Jɔ̀ɔŋ 7:28 - WƆŊ FƐ̀Ì EBÒ SÌÀŊ DAYÀA

²⁸ Nààŋ wo Jisɛ̀ yaà wa kàà sùà anyùùŋ nyaŋ ko Saaŋ Zòòlò Dayài, wò naŋ gbòò ke miè gbee sùà yèè wò naŋ woò wààŋ, “Nàŋ gongò kɛ̀ nàim kaikpɔ nyìmàŋ yèè nàŋ nyìmàŋ kɛ̀ kòò mìŋ yewe? Miŋ gò hnàŋ è gààŋ miàŋ biɛ̀ sùà! Wo nyùnɔ̀ɔŋ naim tùɔ̀ŋ wɔ wò yaà wo nyùùŋ tɔ̀ɔ̀nyaàŋ, yèè niŋ nyimààuŋ.

Jɔ̀ɔŋ 7:28 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Maafiù 2:23

Yèè wo Jòòsɛ naŋ kɔ̀ɔ̀ ke kpoouŋ nɛɛ̀ŋ yèè àŋ naŋ jɛ̀ì ko jawaì àŋ nyaaŋ ko Naazɔ̀ɛ̀ lɛ. Tɛɛ̀ naŋ wa kaaìŋ wèè kɛ̀ e nyɛ̀nɛ̀ŋ e nɛ̀ɛŋ wo wɛ̀ijìɔ naŋ wa woò lɛ e hɛɛnɛ̀ŋ kɛ̀, “Àŋ douŋ nàŋ nyààŋ wo jɔ̀à kùmìàŋ ko Naazɔ̀ɛ̀.”

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Luù 10:22

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ kɛ̀ ɓòò nàŋ yaà miàim wò Jɔ̀àfelaaà, sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ kɛ̀ ɓòò nàŋ yaà wò Dèdaà sɔɔ̀ nɔŋ miàim wo Jɔ̀àfelaaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Luù 2:39

Nààŋ àŋ naŋ wa kpɛ̀ɛ̀yɛ̀ nyɛ̀nɛ̀ŋ e langiɛ̀ ke Sàwà Kanaà naŋ woò lɛ, àŋ naŋ kɛ̀ɛ̀ maŋjɛ̀wɛ ko Galaliì, ko jawa nyiŋ niìŋ Naazɔ̀ɛ̀.

Luù 2:4

Wo Jòòsɛ naŋ wa yèwè ko Naazɔ̀ɛ̀ wɔŋ fùɔ̀ŋ Galaliìɔ sùà, yèè wò naŋ kɔ̀ ko Bɛfilehɛɛ̀ŋ wɔŋ fùɔ̀ŋ Jùdiàa sùà, ko jàwà kùmìàŋ wo Kanaà Dèèweì. Kuŋ wo Jòòsɛ naŋ wa kɔ̀, esaɓù kɛ̀ wò yewe wa ke kpòò Dèèweɛ̀ sùà.

Luù 2:51

Kpeiŋ wo Jisɛ̀ naŋ nyiŋ dè maŋjɛ̀wɛ àŋ naŋ kɔ̀ ko Naazɔ̀ɛ̀, yèè wò he nyiŋ wa jɔ̀ɔ̀lɔ̀ dìì. Wo Mèèle naŋ wa bànè maŋ keì wòo mɛɛ̀ŋ gbiŋ hàa ke jiiuŋ nɛɛ̀ŋ sùà.

Jɔ̀ɔŋ 1:46

Wo Nàntanyàŋ naŋ dawè wààŋ, “E nɛ̀ŋ kɛnɛ gbiŋ ɓɛ̀nɛ̀ŋ fòlà ko Naazɔ̀ɛ̀?” Wo Felè naŋ fasàì wààŋ, “Hnaàŋ muŋ yɛmɛ̀ wèè muàŋ bi.”

Jɔ̀ɔŋ 10:36

Wo Dèdaà wuŋ bi naim tàeɗùù yèè wò naim tùɔ̀ŋ koɓɛ̀ anyùùŋ nyaŋ e ɗuunyaàŋ. Kɛ̀ wèè kiìŋ nìŋ naŋ woò nààŋ mìŋ naŋ wòò maŋ mìè ɓɛ̀ɛ̀pɔ̀ɔ koɓɛ̀ Dayài esaɓù kɛ̀ mìŋ naŋ woò mìàŋ miàŋ nàŋ yaà wo Jɔ̀àfèlàà Dayàa?

Jɔ̀ɔŋ 12:49

Miŋ fè gbòà è gààŋ miàŋ biɛ̀ sùà. Mìŋ woà nɔŋ e yèɛ wo Dèdaà naim tùɔ̀ŋ wɔ wò manaŋ wèè ka woò lɛ.

Jɔ̀ɔŋ 14:10

Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ.

Jɔ̀ɔŋ 14:31

Kɛɛ anyùùŋ nyaŋ e ɗuunyaàŋ kuwa aŋ nyìmàŋ kɛ̀ mìŋ manaŋ wo Dèda miɔ̀ŋ. Esaɓùɛ lɛɛ̀ mìŋ nyɛnɛŋ e nɛ̀ɛ̀iŋ gbiŋ e ɗeweɛ̀ wò manaŋ lɛ̀.” Yèè wo Jisɛ̀ naŋ nyiŋ ɓɛìŋ woò wààŋ, “Yèwaìŋ dìì, fòlà wiìŋ ko saaŋ yaà e kaiŋ.”

Jɔ̀ɔŋ 16:3

Anyùùŋ bi do tɛɛ̀ nàŋ nyɛ̀nɛ̀ŋ esaɓù kɛ̀ aŋ nyimààŋ wò Dèda miɔ̀ŋ ɔ̀ɔ̀ miàŋ bi.

Jɔ̀ɔŋ 17:25

Dèdà tɔ̀ɔ̀nyaàaŋ, anyùùŋ nyaŋ e ɗuunyaŋ lɛɛ̀ aŋ nyiŋ mààùm. Kɛɛ miàŋ kàum nyìmàŋ, yèè anyùùŋ màŋjɛ̀wɛ̀im nyàŋ àŋ nyìmàŋ kɛ̀ muàŋ naim tùɔ̀ŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 3:33

Kɛɛ wo nyùnɔ̀ɔŋ gbiŋ haawà ke mìè seìuŋ nɛɛ̀ŋ wɔ, wò tɔɔ̀ kɛ̀ wò haawè kɛ̀ e yèɛ wo Dayà naŋ wa woò lɛ è yaà tɔ̀ɔ̀nyaàŋ.

Jɔ̀ɔŋ 5:32

Kɛɛ wo nyùùŋ bà kòò wò yaào wo yèɔ naŋ nyìmè yèè wò naŋ woò kɛ̀ ɓòò nàŋ yààìm , e kìlà kà nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔ̀ɔ̀nyaàŋ e nyaàiŋ eim dè.

Jɔ̀ɔŋ 5:43

Mìŋ naŋ hnè ɓɔɔɓɔɔ mààŋ wo yèɔ wo Dèda miɔ̀ŋ naŋ tɔ̀ùŋ wɔ wèè ka dè e bɛ̀uŋ, kɛɛ nìŋ naŋ gè maŋhɛɛ wèè naim jàà kùàŋ dìì. Yèè sèè wo nyùùŋ bà wò hnàŋ wo yèɔ gboo e gààŋ wuŋ biɛ̀ sùà wɔ, nìŋ douŋ nàŋ jàà kùàŋ dìì.

Jɔ̀ɔŋ 6:42

Yèè àŋ naŋ woò nyààŋ, “Wɛɛ̀ nààŋ fè wo Jisɛ̀ wò jɔ̀àfèlàà Jòòsɛɔ̀? Wo dèdauŋ nɔɔ̀ŋ yèè wo yèyeuŋ nɔɔ̀ŋ kòò àŋ yaà kià. Dièsɔa wò naŋ naàŋ ɓɛ̀nɛ̀ŋ wòo wààŋ wò naŋ dèyè e yìwìà ko àìjɛnɛ̀ŋ?”

Jɔ̀ɔŋ 7:14

Nààŋ maŋ ɗɔɔ màŋ wèè wɔŋ ɗaaà naŋ wa naàŋ hàì tɛɛ wèè wɔŋ jùà, wo Jisɛ̀ naŋ kɔ̀ ko Saaŋ Zòòlò Dayài yèè wò naŋ tɔ̀ɔ̀tù anyùùŋ nyaŋ kàa.

Jɔ̀ɔŋ 8:14

Wo Jisɛ̀ naŋ nyiŋ fasàì wààŋ, “Sèè pɛɛ ka kìɛ̀ŋ ke mìè seì wèè miàŋ bi, e yèɛ mìŋ woà lɛ è yaà e tɔ̀ɔ̀nyaàŋ. Kà nyìmàŋ kɛ̀ kòò mìŋ yewe, yèè kà nyìmàŋ kɛ̀ kòò mìŋ yaà kɔɔyɛ. Niŋ nyimààŋ kɛ̀ kòò mìŋ yewe ɔ̀ɔ̀ kòò mìŋ yaà kɔɔyɛ.

Jɔ̀ɔŋ 8:16

Kɛɛ sèè mìŋ nyɛnɛŋ yɛi weè, e kiti mɛ̀ henàŋ nɔ̀ŋ e tɔ̀ɔ̀nyaàŋ, esaɓù kɛ̀ miàŋ guùŋ nààŋ fè niìŋ nyinie. Wo Dèdaà naim tùɔ̀ŋ wɔ yèè miàŋ è yaà koɓɛ̀ guùŋ.

Jɔ̀ɔŋ 8:19

Àŋ naŋ dàwè wo Jisɛ̀ nyààŋ, “Kòò wo Dèda mɔɔ̀ŋ wò yaà?” Wo Jisɛ̀ naŋ nyiŋ fasàì wààŋ, “Niŋ nyimààìm miŋ dò nàŋ sɔ̀ wo Dèda miɔ̀ŋ. Sèè nìŋ nyìmèìm weè, nìŋ he weè nàŋ nyìmè wo Dèda miɔ̀ŋ wuŋ pɛɛ.”

Jɔ̀ɔŋ 8:26

Mìŋ kuwa e zimgbe niŋ wèè ka weè woò wèè kaiŋ jèè e keì, kɛɛ miŋ naàŋ tii woò. Nààŋ wo yèɔ naim tùɔ̀ŋ wɔ wò yaà e tɔ̀ɔ̀nyaàŋ, yèè mìŋ woàìŋ nyɛ̀iŋ nààŋ anyùùŋ nyaŋ e ɗuunyaŋ lɛɛ̀ e yèɛ mìŋ naŋ kòmò lɛ e yìwìà wo yèɔ naim tùɔ̀ŋ wɔ sìwè.”

Jɔ̀ɔŋ 8:42

Wo Jisɛ̀ naŋ nyiŋ fasàì wààŋ, “Sèè wo Dayà wo weè nɔ̀ŋ wo Dèdaiŋ nɔɔ̀ŋ, nìŋ heim weè nàŋ mɔ̀nɔ̀ŋ, esaɓù kɛ̀ mìŋ yewe koɓɛ̀ Dayài yèè kòò mìŋ yààìŋ naàŋ ko fɛɛ̀feìŋ. Wuŋ naim tùɔ̀ŋ. Miŋ gò hnàŋ è gààŋ miàŋ biɛ̀ sùà.

Jɔ̀ɔŋ 9:29

È naiŋ haawè kɛ̀ wo Dayà naŋ wa gbòò koɓɛ̀ Mòòzeì, kɛɛ e nyimàìŋ ngèè pɛɛ kɛ̀ kòò wò Jisɛ̀ wò yewe.”

Nyɛ̀nɛ̀ŋ 17:23

Yèè nààŋ mìŋ yaà weè kààìŋ ko jawa gbeeiŋ niìŋ yèè mìŋ yaà yɛ̀ɛ̀mɛ̀ manɛ̀ŋ maŋ nìŋ zoolà maŋ, mìŋ naŋ mɛ̀ɛ̀ŋ wɔŋ gbɛ̀gbɛ̀ zòòlo maŋ mìè mɛɛ̀ŋ sìngìà wuùŋ wààŋ, ‘Koɓɛ̀ wo Dayàa e nyimàiŋ wɔ.’ Nìŋ zoolà wo Dayà wɛɛ̀, kɛɛ niŋ nyimààŋ wuùŋ ngèè gbiŋ. Weètii mìŋ manaŋ kaiŋ wòò e kiiuŋ nɛ̀.

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Luùm 3:4

Tii nààŋ e gò fasàì. Wo Dayà yaà tɔ̀ɔ̀nyaàŋ, jòòpɛɛ anyuùŋ kpùuŋ nyàŋ gbiŋ aŋ fè tɔ̀ɔ̀nyaàŋ. Wɔŋ fɛ̀ì Dayàa naŋ woò wààŋ, “Maŋ mìè gbòaum màŋ tɔɔ̀ kɛ̀ mùŋ yaà tɔ̀ɔ̀nyaàŋ sèè mùŋ woà e keì. Mùŋ kuwa maŋ kɛ̀ɛ̀nɛ̀ŋ gɛŋ sèè mùŋ nɔ̀ŋ kɔ̀ɔ̀yɛ̀ e gbài dìì.”

2 Kɔliìŋ 1:18

Màànààŋ nɔŋ wo Dayà gbaì tɔ̀ɔ̀nyaàŋ lɛ, e ɗààhiì mɛ̀ ko nɛ̀ɛ̀iŋ niìŋ fè wa kè “Hɛ̀ɛɛ̀ŋ” yèè kè “Kpele.”

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Taitɔ̀ 1:2

e yèɛ nyaàiŋ naŋ dè ke jii tùlia wèè nyiiŋ gèe gò jùà. Wo Dayà, wo yèɔ fè tòà wɔ, naŋ wa ɓèmè e ɗààhiì pangàà ko tɔ̀ɔ̀tù e ɗuunyaàŋ,

Hiɓu 6:18

Manɛ̀ŋ ɗì tìyèe mɛɛ̀ŋ nàŋ yaào. Wo Dayà fè tòà, wo fè kìlà kè jiiuŋ nɛɛ̀ŋ julɔfɔ wèè e ɗààhiìɛ wò naŋ jɔ̀ɔ̀ e kìlà wò naŋ gbòònò diɛŋ lɛ̀. Yàwi nyàŋ naiŋ kɔ̀ ko nɛ̀ɛ̀uŋ niìŋ wèè wo wi joeyè nyaŋ, è doiŋ wɛ̀i nàŋ kɛ̀ɛ̀nɛ̀ŋ jii nyingè gbee wèè eiŋ kùwà kpaŋ koɓɛ̀ ke jii tùliaà yàwì ko feìŋ lɛ.

1Jɔ̀ɔŋ 5:10

Wo nyùnɔ̀ɔ̀ŋ gbiŋ naŋ sìè e hààwe wo Jɔ̀àfèlàà Dayaà sùà wɔ, wò kuwa ke mìè seìɛ ke jiiuŋ nɛɛ̀ŋ sùà. Kɛɛ wo nyùnɔ̀ɔ̀ŋ gbiŋ gò hààwè wò Dayà wɔ wò mììnè Dayà nyuùŋ tòa, e fèfoo wo gò hààwè kè mìè seìɛ wò Dayà naŋ fè è nyaàiŋ dè wò Jɔ̀àfelaauŋ nɔɔ̀ŋ lɛ.