Jɔ̀ɔŋ 8:14 - WƆŊ FƐ̀Ì EBÒ SÌÀŊ DAYÀA

¹⁴ Wo Jisɛ̀ naŋ nyiŋ fasàì wààŋ, “Sèè pɛɛ ka kìɛ̀ŋ ke mìè seì wèè miàŋ bi, e yèɛ mìŋ woà lɛ è yaà e tɔ̀ɔ̀nyaàŋ. Kà nyìmàŋ kɛ̀ kòò mìŋ yewe, yèè kà nyìmàŋ kɛ̀ kòò mìŋ yaà kɔɔyɛ. Niŋ nyimààŋ kɛ̀ kòò mìŋ yewe ɔ̀ɔ̀ kòò mìŋ yaà kɔɔyɛ.

Jɔ̀ɔŋ 8:14 ပူးပေါင်းရင်းမြစ်များ

Jɔ̀ɔŋ 10:36

Wo Dèdaà wuŋ bi naim tàeɗùù yèè wò naim tùɔ̀ŋ koɓɛ̀ anyùùŋ nyaŋ e ɗuunyaàŋ. Kɛ̀ wèè kiìŋ nìŋ naŋ woò nààŋ mìŋ naŋ wòò maŋ mìè ɓɛ̀ɛ̀pɔ̀ɔ koɓɛ̀ Dayài esaɓù kɛ̀ mìŋ naŋ woò mìàŋ miàŋ nàŋ yaà wo Jɔ̀àfèlàà Dayàa?

Jɔ̀ɔŋ 13:3

Wo Jisɛ̀ wa nyìmàŋ kɛ̀ wo Dèdauŋ nɔɔ̀ŋ nauŋ wa kìɛ̀ŋ e gàaŋ gbiŋ, e kìlà wò nyìmàŋ kɛ̀ wò naŋ wa yèwè koɓɛ̀ Dayài yèè wò yaà wa kɛ̀ɛ sùà koɓɛ̀ Dayài.

Jɔ̀ɔŋ 14:10

Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ.

Jɔ̀ɔŋ 16:28

Mìŋ naŋ hnè koɓɛ̀ anyùùŋ nyaŋ e ɗuunyaàŋ e yìwìà koɓɛ̀ wo Dèda miɔ̀ŋ. Kɛɛ mìŋ yaà jòà sùà anyùùŋ nyaŋ e ɗuunyaàŋ ka kɛ̀ɛ̀ koɓɛ̀ wo Dèda miɔ̀ŋ ko àìjɛnɛ̀ŋ.”

Jɔ̀ɔŋ 17:8

Mìŋ naŋ wòò anyùùŋ màŋjɛ̀wɛ̀im nyàŋ e yèɛ mùŋ naim woò lɛ, yèè àŋ naŋ niŋ jàà kùàŋ dìì. Àŋ nyìmàŋ kɛ̀ tɔɔɓaa ko nɛ̀ɛ̀ŋ muìŋ mìŋ yewe, e kìlà àŋ naŋ haawè kɛ̀ muàŋ naim tùɔ̀ŋ.

Jɔ̀ɔŋ 18:37

Kpeiŋ wo Paalè nauŋ dawè wààŋ, “Weètii mùŋ yaà wo kana?” Wo Jisɛ̀ naŋ fasàì wààŋ, “Nyɛ̀iŋ naŋ woò nààŋ mìŋ yaà wo kana. Mìŋ naŋ wa hnè e ɗuunyaŋ lɛɛ̀ wèè ka nɔ̀ŋ wo kana, yèè ɓɔɔɓɔɔ wèè ka wòò anyùùŋ nyaŋ e ɗuunyaŋ lɛɛ̀ e tɔ̀ɔ̀nyaàaŋ. Anyùùŋ tɔ̀ɔ̀nyaàŋ nyaŋ komo ke miè miɛ̀ŋ yèè àŋ jɔɔlɔ̀ nyiìŋ dìì nyaŋ.”

Jɔ̀ɔŋ 5:31

“Sèè mìŋ kiɛ̀ŋ ke mìè seì wèè miàŋ bì, e yèɛ mìŋ woà lɛ e fè è tɔ̀ɔ̀nyaàŋ.

Jɔ̀ɔŋ 8:42

Wo Jisɛ̀ naŋ nyiŋ fasàì wààŋ, “Sèè wo Dayà wo weè nɔ̀ŋ wo Dèdaiŋ nɔɔ̀ŋ, nìŋ heim weè nàŋ mɔ̀nɔ̀ŋ, esaɓù kɛ̀ mìŋ yewe koɓɛ̀ Dayài yèè kòò mìŋ yààìŋ naàŋ ko fɛɛ̀feìŋ. Wuŋ naim tùɔ̀ŋ. Miŋ gò hnàŋ è gààŋ miàŋ biɛ̀ sùà.

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

2 Kɔliìŋ 12:11

Mìŋ yaà guùŋ nyinie mààŋ wo nyuùŋ zùwo, kɛɛ nyɛ̀iŋ naŋ nɔ̀ŋ saɓù wèè ka niŋ nyɛ̀nɛ̀ŋ. È yaà weè e kpàŋ è kɔɔiŋ wèè naŋ nɔ̀ŋ ko gbuuye weèim. Sèè pɛɛ miŋ gò nɔ̀ŋ è nɛ̀ŋ gbiŋ sùà, mìŋ yaà nɔ̀ŋ tɛ̀ɛ̀ mààŋ aŋ keela nyàŋ nìŋ nyaaŋ aŋ keela tàeɗùù titiiŋ nyàŋ lɛ.

2 Kɔliìŋ 12:19

Ɓàà nìŋ yaà wa goongo e teenga lii gbiŋ kɛ̀ è yaà wa nɔŋ fɛ̀ɛ sùà wèè e dè yàwi bi gòlò jɛwɛ ko fɛɛ̀ feìiŋ? Kpele! È gboo màànààŋ nɔŋ wo Jisɛ̀ Kulaì manaŋ wèè e gbòà ko fɛ̀ɛ̀fèìŋ Dayà lɛ, yèè e nɛ̀ŋ gbiŋ è naŋ nyɛ̀nɛ̀ŋ, nyɛ̀iŋ nààŋ wùìya wi nyàŋ, è yaà wèè e nyɛ̀nɛ̀ŋ e hààweiŋ nɛ̀ e nyìngà sùà.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 3:14

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè anyuùŋ hààwe nyàŋ ko Làòdisià. “Ke miè gbìaàŋ kɛɛ̀ e yìwìà wo yèɔ àŋ nyaaŋ Àmiinàaŋ, wo nyuùŋ hààweɔ̀ yèè wo sèì tɔ̀ɔ̀nyaàaŋ, wo yèɔ yaà ko tɔɔtuì yèè saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ wɔ̀.