Jɔ̀ɔŋ 8:15 - WƆŊ FƐ̀Ì EBÒ SÌÀŊ DAYÀA

¹⁵ Nìŋ gbaì anyùùŋ e ɗèwè guùŋ nɛ sùà màànààŋ nɔŋ anyuùŋ gbànaŋ nyàŋ gbiŋ nyɛnɛŋ lɛ̀, kɛɛ miŋ fè gbàì wò nyùùŋ gbiŋ.

Jɔ̀ɔŋ 8:15 ပူးပေါင်းရင်းမြစ်များ

Luù 12:14

Wo Jisɛ̀ nauŋ woò wààŋ, “Dàwi miɔ̀ŋ, ɓòò naim kìɛ̀ŋ e gààaŋ wèè ka nɔ̀ŋ wo nyuùŋ bànè keì sùà ɔ̀ɔ̀ wo nyuùŋ gòònò maŋ nɛ̀ŋ èdàà wèè nyɛ̀iŋ tìyèe e fèemàŋ?”

Jɔ̀ɔŋ 12:47

Miàŋ nààŋ naàŋ gbàì ànyùùŋ nyaŋ naŋ gè màŋhɛɛ wèè aŋ hààwè kè miè gbìaàŋ mìŋ naŋ nyiŋ woò lɛ. Mìŋ naŋ hnè wèè ka jòèyè anyùùŋ e ɗuunyaŋ lɛɛ̀, kɛɛ miŋ gò hnàŋ wèè ka nyiŋ gbaì.

Jɔ̀ɔŋ 18:36

Yèè wo Jisɛ̀ naŋ woò wààŋ, “E kana mɛ̀ fè wèè ànyùùŋ nyaŋ è ɗuunyaŋ lɛɛ̀. Sèè è nɔ̀ŋ yɛi weè, anyùùŋ màŋjɛ̀wɛ̀im nyàŋ henàŋ sòmò wèè aŋ ɓɔìjɔ̀àiŋ nyàŋ goim weè nàŋ hìɛ̀ŋ koɓɛ̀ anyùùŋ gbèègbèè aŋ Juùù nyaŋ. Kɛɛ e kana mɛ̀ fè wèè ànyùùŋ nyaŋ è ɗuunyaŋ lɛɛ̀.”

Jɔ̀ɔŋ 3:17

E teengaà wo Dayà naŋ wa tùɔ̀ŋ wo Jɔ̀àfelaauŋ nɔɔ̀ŋ koɓɛ̀ anyùùŋ nyaŋ e ɗuunyaàŋ lɛ, e fè wa wèè wo nyiŋ kìlìà è kiti diɛŋ. Wo Dayà nauŋ wa tùɔ̀ŋ ko nɛ̀ɛ̀ŋ nyiŋ niìŋ wèè wo nɔ̀ŋ wo Nyuùŋ Jòèye nyiŋ nɔɔ̀ŋ.

Jɔ̀ɔŋ 7:24

Ɓɔ̀ mùŋ gbaì wò nyùùŋ wèè èsàɓù è nɛ̀ɛŋ wò naŋ nyɛ̀nɛ̀ŋ è naŋ tèènè è bàa lɛ̀, kɛɛ gbàì wò nyùùŋ wèè e yèɛ wò naŋ nyɛ̀nɛ̀ŋ è yaà tɔ̀ɔ̀nyaàŋ lɛ.”

Jɔ̀ɔŋ 8:11

Yèè wo nìeɔ̀ naŋ fasàì wààŋ, “Kpele dàa, wo nyùùŋ gbiŋ wo gòim jèè keì.” Yèè wo Jisɛ̀ nauŋ woò wààŋ, “Miàŋ pɛɛ miŋ naàum jèè è keì. Màŋ ɓɛ̀nɛ̀ŋ kàa, kɛɛ ɓɔ̀ mùŋ nyɛ̀nɛ̀ŋ ɓɛìŋ è kèì jùumù.”]

Luùm 2:1

Nyɛ̀iŋ nààŋ bà nyiŋ nìŋ haà aŋ dàwiiŋ nyàŋ e kiti diɛŋ wèè e keì naanààŋ nyɛ̀nɛŋ. Kɛɛ niŋ kuwà kè kàfaì bà gbiŋ, wo Dayà gò kpɛɛ̀ŋ kɛ̀ ɓòò nàŋ yààùm. Sèè nìŋ gbaì aŋ dàwiiŋ nyàŋ, kɛ̀ nàŋ hàà e kiti nyɛ̀iŋ bi diɛŋ, esaɓù kɛ̀ è yaà e keì jèeiŋ e fèfoo nìŋ nyɛnɛŋ maŋ kèì guùŋ bi.

1 Kɔliìŋ 2:15

Wo nyùnɔ̀ɔŋ gbiŋ kuwa wo Jìnàŋ Dayàa wɔ̀, wò ɓɛ̀nɛ̀ŋ gbàì gbììŋ gbììŋ nɛ wèè e keì gbiŋ, kɛɛ wo nyùùŋ gbiŋ fòuŋ ɓɛ̀nɛ̀ŋ tùàŋ màŋ nɔnɔŋ.

2 Kɔliìŋ 5:16

Wèètii julɔfɔ ɓɔ̀ è gbaaì ɓɛìŋ wò nyùùŋ gbiŋ è jiikɛ̀ɛɛ̀ màŋ kèìŋ maŋ kuwa lɛ̀. Jòòpɛɛ e teenga bà sùà è naiŋ gbààì wo Jisɛ̀ Kulaì e jììkɛ̀ɛ̀ maŋ kèìŋ maŋ sùà, kɛɛ e fèiŋ yɛi ɓɛìŋ nyɛ̀nɛ̀ŋ.

Jìiiŋ 2:4

Kɛ̀ nàŋ nyɛ̀nɛ̀ŋ naanààŋ, nàŋ hìàŋ e tɛɛ gòòno nyɛ̀iŋ bi e fèemàŋ e kìlà nàŋ nɔ̀ŋ mààŋ anyuùŋ hàà kiti naanààŋ.