Jɔ̀ɔŋ 8:21 - WƆŊ FƐ̀Ì EBÒ SÌÀŊ DAYÀA

²¹ Wo Jisɛ̀ naŋ nyiŋ ɓɛìŋ woò wààŋ, “Mìŋ do nàŋ kɔ̀ koɓɛ̀ bà, yèè nìŋ doim nàŋ kamè. Kɛɛ niŋ naàŋ ɓɛ̀nɛ̀ŋ kà koɓɛ̀i mìŋ yaà kɔɔyɛ̀ lɛ̀, yèè nìŋ do nàŋ fɔ̀ɔ̀yɛ̀ maŋ jùumùiŋ màŋ gbiŋ sùà.”

Jɔ̀ɔŋ 8:21 ပူးပေါင်းရင်းမြစ်များ

Maafiù 23:39

Miŋ woòiŋ e tɔɔɓaaà kɛ̀, niŋ naàim wa nàwèè ɓɛìŋ yɛmɛ̀ e jèèsùà naŋ wa nàwèè woò nààŋ, ‘Wo Dayà kpuumàŋ wo nyùnɔ̀ɔŋ hnàŋ e dèè Kanaà diɛŋ wɔ̀.’ ”

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Jɔ̀ɔŋ 12:33

Wo Jisɛ̀ yaà wa wòò e kèè e ɗeweɛ̀ anyùùŋ nyaŋ heuŋ wa nàŋ jìwìè wɔŋ vànèkpaaà diɛŋ lɛ̀.

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 13:33

Nyɛ̀iŋ nààŋ nyuùŋ mɔ̀ɔ̀nɔim nyàŋ, mìŋ doiŋ nàŋ nɔ̀ŋ e tɛɛ wèè e teenga jɔa kpàa bà. Nìŋ doim nàŋ kamè, kɛɛ niŋ nàim yɛmɛ̀. Kɛɛ tɔ̀ miŋ woòiŋ naàŋ e yèɛ mìŋ naŋ wa wòò anyùùŋ gbèègbèè aŋ Juùù nyaŋ lɛ̀. ‘Nìŋ fè ɓɛ̀nɛ̀ŋ kà kòɓɛ̀i mìŋ yaà kɔɔyɛ̀ lɛ̀.’

Jɔ̀ɔŋ 7:34

Nìŋ doim nàŋ kamè, kɛɛ niŋ nàim yɛmɛ̀. Niŋ fè ɓɛ̀nɛ̀ŋ kà kòɓɛ̀i mìŋ yaà kɔɔyɛ̀ lɛ̀.”

Jɔ̀ɔŋ 7:36

Kiìŋ wò yaà kààmè ɗewe wèè wo wi woò kɛ̀, è douŋ nàŋ kamè kɛɛ e naàùŋ yɛmɛ̀? Wèè kiìŋ wààŋ e naàìŋ ɓɛ̀nɛ̀ŋ kà koɓɛ̀i wò do nàŋ nɔ̀ŋ lɛ?”

Jɔ̀ɔŋ 8:24

Esaɓùɛ lɛɛ̀ mìŋ naiŋ woò mìàŋ nìŋ do nàŋ fɔ̀ɔ̀yɛ̀ maŋ jùumùiŋ màŋ sùà. Sèè nìŋ goim haawè tɔɔɓaa kɛ̀ ɓòò nàŋ yààìm , nìŋ do nàŋ fɔ̀ɔ̀yɛ̀ maŋ jùumùiŋ màŋ sùà.”

Ɛfesɔ̀ 2:1

E gɔuɛ̀ sùà, nìŋ naŋ wa fɔ̀ wo jinàiŋ nɔɔ̀ŋ sùà esàɓù maŋ keì naanààŋ, yèè maŋ jùumùiŋ màŋ.