Jɔ̀ɔŋ 7:36 - WƆŊ FƐ̀Ì EBÒ SÌÀŊ DAYÀA

³⁶ Kiìŋ wò yaà kààmè ɗewe wèè wo wi woò kɛ̀, è douŋ nàŋ kamè kɛɛ e naàùŋ yɛmɛ̀? Wèè kiìŋ wààŋ e naàìŋ ɓɛ̀nɛ̀ŋ kà koɓɛ̀i wò do nàŋ nɔ̀ŋ lɛ?”

Jɔ̀ɔŋ 7:36 ပူးပေါင်းရင်းမြစ်များ

Jɔ̀ɔŋ 12:34

Anyùùŋ nyaŋ naŋ wòò wo Jisɛ̀ nyààŋ, “Ke sàwàa wààŋ kɛ̀ wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. Kpeiŋ kɛ̀ dièsɔa mùŋ naŋ ɓɛ̀nɛ̀ŋ wòo kɛ̀ wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwouŋ? Ɓòò nàŋ yaà wo Jɔ̀àfèlàà Nyuùŋ Kpùnɔɔ̀ŋ?”

Jɔ̀ɔŋ 13:33

Nyɛ̀iŋ nààŋ nyuùŋ mɔ̀ɔ̀nɔim nyàŋ, mìŋ doiŋ nàŋ nɔ̀ŋ e tɛɛ wèè e teenga jɔa kpàa bà. Nìŋ doim nàŋ kamè, kɛɛ niŋ nàim yɛmɛ̀. Kɛɛ tɔ̀ miŋ woòiŋ naàŋ e yèɛ mìŋ naŋ wa wòò anyùùŋ gbèègbèè aŋ Juùù nyaŋ lɛ̀. ‘Nìŋ fè ɓɛ̀nɛ̀ŋ kà kòɓɛ̀i mìŋ yaà kɔɔyɛ̀ lɛ̀.’

Jɔ̀ɔŋ 3:4

Wo Nìkɔ̀dimɔ̀ nauŋ dawè wààŋ, “Dièsɔa wo nyuùŋ kàmaiŋ tɛɔ̀ naŋ ɓɛìŋ ɓɛ̀nɛ̀ŋ nɔ̀ŋ e kòmauŋ e dìà tìyèeɛ̀? Wò do ɓɛìŋ nàŋ kɛ̀ɛ̀ ko sùà yèyeuŋ noo wo ɓɛìŋ nɔ̀ŋ kòmauŋ?”

Jɔ̀ɔŋ 3:9

Wo Nìkɔ̀dimɔ̀ naŋ dawè wààŋ, “Dièsɔa tɛɛ̀ naŋ ɓɛ̀nɛ̀ŋ hɛ̀ɛ̀nɛŋ?”

Jɔ̀ɔŋ 6:41

Àŋ Juùù nyaŋ naŋ tɔ̀ɔ̀tù maŋ ɗìòsùà gùlia nààŋ àŋ naŋ kòmò wo Jisɛ̀ naŋ woò wààŋ, “Mìŋ yaà mààŋ e nɛ̀ŋje e yèɛ naŋ dèyè e yìwìà ko àìjɛnɛ̀ŋ.”

Jɔ̀ɔŋ 6:52

Aŋ Juùù nyaŋ naŋ wa tuù wèè e yèɛ wo Jisɛ̀ naŋ wa woò lɛ, yèè àŋ naŋ tɔ̀ɔ̀tù nyiŋ bi kpàànè kpàànè e fèemàŋ. Àŋ naŋ dawè nyààŋ, “Dièsɔa wo felaa wɛɛ̀ naŋ wi ɓɛ̀nɛ̀ŋ kìɛ̀ŋ e kenùuŋ nɛ̀ wèè eiŋ niŋ gbìlà?”

Jɔ̀ɔŋ 6:60

Anyùùŋ màŋjɛ̀wɛ̀ Jisɛ̀ nyaŋ zimgbe nyiŋ naŋ wa woò nyààŋ, “E kàa lɛɛ̀ naŋ nyìngè, ɓòò naŋ ɓɛ̀nɛ̀ŋ jàà kùàŋ dìì wèè e yèɛ wò yaà woo lɛ̀?”

Jɔ̀ɔŋ 7:34

Nìŋ doim nàŋ kamè, kɛɛ niŋ nàim yɛmɛ̀. Niŋ fè ɓɛ̀nɛ̀ŋ kà kòɓɛ̀i mìŋ yaà kɔɔyɛ̀ lɛ̀.”

Jɔ̀ɔŋ 8:21

Wo Jisɛ̀ naŋ nyiŋ ɓɛìŋ woò wààŋ, “Mìŋ do nàŋ kɔ̀ koɓɛ̀ bà, yèè nìŋ doim nàŋ kamè. Kɛɛ niŋ naàŋ ɓɛ̀nɛ̀ŋ kà koɓɛ̀i mìŋ yaà kɔɔyɛ̀ lɛ̀, yèè nìŋ do nàŋ fɔ̀ɔ̀yɛ̀ maŋ jùumùiŋ màŋ gbiŋ sùà.”

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.