Jɔ̀ɔŋ 7:4 - WƆŊ FƐ̀Ì EBÒ SÌÀŊ DAYÀA

⁴ Yèè nyààŋ e gò tɛɛwɛ̀ wèè wò nyùùŋ wo nyɛ̀ɛ̀nɛ̀ŋ è nɛ̀ɛŋ wò nyɛnɛŋ lɛ̀ sèè wò mɔnɔŋ wèè anyùùŋ nyaŋ aŋ niŋ nyìmàŋ. Weètii nyɛnɛ̀ŋ anyùùŋ nyaŋ gbiŋ e ɗuunyaàŋ aŋ nyìmàŋ e yèɛ mùŋ yaà nyinie lɛ̀.”

Jɔ̀ɔŋ 7:4 ပူးပေါင်းရင်းမြစ်များ

Maafiù 23:5

Manɛ̀ŋ nyɛ̀nɛŋ nyiŋ màŋ gbiŋ màŋ yaà nɔŋ wèè anyùùŋ aŋ nyiŋ yɛmɛ̀ ko ɓài. Àŋ singe maŋ mìè nyààŋ fɛ̀ì Dayà maŋ aŋ miŋ bàànè maŋ ɗàsìmɔɔŋ gbeegbèè, yèè aŋ miŋ sɛ̀ɛ̀sɛ̀ɛ̀ maŋ ɗìfeìŋ, aŋ miŋ sɛ̀ɛ̀sɛ̀ɛ̀ maŋ kùàŋ, yèè àŋ dikià maŋ jeèì mùnlòmuŋlo e tɛɛ maŋ ɓuuɓane nyiŋ màŋ diɛŋ, wèè anyùùŋ aŋ nyiŋ gɔ̀à le fɛ̀ɛ̀.

Maafiù 4:6

yèè wò nauŋ woò wààŋ, “Sèè mààŋ muàŋ nàŋ yaà wo Jɔ̀àfèlàà Dayàa, kɛ̀ vàì muŋ dè ko dììnaŋ. Esaɓù kɛ̀ wɔŋ fɛ̀ì Dayàa nàŋ woò wààŋ, ‘Wo Dayà do nàŋ wòò aŋ màikàuŋ nyàŋ, wèè aim kùwìà maŋ kùàŋ sùà nyiŋ màŋ, wèè kɛ̀ ke golò mɔɛ̀ŋ pɛɛ go nàŋ nɛɛmùŋ maŋ dùò maŋ diɛŋ.’ ”

Maafiù 6:16

“Sèè mùŋ kuwo ke tɔùŋ, ɓɔ̀ mùŋ nyɛ̀nɛ̀ŋ wò nyùùŋ gbiŋ wò do nyìmàŋ kɛ̀ mùŋ yaà kè tɔùŋ, màànààŋ anyuùŋ jàà fɛ̀ɛ̀ keì foo nyàŋ nyɛnɛŋ lɛ̀. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Maafiù 6:5

“Sèè mùŋ nɔ̀ŋ zoolo, ɓɔ̀ mùŋ nɔ̀ŋ mààŋ ànyùùŋ fɛ̀ɛ̀ ɗòònààkeì nyaŋ! Àŋ manaŋ kèè nyiŋ bi tɔ̀ɔ maŋ sààŋ zòòlò aŋ Juùù nyaŋ dìì yèè maŋ dòmaŋ màŋ diɛŋ. Àŋ nyɛnɛŋ tɛɛ̀ wèè aŋ tɔɔ̀ kɛ̀ àŋ yaà tɛ̀ɛ̀ ko ɓài. Miŋ woòum e tɔɔɓaaà kɛ̀ sèè mùŋ nyɛnɛŋ tii, kɛ̀ màŋ kpɛ̀ɛ̀yɛ̀ e jìwààjɛ̀wɛ̀ mɔ̀ɛ̀ yɛ̀mɛ.

Luù 6:45

Wo nyuùŋ sìàŋ hiàŋ maŋ nɛ̀ŋ kɛnɛ e yìwìà ko sùlò maŋ nɛ̀ŋ kɛnɛ ke jiiuŋ nɛɛ̀ŋ sùà. Wo nyuùŋ naanààŋ hiàŋ maŋ nɛ̀ŋ naanààŋ e yìwìà ko sùlò maŋ nɛ̀ŋ naanààŋ ke jiiuŋ nɛɛ̀ŋ sùà. Wɔŋ nyààŋ nàŋ woà e nɛ̀ɛŋ naum dìè ke jiio sùà lɛ.

Jɔ̀ɔŋ 18:20

Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Jɔ̀ɔŋ 7:3

Kpeiŋ aŋ wùìyà Jisɛ̀ nyaŋ nauŋ woò nyààŋ, “Yewà wɔŋ fuɔŋ wɛɛ̀ŋ muŋ ka ko Jùdià, wèè kɛ̀ anyùùŋ màŋjɛ̀wɛ̀um nyàŋ aŋ yɛmɛ̀ ke nyɛ̀nɛŋ mɔɛ̀ŋ.

Jɔ̀ɔŋ 7:5

Aŋ wùìyà Jisɛ̀ nyaŋ nyiŋ pɛɛ aŋ gòuŋ wa haawè.