Jɔ̀ɔŋ 8:2 - WƆŊ FƐ̀Ì EBÒ SÌÀŊ DAYÀA

² Maŋ nyiìŋ tɛ̀tɛ̀ wɔŋ niìsìaà bàa wo Jisɛ̀ naŋ kɔ̀ ko Saaŋ Zòòlò Dayài. Anyuùŋ zimgbe nauŋ wa dèènè kɔɔ, yèè wò naŋ jɛi wò naŋ nyiŋ tɔ̀ɔ̀tù kàa.

Jɔ̀ɔŋ 8:2 ပူးပေါင်းရင်းမြစ်များ

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Luù 21:37

Wo Jisɛ̀ naŋ wa tòòmò maŋ ɗɔɔ miiŋ ko Saaŋ Zòòlò Dayài wèè anyùùŋ nyaŋ kàa, kɛɛ wɔŋ dùùm gbiŋ wò kɔ̀à wa wo jàwà wɔŋ toòɔ àŋ nyaaŋ wɔŋ tòò maŋ Ɔlè Kùùɔ dìmɛ̀.

Luù 21:38

Maŋ nyiìŋ tɛ̀tɛ̀ ke ɗɔɔ gbiŋ anyùùŋ nyaŋ gbiŋ hewa kà ko Saaŋ Zòòlò Dayài wèè aŋ kùmìàŋ e yèɛ wò yaà kaa lɛ̀.

Luù 4:20

Wo Jisɛ̀ naŋ fùngò fùngò wɔŋ fɛ̀ì Dayàa, yèè wò naŋ wuŋ kìɛ̀ŋ wo nyùnɔ̀ɔŋ toomàŋ ko sààŋ zòòlò aŋ Juùù nyaŋ wɔ̀, yèè wò naŋ jɛi. Kpeiŋ anyùùŋ nyaŋ gbiŋ yaào wa nyàŋ nauŋ gɔ̀àà le fɛ̀ɛ̀.

Luù 5:3

Wo Jisɛ̀ naŋ wa sɛ̀ɛ̀ wɔŋ gɔɔ̀ bà guùŋ sùà, wɔŋ yèɔ wo Saimɔ̀ŋ kanaŋ wa wɔ̀ŋ, yèè wo Jisɛ̀ nauŋ dawè wèè wo dulò wuŋ tòloò wɔŋ yèwà e tiwi feìŋ nɛ. Wo Jisɛ̀ naŋ jòwò wɔŋ gɔɔ̀ sùà wo jɛi wèè wo kaà anyùùŋ nyaŋ.

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 8:20

Wo Jisɛ̀ naŋ wa tɛɛ̀ woò e teengaà wò yaà wa kàà sùà anyùùŋ nyaŋ koɓɛ̀i e sùlò nɛɛnɛɛ̀ŋ yaà wa lɛ̀ ko Saaŋ Zòòlò Dayài. Kɛɛ wo nyùùŋ gbiŋ wo gòuŋ wa kùwà, esaɓù kɛ̀ e tèèngà e fàauŋ nɛ̀ kòò è hàì wa.

Jɔ̀ɔŋ 8:3

Aŋ kààmɔ̀ɔ̀ŋ maŋ Sàwà Dayà nyaŋ yèè aŋ Fɛlosiì nyaŋ bà naŋ hìɛ̀ŋ wo nìe bà wo yèɔ àŋ naŋ kùwò wèè e hmɔŋtu nyɛ̀nɛŋ. Kpeiŋ àŋ naŋ sèèlè wo nìeɔ̀ nyiŋ gbiŋ ko fɛɛ̀feìŋ.

Nyɛ̀nɛ̀ŋ 5:21

Wɔŋ niìsìaà aŋ keela nyàŋ naŋ jɔ̀ ko Saaŋ Zòòlò Dayài, nààŋ wo màikàa naŋ nyiŋ woò wèè aŋ nyɛ̀nɛ̀ŋ lɛ, yèè àŋ naŋ tɔ̀ɔ̀tù anyùùŋ nyaŋ kàa. Wo Kànà Sìèfèìŋ Zòòlo Gbeeɔ̀ yaà anyuùŋ kpùùmauŋ nyàŋ naŋ nyààŋ aŋ màmànkùmɛ̀ŋ fuɔɔ̀ŋ e kpùlìà anyùùŋ gbèègbèè fuɔŋ nyàŋ gbiŋ ko Ezɔ̀ɛ̀ wèè aŋ deenè. Kpeiŋ àŋ naŋ tùɔ̀ŋ anyùùŋ ko sààŋ nyìwìi wèè aŋ hiàŋ aŋ keela nyàŋ ko fɛɛ̀feìŋ nyiŋ niìŋ.