Jɔ̀ɔŋ 7:48 - WƆŊ FƐ̀Ì EBÒ SÌÀŊ DAYÀA

⁴⁸ Anyùùŋ gbèègbèè aŋ Juùù nyaŋ bà guùŋ pɛɛ ɔ̀ɔ̀ aŋ Fɛlosiì nyaŋ gò hààwè wò felaa wɛɛ̀.

Jɔ̀ɔŋ 7:48 ပူးပေါင်းရင်းမြစ်များ

Maafiù 11:25

E teenga lii sùà wo Jisɛ̀ naŋ woò wààŋ, “Dèda, Kànà àìjɛnɛ̀ɔŋ yèè ɗuunyaàŋ, mìŋ naum gè sɛ̀ esaɓù kɛ̀, mùŋ naŋ nyɛ̀ɛ̀nɛ̀ŋ maŋ keì mɛɛ̀ŋ gbiŋ anyuùŋ nyìmàŋ nɛ̀ŋ nyaŋ sìwè, yèè mùŋ naŋ miŋ tɔ̀ɔ̀ anyuùŋ gò nyìmàŋ nɛ̀ŋ nyaŋ.

Luù 23:13

Wo Paalè naŋ nyààŋ aŋ kànà sìèfèìŋ zòòlo nyàŋ, anyùùŋ gbèègbèè fuɔɔ̀ŋ yèè anyùùŋ nyaŋ yaào wa nyàŋ koɓɛ̀ guùŋ.

Jɔ̀ɔŋ 12:42

Jòòpɛɛ anyùùŋ gbèègbèè aŋ Juùù nyaŋ zimgbe nyiŋ naŋ wa hààwè wo Jisɛ̀ sùà, kɛɛ aŋ gò niŋ wa woò gèngee. Esàɓù tɛɛ̀ zà nàŋ yaà kɛ̀, aŋ Fɛlosiì nyaŋ naŋ wa woò kɛ̀ sèè aŋ kòmàŋ wo nyùùŋ gbiŋ wo woò kɛ̀ wò kuwa e hààwe wo Jisɛ̀ sùà, àŋ douŋ nàŋ gè ke sààŋ zòòlò aŋ Juùù nyaŋ dìì wèè julɔfɔ.

Jɔ̀ɔŋ 3:1

Wo kenàŋ bà yaào wa àŋ nyaaŋ wo Nìkɔ̀dimɔ̀. Wò yaà wa wo nyùùŋ gbèè aŋ Juùù nyaŋ bà guùŋ e yìwìà ke gbòò aŋ Fɛlosiì nyaŋ sùà.

Jɔ̀ɔŋ 7:26

Wuŋ wɛɛ̀ kià, wò yaà gbùùyè koɓɛ̀ anyùùŋ nyaŋ gbiŋ wèè auŋ kumiàŋ, yèè wo nyùùŋ kòò wò gbìɛìŋ pɛɛ wɔ̀ŋ mààŋdàwè. Tɔɔɓaa ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ anyùùŋ gbèègbèè aŋ Juùù nyaŋ naŋ haawè kɛ̀ wo Dayà naŋ tàeɗùù wèè wo joeyè e ɗuunyaàŋ wɔ?

Jɔ̀ɔŋ 7:49

Anyùùŋ nyaŋ e dììɛ diɛŋ aŋ nyimààŋ màŋ Sàwà Dayà maŋ, weètii wo Dayà do nyiŋ nàŋ nimilà.”

Jɔ̀ɔŋ 7:50

Wo Nìkɔ̀dimɔ̀ yaà wa ko fɛɛ̀feìŋ ke ɗɔɔ yii. Wò yaà wa wo bàuŋbà ke gbòò aŋ màmànkùmɛ̀ŋ fuɔŋ nyàŋ sùà, yèè wuŋ naŋ wa kɔ̀ koɓɛ̀ Jisɛ̀i e tèèngà guùŋ bà e dùùm. Wo Nìkɔ̀dimɔ̀ naŋ nyiŋ woò wààŋ,

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

1 Kɔliìŋ 1:20

Kiìŋ naŋ kaaìŋ koɓɛ̀ anyuùŋ kɛ̀ɛ̀jii nyàŋ? Kiìŋ naŋ kaaìŋ koɓɛ̀ aŋ kààmɔ̀ɔ̀ŋ nyìmàŋ fɛi zimgbe nyàŋ? Kiìŋ naŋ kaaìŋ koɓɛ̀ aŋ yè nyaŋ kuwa e jii kɛ̀ɛ̀ maŋhɛɛ gèe zimgbe nyàŋ e ɗuunyaàŋ? Wo Dayà naŋ tɔɔ̀ kɛ̀ e jììkɛ̀ɛ̀ ɗuunyaŋ lɛɛ̀ è yaà nɔŋ e ɓàaɓàa.

1 Kɔliìŋ 2:8

Anyùùŋ gbèègbèè ɗuunyaŋ lɛɛ̀ bà gbiŋ gò nyìmàŋ è jiikɛ̀ɛ lɛɛ̀. Sèè aiŋ wa weè nyìmàŋ, aŋ naàŋ wa weè nàŋ jìwìè wò Kànà nɛɛmaàŋ wɔ̀ŋ vànèkpaàa diɛŋ.