Jɔ̀ɔŋ 8:12 - WƆŊ FƐ̀Ì EBÒ SÌÀŊ DAYÀA

¹² Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Jɔ̀ɔŋ 8:12 ပူးပေါင်းရင်းမြစ်များ

Maafiù 5:14

“Muàŋ nàŋ yaà e gbolòùŋ lɛ wèè anyùùŋ nyaŋ gbiŋ e ɗuunyaàŋ. E jawa gbeeɛ̀ àŋ naŋ nyɛ̀lɛ̀ wɔŋ tolòɔ dìmɛ̀ lɛ e fè ɓɛ̀nɛ̀ŋ nɔ̀ŋ kò nyɛɛnɛŋ.

Luù 2:32

e gbolòùŋ wèè e tɔ̀ɔ̀ ke kpèè mɔɛ̀ŋ koɓɛ̀ anyùùŋ nyaŋ fè àŋ Juùù nyaŋ, yèè wèè e jòòwo mɔ̀ɛ̀ koɓɛ̀ anyùùŋ nyàŋ ko Ezɔ̀ɛ̀.”

Jɔ̀ɔŋ 12:35

Wo Jisɛ̀ naŋ nyiŋ fasàì wààŋ, “E gbolòùŋ nɛ do nàŋ nɔ̀ŋ ko nɛ̀ɛ̀iŋ niìŋ wèè e teenga kpuu. Kàaìŋ e gbolòùŋ nɛ sùà e teengaà nìŋ yɛmɛ̀ niìŋ lɛ. Wo nyùnɔ̀ɔŋ kaaìŋ ke nyìwìɛ sùà wɔ fè nyìmàŋ kɛ̀ kòò wò yaà kɔɔyɛ.

Jɔ̀ɔŋ 12:36

Kɛ̀ɛ̀nɛìŋ e hààwe wo nyùnɔ̀ɔŋ kiɛ̀ŋ e gbolòùŋ wɔ e teengaà wò yaà ko nɛ̀ɛ̀iŋ niìŋ lɛ. Wèè kɛ̀ niŋ nɔ̀ŋ aŋ bàiŋbà wèè e gbolòùŋ lɛ.” Nààŋ wo Jisɛ̀ naŋ nyiŋ tɛɛ̀ woò, wò naŋ nyiŋ jɔ̀ɔ̀nɔ̀ŋ fɛ̀ɛ̀, yèè wò naŋ kɔ̀ koɓɛ̀ joo bà wɔŋ kùàŋ wùŋ mauŋ ko yèi wo nyùùŋ gbiŋ nyimààŋ wa lɛ̀.

Jɔ̀ɔŋ 12:46

Miàŋ nàŋ yaà e gbolòùŋ nɛ naŋ hnè e ɗuunyaàŋ lɛ. Wo nyùnɔ̀ɔŋ gbiŋ kɛɛnɛ̀ìm e hààwe ko sùà wɔ wo naàŋ jèè kè nyìwìɛ sùà.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 3:19

E ɗeweɛ̀ lɛɛ̀ sùà wo Dayà do wa nàwèè nàŋ kìlìè kiti anyùùŋ diɛŋ. Esaɓù kɛ̀, anyùùŋ nyaŋ e ɗuunyaàŋ naŋ yɛ̀mɛ̀ e gbòlòùŋ Dayàa, kɛɛ anyuùŋ kpùuŋ manaŋ ke nyìwìɛ e nìàŋ e gbolòùŋ nɛ, esaɓù kɛ̀ ke nyìwìɛ sùà àŋ nyiniàŋ maŋ keì ngaamuŋ ngààmùŋ nyiŋ màŋ.

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Jɔ̀ɔŋ 9:5

Miàŋ nàŋ yaà e gbòlòùŋ anyùùŋ nyaŋ e ɗuunyaàŋ e teengaà mìŋ yaà e ɗuunyaàŋ sùà lɛ.”

Nyɛ̀nɛ̀ŋ 13:47

Maŋ keì maŋ wo Kanaà Dayà naŋ wi woò wèè e nyɛ̀nɛ̀iŋ màŋ mɛɛ̀ŋ. Wò naŋ woò wààŋ, ‘Kàiŋ tàeɗùù wèè naŋ nɔ̀ŋ e gbolòùŋ wèè anyùùŋ nyaŋ fè àŋ Juùù nyaŋ. Nìŋ kuwa naŋ kòà e gààŋ jòèyè Dayàa koɓɛ̀ anyùùŋ nyaŋ gbiŋ e dììɛ diɛŋ ɗuunyaàŋ wèè aŋ nɔ̀ŋ jòèye nyiŋ.’ ”

Nyɛ̀nɛ̀ŋ 26:23

Mìŋ naŋ nyiŋ woò mìàŋ wo yèɔ wo Dayà naŋ tàeɗùù wèè wo jòèyè e ɗuunyaàŋ wɔ do naŋ kɔ̀ e mɔ̀ɔ̀nɛŋ dìì, e kìlà wuŋ jiɛ̀ nàŋ do nàŋ yèwè e fàaà dìì, wèè kɛ̀ wo hiàŋ e gbolòùŋ koɓɛ̀ aŋ Juùù nyaŋ yèè koɓɛ̀ anyùùŋ nyaŋ fè àŋ Juùù nyaŋ.”

2Pììlɛ 2:17

Anyùùŋ mààŋ nɛɛ̀ŋ àŋ yaà mààŋ maŋ gòò maŋ màì wòòye, mààŋ ko fuùŋ kùwaì wɔŋ dùfòìɔ dulà lɛ, ko nɔ̀ŋ nyiŋ niìŋ kò yaà bàànè hàa wo Dayà sìwè ke nyiwì kpɔtu kpɔ̀tùɛ sùà ko jàhamaŋ weè nyiŋ.

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

1Jɔ̀ɔŋ 1:6

Kpeiŋ sèè è naiŋ woò kɛ̀ è yààìŋ ke gbòò Dayà zòòloɛ̀ sùà e kìlà e tèèngà gùuŋ bi è yààìŋ kààìŋ ke nyìwìɛ sùà, kɛ̀ è naiŋ tɔ̀ɔ̀ yèè ngèè e fèìŋ nyìnìè è tɔ̀ɔ̀nyaàŋ.

Juù 1:13

Maŋ kpèè sàngè nyiŋ màŋ tɔɔ̀ miŋ bi mààŋ e fɔ̀ù bɔ̀ìŋ juwo diɛŋ. Àŋ yaà mààŋ maŋ ɗu gò jɛ̀ì è dìì aŋ yè nyaŋ wo Dayà wa bànè ke nyiwì kpùɛ dìì ko hàa weè nyiŋ ko jàhamaŋ wèè julɔfɔ lɛ̀.

Juù 1:6

Jàaìŋ e kèì aŋ màikà nyaŋ jii aŋ yè nyaŋ gò wa jɛ̀ì màŋ toomo nyiŋ màŋ wo Dayà naŋ nyiŋ wa jàà maŋ, kpeiŋ àŋ naŋ yèwè maŋ toomo nyiŋ màŋ yèè àŋ naŋ gììyè maŋ gbòò nyiiŋ bi màŋ kɛ̀ɛ. E wèètii wo Dayà naŋ nyiŋ wa dìkìè maŋ jɔ̀ɔɔ wèè fɔfɔ̀fɔ, ke nyiwì kpùɛ dìì ko yèi wo Dayà naŋ nyiŋ gbìɛ̀ŋ wèè aŋ fòlà ke ɗɔ̀ɔ̀ kiti hàaà lɛ, e kìlà wo Dayà do nyiŋ wa nàwèè nàŋ pɔ̀ɔ̀ɓɛ̀ɛ.

Maŋ kèì nyɛɛnɛŋ 21:24

Anyùùŋ maŋ fuɔŋ nyàŋ do nàŋ kààìŋ e gbòlòùŋ niŋ nɛ̀ sùà, e kìlà aŋ kana nyàŋ e dììɛ diɛŋ doo nàŋ hìɛ̀ŋ maŋ bàne nyiŋ màŋ.