Jɔ̀ɔŋ 8:20 - WƆŊ FƐ̀Ì EBÒ SÌÀŊ DAYÀA

²⁰ Wo Jisɛ̀ naŋ wa tɛɛ̀ woò e teengaà wò yaà wa kàà sùà anyùùŋ nyaŋ koɓɛ̀i e sùlò nɛɛnɛɛ̀ŋ yaà wa lɛ̀ ko Saaŋ Zòòlò Dayài. Kɛɛ wo nyùùŋ gbiŋ wo gòuŋ wa kùwà, esaɓù kɛ̀ e tèèngà e fàauŋ nɛ̀ kòò è hàì wa.

Jɔ̀ɔŋ 8:20 ပူးပေါင်းရင်းမြစ်များ

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Maafiù 27:6

Aŋ kànà sìèfèìŋ zòòlo Gbee nyàŋ naŋ ɓèmè e nɛɛnɛɛ̀ŋ yèè àŋ naŋ woò wààŋ, “Tɛɛ̀ è yaà e nɛ̀ɛ̀nɛ̀ŋ maŋ sɛ̀ìŋ, ke sàwà wiɛ̀ gò wi gè nyààŋ diɛŋ wèè eiŋ niŋ gbìàŋ kò sùlò nɛɛnɛìŋ kò Saaŋ Zòòlò Dayài.”

Luù 20:19

Aŋ kààmɔ̀ɔ̀ŋ maŋ Sàwà Dayà nyaŋ yaà aŋ kànà sìèfèìŋ zòòlo nyàŋ, naŋ kàmè ɗewe wèè aŋ kùwà wo Jisɛ̀ ko fɛɛ̀feìŋ, esaɓù àŋ wa nyìmàŋ kɛ̀ ke kàɓanèɛ wò naŋ gè lɛ, kɛ̀ nyiiŋ wò sɔ̀à. Kɛɛ àŋ duɔŋ wa e faaàŋ.

Luù 21:1

Wo Jisɛ̀ naŋ wa yɛ̀mɛ̀ anyuùŋ bàne nyàŋ àŋ yaà gbìàŋ sùà manɛ̀ŋ kìɛŋ nyiŋ màŋ ko pòum sìà nɛ̀ŋ kìɛɛ̀ŋ ko Saaŋ Zòòlò Dayài.

Jɔ̀ɔŋ 10:39

E tèèngà guùŋ bi sùà ɓɛìŋ àŋ manaŋ wa auŋ kùwà, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Jɔ̀ɔŋ 2:4

Wo Jisɛ̀ naŋ fàsàì wo nààŋ wààŋ, “Yèye, kiìŋ tɛɛ̀ kuwa e wi nyiniàŋ! E teenga mɛ̀ kòò è hàì wèè ka nyɛ̀nɛ̀ŋ è keì.”

Jɔ̀ɔŋ 7:14

Nààŋ maŋ ɗɔɔ màŋ wèè wɔŋ ɗaaà naŋ wa naàŋ hàì tɛɛ wèè wɔŋ jùà, wo Jisɛ̀ naŋ kɔ̀ ko Saaŋ Zòòlò Dayài yèè wò naŋ tɔ̀ɔ̀tù anyùùŋ nyaŋ kàa.

Jɔ̀ɔŋ 7:30

Anyùùŋ nyaŋ bà nyiŋ manaŋ wa auŋ kùwà ko fɛɛ̀feìŋ. Kɛɛ wo nyùùŋ gbiŋ gòuŋ wa mɛnlɛ̀ɛ̀ŋ, esaɓù kɛ̀ e tèèngà fàauŋ nɛ̀ kòò è hàì wa.

Jɔ̀ɔŋ 7:44

Anyùùŋ nyaŋ bà nyiŋ e faaàŋ sùà manaŋ wa auŋ kùwà, kɛɛ wo nyùùŋ gbiŋ gòuŋ wa mɛnlɛ̀ɛ̀ŋ.

Jɔ̀ɔŋ 7:8

Nyɛ̀iŋ kɔ̀àaìŋ wɔŋ ɗaaà diɛŋ. Miŋ fè kɔ̀ɔ̀yɛ̀ wɔ̀ŋ ɗaa wɛɛ̀ŋ diɛŋ, esaɓù kɛ̀ ke ɗɔ̀ɔ̀ kàa miɛ̀ŋ kòò kè hàì.”

Jɔ̀ɔŋ 8:2

Maŋ nyiìŋ tɛ̀tɛ̀ wɔŋ niìsìaà bàa wo Jisɛ̀ naŋ kɔ̀ ko Saaŋ Zòòlò Dayài. Anyuùŋ zimgbe nauŋ wa dèènè kɔɔ, yèè wò naŋ jɛi wò naŋ nyiŋ tɔ̀ɔ̀tù kàa.

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.