Jɔ̀ɔŋ 7:14 - WƆŊ FƐ̀Ì EBÒ SÌÀŊ DAYÀA

¹⁴ Nààŋ maŋ ɗɔɔ màŋ wèè wɔŋ ɗaaà naŋ wa naàŋ hàì tɛɛ wèè wɔŋ jùà, wo Jisɛ̀ naŋ kɔ̀ ko Saaŋ Zòòlò Dayài yèè wò naŋ tɔ̀ɔ̀tù anyùùŋ nyaŋ kàa.

Jɔ̀ɔŋ 7:14 ပူးပေါင်းရင်းမြစ်များ

Maafiù 21:12

Wò Jisɛ̀ naŋ kɔ̀ ko jɔ̀ɔ̀lègbèè ko Saaŋ Zòòlò Dayài yèè wò naŋ nyìmè anyuùŋ mààŋ bòli nyàŋ yaà anyuùŋ dènàŋ bòli nyàŋ ke saàŋ dìì. Wò naŋ gɔ̀àì maŋ gbɛ̀gbɛ̀ anyuùŋ vɔ̀ɔ̀nɔ̀ŋ nɛɛnɛŋ nyàŋ e kpùlìà maŋ jɛ̀ì anyuùŋ mààŋ poopoò nyaŋ.

Maafiù 26:55

Wo Jisɛ̀ naŋ gbòò koɓɛ̀ anyùùŋ nyaŋ wààŋ, “Wèè kiìŋ nìŋ naŋ hìɛ̀ŋ maŋ kòyà ɗùà yèè maŋ kuù kpuu kpùù ko kuwieim, e teenè mààŋ mìŋ yaà wo nyuùŋ dàà ke kpùùnɛɛ̀? Maŋ ɗɔɔ màŋ gbiŋ mìŋ jaà wa ko kàà anyùùŋ nyaŋ ke mìè Dayàa ko Saaŋ Zòòlò Dayài, yèè niŋ gòim wa kùwà.

Luù 19:47

Wo Jisɛ̀ hewa kàà anyùùŋ nyaŋ ko Saaŋ Zòòlò Dayài ke ɗɔɔ gbiŋ. Aŋ kànà sìèfèìŋ zòòlo nyàŋ yaà aŋ kààmɔ̀ɔ̀ŋ maŋ Sàwà Dayà nyaŋ e kpùlìà aŋ màmànkùmɛ̀ŋ aŋ Juùù nyaŋ naŋ tɔ̀ɔ̀tù ɗewe kàme wèè aŋ jìwà wo Jisɛ̀.

Jɔ̀ɔŋ 18:20

Kɛɛ wo Jisɛ̀ nauŋ fasàì wààŋ, “Mìŋ naŋ gbòò koɓɛ̀ anyùùŋ nyaŋ gbiŋ janyai. Yèè mìŋ naŋ kàà anyùùŋ maŋ sààŋ zòòlò aŋ Juùù nyaŋ yaà Ke Saaŋ Zòòlò Dayàa dìì, ko yèi anyùùŋ nyaŋ gbiŋ hewa hnàŋ koɓɛ̀ guùŋ nɛ. Mìŋ gò wòò è keì gbiŋ kè gbùnuo sùà.

Jɔ̀ɔŋ 5:14

Eɓìèmàŋjɛ̀wɛ̀ tii, wo Jisɛ̀ naŋ mɛ̀ɛ̀ŋ wo felaaà ko Saaŋ Zòòlò Dayài yèè wò nauŋ woò wààŋ, “Màŋ naàŋ jòèyà. Kɔ̀à kɛɛ ɓɔ̀ mùŋ nyɛ̀nɛ̀ŋ ɓɛìŋ màŋ kèì jùumù. Sèè mùŋ nyɛnɛŋ ɓɛìŋ e jùumù, e keì naanààŋ bà doum nàŋ kaaìŋ.”

Jɔ̀ɔŋ 7:2

E teengaà wa naàŋ gbɛ̀ɛ̀ wèè wɔŋ ɗàà gè aŋ Juùù nyaŋ wɔŋ yèɔ àŋ nyaaŋ nyààŋ wɔŋ Ɗàà Maŋ Vààyà Saaŋ màŋ wɔŋ haì.

Jɔ̀ɔŋ 7:28

Nààŋ wo Jisɛ̀ yaà wa kàà sùà anyùùŋ nyaŋ ko Saaŋ Zòòlò Dayài, wò naŋ gbòò ke miè gbee sùà yèè wò naŋ woò wààŋ, “Nàŋ gongò kɛ̀ nàim kaikpɔ nyìmàŋ yèè nàŋ nyìmàŋ kɛ̀ kòò mìŋ yewe? Miŋ gò hnàŋ è gààŋ miàŋ biɛ̀ sùà! Wo nyùnɔ̀ɔŋ naim tùɔ̀ŋ wɔ wò yaà wo nyùùŋ tɔ̀ɔ̀nyaàŋ, yèè niŋ nyimààuŋ.

Jɔ̀ɔŋ 7:37

Ke ɗɔɔ dìàmaŋ gbeeɛ̀ diɛŋ nààŋ anyùùŋ nyaŋ naŋ kpɛ̀ɛ̀yɛ̀ wɔŋ ɗaa geɔ̀, wo Jisɛ̀ naŋ sie yèè wò naŋ gbòò ke miè gbee sùà wò naŋ woò wààŋ, “Wo nyùnɔ̀ɔŋ gbiŋ nɔ̀ŋ ke jòòmàì sùà wɔ, wo hnàŋ ko nɛ̀ɛ̀ŋ miìŋ yèè mìŋ doum nàŋ kìɛ̀ŋ e wùìyè maŋ tìà.

Jɔ̀ɔŋ 8:2

Maŋ nyiìŋ tɛ̀tɛ̀ wɔŋ niìsìaà bàa wo Jisɛ̀ naŋ kɔ̀ ko Saaŋ Zòòlò Dayài. Anyuùŋ zimgbe nauŋ wa dèènè kɔɔ, yèè wò naŋ jɛi wò naŋ nyiŋ tɔ̀ɔ̀tù kàa.

Jɔ̀ɔŋ 8:20

Wo Jisɛ̀ naŋ wa tɛɛ̀ woò e teengaà wò yaà wa kàà sùà anyùùŋ nyaŋ koɓɛ̀i e sùlò nɛɛnɛɛ̀ŋ yaà wa lɛ̀ ko Saaŋ Zòòlò Dayài. Kɛɛ wo nyùùŋ gbiŋ wo gòuŋ wa kùwà, esaɓù kɛ̀ e tèèngà e fàauŋ nɛ̀ kòò è hàì wa.