Jɔ̀ɔŋ 7:43 - WƆŊ FƐ̀Ì EBÒ SÌÀŊ DAYÀA

⁴³ Yèè e kpàànè kpaane naŋ wa sɛ̀ɛ̀ anyùùŋ nyaŋ e tɛɛ e nyaàiŋ dè wo Jisɛ̀.

Jɔ̀ɔŋ 7:43 ပူးပေါင်းရင်းမြစ်များ

Maafiù 10:35

Mìŋ naŋ hnè wèè ka nyɛ̀nɛ̀ŋ aŋ jɔ̀àfelaa aŋ gììyà aŋ dèda nyiŋ nyàŋ maŋhɛɛ, aŋ jɔ̀àjɔùŋ aŋ gììyà aŋ yèye nyiŋ nyàŋ maŋhɛɛ, aŋ jàwèjɔ̀à aŋ gììyà aŋ nemaaŋ nyiŋ nyàŋ maŋhɛɛ.

Luù 12:51

Ɓɔ̀ nìŋ gongò kɛ̀ mìŋ naŋ hnè wèè ka hìàŋ ke jii fàa koɓɛ̀ anyùùŋ nyaŋ e ɗuunyaàŋ, mìŋ naŋ hnè wèè ka hìàŋ e tɛɛ gòòno.

Jɔ̀ɔŋ 10:19

Maŋ mìè gbòà Jisɛ̀ mɛɛ̀ŋ naŋ wa ɓɛìŋ nyɛ̀nɛ̀ŋ aŋ Juùù nyaŋ aŋ gòònò tɛɛ e fèemàŋ nyiŋ.

Jɔ̀ɔŋ 7:12

Anyùùŋ nyaŋ e faaàŋ sùà yaà wa kpaane kpaane maŋ wɛɛwɛɛ suà nyiŋ bi e fèemàŋ e nyaàiŋ dè wò Jisɛ̀. Anyùùŋ nyaŋ bà nyiŋ yaà wa woo nyààŋ, “Wo Jisɛ̀ yaà wo nyùùŋ tɔ̀ɔ̀nyaàŋ,” kɛɛ aŋ bà nyiŋ yaà woo nyààŋ, “Kpele, wò yaà tùùya sùà anyùùŋ nyaŋ gbiŋ.”

Jɔ̀ɔŋ 9:16

Aŋ Fɛlosiì nyaŋ bà nyiŋ naŋ woò nyààŋ, “Wo kenàŋ wɛɛ̀, wo Jisɛ̀ gò yèwà kòɓɛ̀ Dayài. Sèè wò yiwìào weè, wo naàŋ weè pɔ̀ɔ̀ kè sàwà kè Ɗɔ̀ɔ̀ Zòòlò aŋ Juùù nyaŋ.” Yèè aŋ bà nyiŋ naŋ woò nyààŋ, “Dièsɔa wo nyùùŋ maŋ jùumù naŋ ɓɛ̀nɛ̀ŋ nyɛ̀nɛ̀ŋ e kèè mèè mààŋ tɛɛ̀?” Yèè e kpàànè kpaane naŋ sɛ̀ɛ̀ aŋ Fɛlosiì nyaŋ e fèemàŋ.

Nyɛ̀nɛ̀ŋ 14:4

Kɛɛ anyùùŋ nyaŋ ko Ìkɔniɔ̀ŋ naŋ wa gòònò sùà. Aŋ bà nyiŋ naŋ wa dè aŋ Juùù nyaŋ maŋjɛ̀wɛ, yèè aŋ bà nyiŋ naŋ dè aŋ kèèlà Dayà nyaŋ maŋjɛ̀wɛ.