Jɔ̀ɔŋ 7:23 - WƆŊ FƐ̀Ì EBÒ SÌÀŊ DAYÀA

²³ Sèè wo jɔ̀àfelaa nɔ̀ŋ ke kpùà jàa ke Ɗɔ̀ɔ̀ Zòòlò aŋ Juùù nyaŋ diɛŋ wèè niŋ go nàŋ pɔ̀ɔ̀ ke sàwà Mòòzeɛ̀, kɛ̀ wèè kiìŋ nìŋ naim tùù sìwè e fòfoo mìŋ naŋ sùngò wo nyùùŋ bà ke ɗɔ̀ɔ̀ guùŋ bi bà diɛŋ miàŋ pɛɛ?

Jɔ̀ɔŋ 7:23 ပူးပေါင်းရင်းမြစ်များ

Maafiù 12:10

ko yèi wò naŋ wa mɛ̀ɛ̀ŋ wo felaa kùwìè wɔŋ kuàŋ fàa. Anyùùŋ bà yaào wa aŋ yè nyaŋ manaŋ wa auŋ kùwìà ke sàwà e keì naanààŋ nyɛ̀nɛŋ. Kpeiŋ àŋ naŋ dàwè wo Jisɛ̀ nyààŋ, “Wo Dayà naŋ wi gè nyààŋ diɛŋ wèè eiŋ sùngà wo nyuùŋ sàaŋ ke Ɗɔ̀ɔ̀ Zòòlò aŋ Juùù nyaŋ diɛŋ?”

Maafiù 12:2

Kɛɛ nààŋ aŋ Fɛlosiì nyaŋ naŋ wa tɛɛ̀ yɛmɛ̀, àŋ naŋ wòò wo Jisɛ̀ nyààŋ, “Yɛ̀mɛ̀ weè, ke sàwà wiɛ̀ gò wi gè nyààŋ diɛŋ wèè ànyùùŋ màŋjɛ̀wɛ̀um nyàŋ aŋ nyɛ̀nɛ̀ŋ è keì mààŋ tii ke Ɗɔ̀ɔ̀ Zòòlò aŋ Juùù nyaŋ diɛŋ!”

Maafiù 12:5

Yèè kòò nìŋ kpɛ̀nɛ̀ŋ màŋ Sàwà Mòòze màŋ kɛ̀, aŋ gè aŋ sìèfèìŋ zòòlo nyàŋ nyààŋ diɛŋ wèè aŋ nyɛ̀nɛ̀ŋ e tòmo ko Saaŋ Zòòlò Dayài ke Ɗɔ̀ɔ̀ Zòòlò aŋ Juùù nyaŋ diɛŋ? Kɛɛ wo nyùùŋ gbiŋ fè woò wààŋ àŋ pɔ̀ɔ̀ kè sàwà kè Ɗɔ̀ɔ̀ Zòòlò àŋ Juùù nyaŋ.

Jɔ̀ɔŋ 5:10

Nààŋ anyuùŋ gbeegbèè nyaŋ aŋ Juùù nyaŋ sùà naŋ yɛ̀mɛ̀ wo felaaà wo Jisɛ̀ naŋ sùngò wɔ wò yaà kòa sùà wɔŋ ɓɛɛuŋ nɔɔ̀ŋ, aŋ nauŋ woò nyààŋ, “Nàaŋ nàŋ yaà ke Ɗɔ̀ɔ̀ Zòòlò aŋ Juùù nyaŋ, e kìlà ke sàwà wiɛ̀ gò wi gè nyààŋ diɛŋ wèè wò nyùùŋ gbiŋ wo kòà wɔ̀ŋ ɓɛɛuŋ nɔɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Jɔ̀ɔŋ 7:21

Wo Jisɛ̀ naŋ nyiŋ woò wààŋ, “Mìŋ naŋ nyɛ̀nɛ̀ŋ e tòmò e kèè mèè guùŋ, yèè è naŋ wa fòònò nyɛ̀iŋ nààŋ gbiŋ.

Jɔ̀ɔŋ 9:16

Aŋ Fɛlosiì nyaŋ bà nyiŋ naŋ woò nyààŋ, “Wo kenàŋ wɛɛ̀, wo Jisɛ̀ gò yèwà kòɓɛ̀ Dayài. Sèè wò yiwìào weè, wo naàŋ weè pɔ̀ɔ̀ kè sàwà kè Ɗɔ̀ɔ̀ Zòòlò aŋ Juùù nyaŋ.” Yèè aŋ bà nyiŋ naŋ woò nyààŋ, “Dièsɔa wo nyùùŋ maŋ jùumù naŋ ɓɛ̀nɛ̀ŋ nyɛ̀nɛ̀ŋ e kèè mèè mààŋ tɛɛ̀?” Yèè e kpàànè kpaane naŋ sɛ̀ɛ̀ aŋ Fɛlosiì nyaŋ e fèemàŋ.