Jɔ̀ɔŋ 7:19 - WƆŊ FƐ̀Ì EBÒ SÌÀŊ DAYÀA

¹⁹ È yaà tɔɔɓaa kɛ̀ wo Mòòze naiŋ wa kìɛ̀ŋ maŋ sàwà Dayà maŋ. Kɛɛ nyɛ̀iŋ nààŋ bà gbiŋ fè miŋ jɔ̀ɔ̀lɔ̀ dìì è tɔ̀ɔ̀nyaàŋ sùà. Sèè nìŋ jɔɔlɔ̀ miìŋ weè dìì, kɛ̀ wèè kiìŋ nìŋ yaà kààmè ɗewe wèè naim jìwà?”

Jɔ̀ɔŋ 7:19 ပူးပေါင်းရင်းမြစ်များ

Maafiù 12:14

Kpeiŋ aŋ Fɛlosiì nyaŋ naŋ fòlò yèè àŋ naŋ kɔ̀ aŋ ɗewè wèè aŋ jìwà wo Jisɛ̀.

Maafiù 21:38

Kɛɛ nààŋ anyuùŋ yɛ̀mɛ̀ ɓùɔ diɛŋ naŋ yɛ̀mɛ̀ wo jɔ̀àfelaauŋ nɔɔ̀ŋ, àŋ naŋ wòò nyiŋ bi e fèemàŋ nyààŋ, ‘Wo jɔ̀àfèlàà kenàaŋ wuŋ bi wɛɛ̀. Jìwà winùuŋ, kɛ̀ manɛ̀ɛ̀ŋ dààuŋ màŋ nɔ̀ŋ weè wi!’

Jɔ̀ɔŋ 1:17

Wo Dayà naŋ wa kìɛ̀ŋ wo Mòòze maŋ Sàwà wèè koɓɛ̀ anyùùŋ nyaŋ, kɛɛ wo Dayà naŋ wa tɔ̀ɔ̀ e mànauŋ nɛ̀ yèè wò naŋ tɔ̀ɔ̀ e tɔ̀ɔ̀nyaàaŋ e nyaàiŋ dè wuŋ bi e yìwìà wo Jisɛ̀ Kulaì sùà.

Jɔ̀ɔŋ 10:39

E tèèngà guùŋ bi sùà ɓɛìŋ àŋ manaŋ wa auŋ kùwà, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Jɔ̀ɔŋ 11:53

E nɔŋ e yìwìà ke ɗɔɔ yii, anyùùŋ gbèègbèè aŋ Juùù nyaŋ naŋ wa kùùnò e ɗewe kàme wèè aŋ jìwà wo Jisɛ̀.

Jɔ̀ɔŋ 5:16

Kpeiŋ àŋ naŋ tɔ̀ɔ̀tù wo Jisɛ̀ nìmila, esaɓù kɛ̀ wò naŋ wa jòèyè wo felaa wɛɛ̀ ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 5:45

Ɓɔ̀ nìŋ gongò kɛ̀, miàŋ nàŋ do wa nàwèè nàŋ wòò wo Dèda miɔ̀ŋ kɛ̀ nìŋ naŋ nyɛ̀nɛ̀ŋ maŋ keì naanààŋ. Wo Mòòze wo yèɔ nìŋ kuwa jii tùlia kɛ̀ wò doiŋ wa nàwèè nàŋ kpuumò wɔ, wuŋ nàŋ doiŋ wa nàwèè nàŋ jàà e keì ɗì.

Jɔ̀ɔŋ 7:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Jɔ̀ɔŋ 7:25

Anyùùŋ nyaŋ bà nyiŋ yewe wa ko Jùlusɛ̀làm nyaŋ yaà wa wòò e kèè wo Jisɛ̀ nyààŋ, “Wɛɛ̀ nààŋ fè wò felaaà ànyùùŋ gbèègbèè àŋ Juùù nyaŋ yaà kààmè ɗewe wèè aŋ jìwà wɔ?

Nyɛ̀nɛ̀ŋ 7:38

Wuŋ yaà anyùùŋ Ezɔ̀ɛ̀ nyaŋ naŋ wa gbònò koɓɛ̀ guùŋ ke fòùngà e diì wòaà diɛŋ. Wuŋ yèè aŋ nèwàènèwe wi nyàŋ yaà wa koɓɛ̀ guùŋ yèè yaà wo màikàa nauŋ wa gbòò kɔɔ wɔŋ Tòò Sanàa dìmɛ̀ lɛ, yèè wò naŋ yɛ̀mɛ̀ maŋ mìè gbìàŋ nyiiŋ gèe e yìwìà wo Dayà sìwè wèè wo wi miŋ kiɛ̀ŋ.

Gàla 3:19

Kpeiŋ kɛ̀, kiìŋ nàŋ yaà wa esàɓù ke Sàwàa? Ke Sàwàa naŋ wa nɔ̀ŋ kìɛŋ nyiŋ wèè ke tɔɔ̀ kɛ̀ èiŋ nyɛ̀nɛ̀ŋ e jùumù. Kɛɛ kè do wa nɔŋ nàŋ jeè e jèèsùà wo jɔ̀ɛ̀jɔ̀ɛ̀ Eɓulɔhɛɛ̀ɔŋ wo hnàŋ, koɓɛ̀ wo yèɔ àŋ naŋ wa kìɛ̀ŋ e ɗààhiìɛ wɔ̀. Aŋ màìkà nyaŋ naŋ wa kìɛ̀ŋ ke Sàwàa wo Mòòze, wo yèɔ yaà wa e fèèmàŋ Dayà yaà anyuùŋ kpùuŋ nyàŋ e teenga lii sùà wɔ.

Gàla 6:13

Aŋ yè nyaŋ pɛɛ nyɛnɛŋ e wùànàŋ wèè aiŋ jàà kpùa maŋ kèìŋ maŋ sùà nyaŋ, aŋ fè jɔ̀ɔ̀lɔ̀ kè Sàwàa dìì, àŋ manaŋ nɔŋ maŋ nɔ̀ŋ kpùà jàa maŋ kèìŋ maŋ sùà wèè aŋ kɛ̀ɛ̀ maŋ yòngà kɛ̀ nàŋ jɔ̀ɔ̀lɔ̀ e ɗèwè maŋ langi nyìŋ màŋ dìì.