Jɔ̀ɔŋ 7:15 - WƆŊ FƐ̀Ì EBÒ SÌÀŊ DAYÀA

¹⁵ È naŋ wa fòònò anyùùŋ gbèègbèè aŋ Juùù nyaŋ zimgbe wèè e ɗewe kiiɛ̀ wò yaà wa kàà sùà anyùùŋ nyaŋ lɛ̀, yèè àŋ naŋ dawè nyààŋ, “Dièsɔa wo felaa wɛɛ̀ naŋ nyɛ̀nɛ̀ŋ wò naŋ nyìmè maŋ keì mɛɛ̀ŋ gbiŋ fèemàŋ tɛ̀ɛ̀, tiŋ zà kòò wò kɔ̀ wa è kàa dìì wèè wo miŋ gbeè?”

Jɔ̀ɔŋ 7:15 ပူးပေါင်းရင်းမြစ်များ

Maafiù 13:54

yèè wò naŋ kɔ̀ ko jawa kùmiauŋ noo, kpeiŋ wò naŋ tɔ̀ɔ̀tù anyùùŋ nyaŋ kàa ke sààŋ zòòlò aŋ Juùù nyaŋ dìì. È naŋ wa fòònò anyùùŋ nyaŋ nauŋ wa kumiè nyaŋ. Kɛɛ anyùùŋ nyaŋ bà nyiŋ naŋ wa dawè nyààŋ, “Kòò wò naŋ gè e jiikɛ̀ɛ lɛɛ̀ gbiŋ, yèè e gààaŋ wèè wo nyɛ̀nɛ̀ŋ maŋ kèè mèè mɛɛ̀ŋ?

Maafiù 22:22

È naŋ nyiŋ wa foonò nààŋ àŋ naŋ kòmò e nɛ̀ɛŋ wo Jisɛ̀ naŋ woò lɛ. Yèè àŋ nauŋ jòò àŋ naŋ kɔ̀.

Maafiù 22:33

È naŋ wa fòònò anyùùŋ nyaŋ nààŋ àŋ naŋ wa kòmò e yèɛ wo Jisɛ̀ yà nyìŋ wa kàa sùà lɛ.

Luù 2:47

È naŋ wa fòònò anyùùŋ nyaŋ gbiŋ nauŋ wa kumiè nyaŋ wèè e ɗeweɛ̀ wo Jisɛ̀ yaà wa fàsàì sùà maŋ màaŋdàwè maŋ lɛ̀.

Luù 4:22

Ko tɔ̀ɔ̀tù e gbòauŋ nɛ̀, anyùùŋ nyaŋ gbiŋ naŋ wa gbòò tɛ̀ɛ̀ wèè Jisɛ̀. Esaɓù kɛ̀ è naŋ nyiŋ wa foonò wèè maŋ mìè gbòa siauŋ màŋ wò naŋ wa gbòò maŋ. Kɛɛ àŋ naŋ dawè nyààŋ, “Wuŋ nàŋ fè wò jɔ̀àfèlàà Jòòsɛɔ̀?”

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 7:11

Anyùùŋ gbèègbèè aŋ Juùù nyaŋ yaà wa yɛ̀ɛ̀mɛ̀ wo Jisɛ̀ dòmaŋ yèè àŋ naŋ kùùnò dàwè anyùùŋ nyaŋ wɔŋ ɗaaà sùà nyààŋ, “Kòò wo felaa dàà gbɔ̀ɔ wii wò yaà?”

Jɔ̀ɔŋ 7:13

Kɛɛ anyùùŋ nyaŋ gò wa wòò è kiiuŋ gèngèè esaɓù kɛ̀, àŋ duɔŋ wa anyùùŋ gbèègbèè aŋ Juùù nyaŋ.

Jɔ̀ɔŋ 7:46

Anyuùŋ tùnìàŋ ke Saaŋ Zòòloɛ̀ naŋ nyiŋ fasàì nyààŋ, “Wo nyùùŋ gbiŋ kòò wò wòò wa màŋ keì maŋ wo felaa wɛɛ̀ naŋ woò maŋ!”

Nyɛ̀nɛ̀ŋ 26:24

Wèè paŋ wo Pɔɔ̀ kpɛɛyɛ̀ wa gbòa wèè wuŋ bi, wò Fɛtɔ̀ nauŋ kpiinyɛ̀ŋ wààŋ, “Pɔɔ̀, mùŋ naŋ sààŋ ke gbòà! E nɛ̀ŋ nyìmaŋ zimgbe è nyɛ̀nɛ̀ŋ ke jii komaŋ mɔɛ̀ŋ kè gbaaì.”

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.