Jɔ̀ɔŋ 7:30 - WƆŊ FƐ̀Ì EBÒ SÌÀŊ DAYÀA

³⁰ Anyùùŋ nyaŋ bà nyiŋ manaŋ wa auŋ kùwà ko fɛɛ̀feìŋ. Kɛɛ wo nyùùŋ gbiŋ gòuŋ wa mɛnlɛ̀ɛ̀ŋ, esaɓù kɛ̀ e tèèngà fàauŋ nɛ̀ kòò è hàì wa.

Jɔ̀ɔŋ 7:30 ပူးပေါင်းရင်းမြစ်များ

Maafiù 12:14

Kpeiŋ aŋ Fɛlosiì nyaŋ naŋ fòlò yèè àŋ naŋ kɔ̀ aŋ ɗewè wèè aŋ jìwà wo Jisɛ̀.

Maafiù 21:46

Yèè àŋ naŋ kàmè ɗewe wèè aŋ kùwà wo Jisɛ̀, kɛɛ àŋ duɔŋ wa e faaàŋ, esaɓù kɛ̀ anyùùŋ nyaŋ naŋ wa gongò kɛ̀ wò yaà wo wɛ̀ijì.

Luù 20:19

Aŋ kààmɔ̀ɔ̀ŋ maŋ Sàwà Dayà nyaŋ yaà aŋ kànà sìèfèìŋ zòòlo nyàŋ, naŋ kàmè ɗewe wèè aŋ kùwà wo Jisɛ̀ ko fɛɛ̀feìŋ, esaɓù àŋ wa nyìmàŋ kɛ̀ ke kàɓanèɛ wò naŋ gè lɛ, kɛ̀ nyiiŋ wò sɔ̀à. Kɛɛ àŋ duɔŋ wa e faaàŋ.

Luù 22:53

Maŋ ɗɔɔ màŋ gbiŋ mìŋ yààìŋ wa e tɛɛ ko Saaŋ Zòòlò Dayài, yèè niŋ gòim wa kùwà. Kɛɛ e jeiŋ e teengaà lɛɛ̀, yèè e gààŋ ke nyìwìɛ kuwa e tomo.”

Jɔ̀ɔŋ 10:31

Yèè aŋ Juùù nyaŋ naŋ ɓɛìŋ ɓèmè le dùò wèè aŋ hɔ̀wà wo Jisɛ̀.

Jɔ̀ɔŋ 10:39

E tèèngà guùŋ bi sùà ɓɛìŋ àŋ manaŋ wa auŋ kùwà, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Jɔ̀ɔŋ 11:57

Aŋ kànà sìèfèìŋ zòòlo nyàŋ yèè aŋ Fɛlosiì nyaŋ naŋ mììnyɛ̀ŋ ke sàwà àŋ naŋ wòò anyùùŋ nyaŋ wèè aŋ jàà fɛ̀ɛ̀ dìì wèè wo Jisɛ̀, yèè nyààŋ sèè àŋ yɛmɛ̀uŋ, kɛ̀ aŋ nyɛ̀nɛ̀ŋ nyiŋ aŋ nyìmàŋ. Yɛi àŋ naŋ wa ɗewè wèè aŋ wa kùwà wo Jisɛ̀.

Jɔ̀ɔŋ 7:19

È yaà tɔɔɓaa kɛ̀ wo Mòòze naiŋ wa kìɛ̀ŋ maŋ sàwà Dayà maŋ. Kɛɛ nyɛ̀iŋ nààŋ bà gbiŋ fè miŋ jɔ̀ɔ̀lɔ̀ dìì è tɔ̀ɔ̀nyaàŋ sùà. Sèè nìŋ jɔɔlɔ̀ miìŋ weè dìì, kɛ̀ wèè kiìŋ nìŋ yaà kààmè ɗewe wèè naim jìwà?”

Jɔ̀ɔŋ 7:32

Nààŋ aŋ Fɛlosiì nyaŋ naŋ kòmò e yèɛ anyùùŋ nyaŋ yaà wa woo lɛ̀ e nyaàiŋ dè wo Jisɛ̀, nyiŋ yèè aŋ kànà sìèfèìŋ zòòlo nyàŋ naŋ tùɔ̀ŋ anyuùŋ tùnìàŋ ke saaŋ zòòlò Dayà nyaŋ bà wèè aŋ kùwà wo Jisɛ̀.

Jɔ̀ɔŋ 7:6

Wo Jisɛ̀ naŋ nyiŋ fasàì wààŋ, “Ke ɗɔ̀ɔ̀ kàa miɛ̀ŋ kòò kè hàì. Kɛɛ e teenga gbiŋ è yaà tɛ̀ɛ̀ e weèiŋ.

Jɔ̀ɔŋ 7:8

Nyɛ̀iŋ kɔ̀àaìŋ wɔŋ ɗaaà diɛŋ. Miŋ fè kɔ̀ɔ̀yɛ̀ wɔ̀ŋ ɗaa wɛɛ̀ŋ diɛŋ, esaɓù kɛ̀ ke ɗɔ̀ɔ̀ kàa miɛ̀ŋ kòò kè hàì.”

Jɔ̀ɔŋ 8:20

Wo Jisɛ̀ naŋ wa tɛɛ̀ woò e teengaà wò yaà wa kàà sùà anyùùŋ nyaŋ koɓɛ̀i e sùlò nɛɛnɛɛ̀ŋ yaà wa lɛ̀ ko Saaŋ Zòòlò Dayài. Kɛɛ wo nyùùŋ gbiŋ wo gòuŋ wa kùwà, esaɓù kɛ̀ e tèèngà e fàauŋ nɛ̀ kòò è hàì wa.

Jɔ̀ɔŋ 8:37

Kà nyìmàŋ kɛ̀ nìŋ folo ke kpòò Eɓulɔhɛɛ̀ɛŋ sùà, yɛi nɔŋ è yaà nìŋ yaà kààmè ɗewe wèè naim jìwà, esaɓù kɛ̀ niŋ gò jàà è kàa mɛ̀ kùàŋ dìì.

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.

Jɔ̀ɔŋ 9:4

Nààŋ è yɛmɛ̀ìŋ wɔŋ niìsìaà lɛ, è kuwa eiŋ nyɛ̀nɛ̀ŋ e yèɛ wo nyùnɔ̀ɔŋ naim tùɔ̀ŋ wɔ manaŋ wèè ka nyɛ̀nɛ̀ŋ lɛ. Wo nyùùŋ gbiŋ fè ɓɛ̀nɛ̀ŋ tòmo sèè e dùùm kuwo.