Jɔ̀ɔŋ 8:23 - WƆŊ FƐ̀Ì EBÒ SÌÀŊ DAYÀA

²³ Wo Jisɛ̀ naŋ nyiŋ woò wààŋ, “È ɗuunyaàŋ lɛɛ̀ dìì nìŋ kanaŋ, kɛɛ mìŋ yewe ko àìjɛnɛ̀ŋ. Nìŋ yewe e ɗuunyaŋ lɛɛ̀ sùà, kɛɛ miàŋ miŋ yiwià è ɗuunyaŋ lɛɛ̀ sùà.

Jɔ̀ɔŋ 8:23 ပူးပေါင်းရင်းမြစ်များ

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 17:14

Mìŋ naŋ nyiŋ wòò e yèɛ mùŋ naim wa woò wèè ka nyiŋ woò lɛ. Kɛɛ anyùùŋ nyaŋ e ɗuunyaŋ lɛɛ̀ naŋ nyiŋ wùɔ̀ŋ, esaɓù kɛ̀ aŋ fè àŋ bà nyiŋ bà wèè è ɗuunyaŋ lɛɛ̀, màànààŋ nɔŋ miàŋ pɛɛ miŋ fè wò bà lɛ.

Jɔ̀ɔŋ 17:16

Aŋ fè àŋ bà nyiŋ bà wèè è ɗuunyaŋ lɛɛ̀, màànààŋ nɔŋ miàŋ pɛɛ miŋ fè wò bà lɛ.

Jɔ̀ɔŋ 3:13

Wo nyùùŋ bà gbiŋ kòò wò jòwò wa kò àìjɛnɛ̀ŋ, kɛɛ sɔɔ̀ nɔŋ miàim wo Jɔ̀àfèlàà Nyuùŋ Kpùnɔɔ̀ŋ wo yèɔ naŋ dèyè e yìwìà ko àìjɛnɛ̀ŋ wɔ.

Jɔ̀ɔŋ 3:31

Wo Jɔ̀àfèlàà Dayàa naŋ yèwè ko àìjɛnɛ̀ŋ wɔ kuwà e gààŋ e nìàŋ anyùùŋ nyaŋ gbiŋ e ɗuunyaàŋ. Wo yèɔ wo Dayà naŋ banè e ɗuunyaŋ lɛɛ̀ dìì wɔ woà e kèè maŋ keì maŋ kaaìŋ e ɗuunyaŋ lɛɛ̀ dìì maŋ. Kɛɛ wo yèɔ naŋ hnè e yìwìà ko àìjɛnɛ̀ŋ wɔ wò yaà manɛ̀ŋ bànè Dayà maŋ gbiŋ diɛŋ e ɗuunyaàŋ.

Jìiiŋ 4:4

Nyɛ̀iŋ nààŋ nyuùŋ gò jilɛ̀ŋ nyɛɛ̀ŋ, niŋ nyimààŋ kɛ̀ sèè nìŋ nɔ̀ŋ ànyuùŋ mɔ̀ɔ̀nɔŋ koɓɛ̀ è ɗuunyaàŋ è naŋ tɔɔ̀ kɛ̀ nìŋ yaà àŋ joo koɓɛ̀ Dayài? Wèètii wo nyùnɔ̀ɔŋ gbiŋ naŋ nyɛ̀nɛ̀ŋ e wùànàŋ wèè wo nɔ̀ŋ wo dàwi koɓɛ̀ e ɗuunyaàŋ wɔ, wò mììnè wuŋ bi wo jòò Dayà.