Jɔ̀ɔŋ 7:31 - WƆŊ FƐ̀Ì EBÒ SÌÀŊ DAYÀA

³¹ Anyuùŋ zimgbe e faaàŋ sùà naŋ wa kɛ̀ɛ̀nɛ̀ŋ e hààwe wo Jisɛ̀ ko sùà yèè àŋ naŋ woò nyààŋ, “Sèè wo yèɔ wo Dayà naŋ tàeɗùù wèè wo joeyè e ɗuunyaàŋ wɔ wò hnàŋ, tɔɔɓaa wo naàŋ nyɛ̀nɛ̀ŋ màŋ kèè mèè màŋ do nìàŋ màŋ yè maŋ wò felaa wɛɛ̀ naŋ nyɛ̀nɛ̀ŋ maŋ!”

Jɔ̀ɔŋ 7:31 ပူးပေါင်းရင်းမြစ်များ

Maafiù 12:23

E keì lɛɛ̀ naŋ wa fòònò anyùùŋ nyaŋ zimgbe nààŋ wo Jisɛ̀ naŋ wa sùngò wo felaaà, yèè àŋ naŋ tɔ̀ɔ̀tù dàwe nyààŋ, “Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo jɔ̀àfelaa Dèèweɔ̀?”

Luù 8:13

Manɛ̀ŋ koei màŋ naŋ sɔ̀ɔ̀ e dìì le dùò lɛ sùà maŋ, nàŋ yaà anyùùŋ nyaŋ komo ke mìè gbìàŋ Dayàa, aŋ nyiŋ jàà kùàŋ dìì e zɔlɔ̀ sùà. Kɛɛ ke miè gbìaàŋ fè gè lè gùlò màŋ jii nyiŋ màŋ sùà, yèè àŋ kɛɛnɛ̀ŋ nɔŋ e hààwe wèè e teenga kpuu. Sèè e wàà e keì nyìnga jɔa è hnàŋ nyiìŋ nɔŋ ko feìŋ, àŋ kɛ̀ɛ̀ maŋjɛ̀wɛ.

Jɔ̀ɔŋ 11:45

Anyùùŋ nyaŋ fè àŋ Juùù nyaŋ zimgbe nyiŋ naŋ wa hnè ko zùùmò Mèèle nyàŋ naŋ yɛ̀mɛ̀ e nɛ̀ɛŋ wo Jisɛ̀ naŋ nyɛ̀nɛ̀ŋ lɛ, yèè àŋ nauŋ sìè e hààwe sùà.

Jɔ̀ɔŋ 12:11

e fèfoo e saɓùuŋ nɛ̀ sùà aŋ Juùù nyaŋ zimgbe nyiŋ yaà wa fè sùà aŋ kànà sìèfèìŋ zòòlo nyàŋ jɛwɛ yèè àŋ yaà hààwe sùà wo Jisɛ̀ e kìlà àŋ yàaùŋ dè sùà maŋjɛ̀wɛ.

Jɔ̀ɔŋ 12:42

Jòòpɛɛ anyùùŋ gbèègbèè aŋ Juùù nyaŋ zimgbe nyiŋ naŋ wa hààwè wo Jisɛ̀ sùà, kɛɛ aŋ gò niŋ wa woò gèngee. Esàɓù tɛɛ̀ zà nàŋ yaà kɛ̀, aŋ Fɛlosiì nyaŋ naŋ wa woò kɛ̀ sèè aŋ kòmàŋ wo nyùùŋ gbiŋ wo woò kɛ̀ wò kuwa e hààwe wo Jisɛ̀ sùà, àŋ douŋ nàŋ gè ke sààŋ zòòlò aŋ Juùù nyaŋ dìì wèè julɔfɔ.

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 4:29

“Hnaìŋ niŋ yɛmɛ̀ wo kenàaŋ wo yèɔ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ. Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?”

Jɔ̀ɔŋ 4:39

Anyùùŋ fùɔ̀ŋ Sàmilià nyaŋ zimgbe nyiŋ ko jawa wii naŋ wa hààwè wo Jisɛ̀ esàɓù ke mìè seìɛ wo nìeɔ̀ naŋ wa kiɛ̀ŋ lɛ nààŋ wò naŋ woò wààŋ, “Wo kenàaŋ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ.”

Jɔ̀ɔŋ 6:2

Anyuùŋ zimgbe naŋ wa dè wo Jisɛ̀ maŋjɛ̀wɛ nààŋ àŋ naŋ wa yɛ̀mɛ̀ maŋ kèè mèè maŋ wò naŋ wa nyɛ̀nɛ̀ŋ maŋ nààŋ wò naŋ wa jòèyè anyuùŋ sàaŋ nyàŋ.

Jɔ̀ɔŋ 7:26

Wuŋ wɛɛ̀ kià, wò yaà gbùùyè koɓɛ̀ anyùùŋ nyaŋ gbiŋ wèè auŋ kumiàŋ, yèè wo nyùùŋ kòò wò gbìɛìŋ pɛɛ wɔ̀ŋ mààŋdàwè. Tɔɔɓaa ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ anyùùŋ gbèègbèè aŋ Juùù nyaŋ naŋ haawè kɛ̀ wo Dayà naŋ tàeɗùù wèè wo joeyè e ɗuunyaàŋ wɔ?

Jɔ̀ɔŋ 9:16

Aŋ Fɛlosiì nyaŋ bà nyiŋ naŋ woò nyààŋ, “Wo kenàŋ wɛɛ̀, wo Jisɛ̀ gò yèwà kòɓɛ̀ Dayài. Sèè wò yiwìào weè, wo naàŋ weè pɔ̀ɔ̀ kè sàwà kè Ɗɔ̀ɔ̀ Zòòlò aŋ Juùù nyaŋ.” Yèè aŋ bà nyiŋ naŋ woò nyààŋ, “Dièsɔa wo nyùùŋ maŋ jùumù naŋ ɓɛ̀nɛ̀ŋ nyɛ̀nɛ̀ŋ e kèè mèè mààŋ tɛɛ̀?” Yèè e kpàànè kpaane naŋ sɛ̀ɛ̀ aŋ Fɛlosiì nyaŋ e fèemàŋ.

Nyɛ̀nɛ̀ŋ 8:13

Wo Saimɔ̀ŋ wuŋ bi naŋ wa haawè, yèè nààŋ wò naŋ wa nɔ̀ŋ gùauŋ, wò naŋ dè wo Felè maŋjɛ̀wɛ. È nauŋ wa foonò nààŋ wò naŋ wa yɛ̀mɛ̀ maŋ kèè mèè maŋ yèè maŋ tɔ̀ɔ̀màŋsèì keì maŋ wo Felè yaà wa nyinie màŋ.

Jìiiŋ 2:26

Weètii, nààŋ nɔŋ wo jinàaŋ folo wo nyuùŋ kpùnɔɔ̀ŋ sùà kɛ̀ wò fà lɛ, yɛi nɔŋ è yaà sèè ke kpèè ke gò nɔ̀ŋ è hààwe màŋjɛ̀wɛ è yaà e hààwe fàa.