɓù kɛ̀ miŋ gò dèyà è yìwìà kò àìjɛnɛ̀ŋ wèè ka nyɛ̀nɛ̀ŋ è yèɛ mìàŋ bi mìŋ manaŋ lɛ̀, kɛɛ wèè ka nyɛ̀nɛ̀ŋ e yèɛ wo Dayàa naim tùɔ̀ŋ wɔ manaŋ lɛ̀.

Jɔ̀ɔŋ 8:24

Esaɓùɛ lɛɛ̀ mìŋ naiŋ woò mìàŋ nìŋ do nàŋ fɔ̀ɔ̀yɛ̀ maŋ jùumùiŋ màŋ sùà. Sèè nìŋ goim haawè tɔɔɓaa kɛ̀ ɓòò nàŋ yààìm , nìŋ do nàŋ fɔ̀ɔ̀yɛ̀ maŋ jùumùiŋ màŋ sùà.”

Jɔ̀ɔŋ 8:27

Anyùùŋ nyaŋ gò wa nyìmàŋ kɛ̀ wò Jisɛ̀ yaà nyiìŋ wa wòò è kèè wò Dèdà àìjɛnɛ̀ɔŋ.

Jɔ̀ɔŋ 8:58

Wo Jisɛ̀ naŋ nyiŋ woò wààŋ, “Mìŋ yààìŋ wòo sùà e tɔɔɓaaà kɛ̀, wèè paŋ aŋ kòmàŋ wa wo Eɓulɔhɛɛ̀ŋ, mìŋ yaào wa, yèè kòò miŋ yaà.”

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 4:4

Kɛɛ anyùùŋ nyaŋ zimgbe nyiŋ naŋ wa kòmò ke miè gbìaàŋ nyaŋ naŋ wa kùwìè hààwe. Yèè anyùùŋ nyaŋ ke gbòò anyuùŋ hààwe nyàŋ sùà naŋ wa dɛ̀kɛ̀ sùà ke nɔ̀ŋ e sɔ̀ngɔ̀ anyuùŋ tààsùùŋ nɔɔnɔŋ (5,000.)

Luùm 1:4

Wo Dayà naŋ tɔɔ̀ e gààŋ nɛɛmaŋ gbee sùà kɛ̀, wo Kanaà Jisɛ̀ Kulaì nàŋ yaà wo Jɔ̀àfèlàà wuŋ biɔ̀, wo yèɔ naŋ kìlè wo nyuùŋkpùuŋ wɔ̀. Wò naŋ wa tɛɛ̀ tɔɔ̀ e yìwìà wo Jìnàŋ Nɛɛmaàŋ, nààŋ wò nauŋ gè e fàaà dìì wɔŋ nyiiŋ gèe sùà.