Jɔ̀ɔŋ 7:1 - WƆŊ FƐ̀Ì EBÒ SÌÀŊ DAYÀA

¹ Eɓìèmàŋjɛ̀wɛ̀ tɛɛ̀, wo Jisɛ̀ naŋ jààmè anyùùŋ nyaŋ maŋ tàta màŋ sùà wɔŋ fùɔ̀ŋ Galaliìɔ. Wò naŋ wa yèwè ko Jùdià esaɓù kɛ̀ anyùùŋ gbèègbèè aŋ Juùù nyaŋ yaà wa kààmè e ɗewe wèè auŋ jìwà.

Jɔ̀ɔŋ 7:1 ပူးပေါင်းရင်းမြစ်များ

Maafiù 10:23

Yèè sèè anyùùŋ aiŋ nimilà ko jàwà ɗì guùŋ, dùaàŋ niŋ ka ko jawa joo. Yèè tɔ̀ miŋ woòiŋ e tɔɔɓaaà kɛ̀, niŋ naàŋ kpɛ̀ɛ̀yɛ̀ è tòmoiŋ nɛ̀ màŋ jawa màŋ gbiŋ wɔ̀ŋ fùɔ̀ŋ Ezɔ̀ɛ̀ɔ sùà paŋgàà miàim wò Jɔ̀àfèlàà Nyuùŋ Kpùnɔɔ̀ŋ mìŋ hnàŋ.

Maafiù 21:38

Kɛɛ nààŋ anyuùŋ yɛ̀mɛ̀ ɓùɔ diɛŋ naŋ yɛ̀mɛ̀ wo jɔ̀àfelaauŋ nɔɔ̀ŋ, àŋ naŋ wòò nyiŋ bi e fèemàŋ nyààŋ, ‘Wo jɔ̀àfèlàà kenàaŋ wuŋ bi wɛɛ̀. Jìwà winùuŋ, kɛ̀ manɛ̀ɛ̀ŋ dààuŋ màŋ nɔ̀ŋ weè wi!’

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 4:3

Kpeiŋ nààŋ wo Jisɛ̀ naŋ kòmò e yèɛ anyùùŋ nyaŋ yaà wa woo lɛ̀ e nyaàiŋ euŋ dè, wò naŋ yèwè ko Jùdià yèè wò naŋ ɓɛìŋ kɔ̀ ko Galaliì.

Jɔ̀ɔŋ 4:54

Tɛɛ̀ nàŋ yaà wa e kèè mèè dìà tìyèeɛ̀ wo Jisɛ̀ naŋ nyɛ̀nɛ̀ŋ nààŋ wò naŋ yèwè ko Jùdià yèè wò naŋ kɔ̀ ko Galaliì.

Jɔ̀ɔŋ 6:1

Eɓìèmàŋjɛ̀wɛ̀ tɛɛ̀, wo Jisɛ̀ naŋ ɓèmè anyùùŋ màŋjɛ̀wɛ̀uŋ nyàŋ yèè àŋ naŋ nìè wɔŋ juwoɔ̀ wɔŋ fùɔ̀ŋ Galaliìɔ, wɔŋ yèɔ àŋ nyaaŋ ɓɛìŋ wɔŋ Jùwò Tàbiliàa.

Jɔ̀ɔŋ 7:11

Anyùùŋ gbèègbèè aŋ Juùù nyaŋ yaà wa yɛ̀ɛ̀mɛ̀ wo Jisɛ̀ dòmaŋ yèè àŋ naŋ kùùnò dàwè anyùùŋ nyaŋ wɔŋ ɗaaà sùà nyààŋ, “Kòò wo felaa dàà gbɔ̀ɔ wii wò yaà?”

Jɔ̀ɔŋ 7:13

Kɛɛ anyùùŋ nyaŋ gò wa wòò è kiiuŋ gèngèè esaɓù kɛ̀, àŋ duɔŋ wa anyùùŋ gbèègbèè aŋ Juùù nyaŋ.

Jɔ̀ɔŋ 7:19

È yaà tɔɔɓaa kɛ̀ wo Mòòze naiŋ wa kìɛ̀ŋ maŋ sàwà Dayà maŋ. Kɛɛ nyɛ̀iŋ nààŋ bà gbiŋ fè miŋ jɔ̀ɔ̀lɔ̀ dìì è tɔ̀ɔ̀nyaàŋ sùà. Sèè nìŋ jɔɔlɔ̀ miìŋ weè dìì, kɛ̀ wèè kiìŋ nìŋ yaà kààmè ɗewe wèè naim jìwà?”

Jɔ̀ɔŋ 7:25

Anyùùŋ nyaŋ bà nyiŋ yewe wa ko Jùlusɛ̀làm nyaŋ yaà wa wòò e kèè wo Jisɛ̀ nyààŋ, “Wɛɛ̀ nààŋ fè wò felaaà ànyùùŋ gbèègbèè àŋ Juùù nyaŋ yaà kààmè ɗewe wèè aŋ jìwà wɔ?

Jɔ̀ɔŋ 7:35

Anyùùŋ gbèègbèè aŋ Juùù nyaŋ bà nyiŋ naŋ dàwè nyiŋ bi fèemàŋ nyààŋ, “Kòò wò do nàŋ kɔ̀ e yèɛ sèè è kamàuŋ e naàuŋ yɛmɛ̀? Ɓàà wò do nàŋ kɔ̀ wɔŋ fuɔŋ joo bà sùà ko yèi anyuùŋ wi nyàŋ bà joà lɛ anyuùŋ gbòà Guliì mie nyàŋ tɛɛ wèè wo nyiŋ kàà e ɗèwè e Guliì mieɛ̀ gbòa?

Jɔ̀ɔŋ 8:37

Kà nyìmàŋ kɛ̀ nìŋ folo ke kpòò Eɓulɔhɛɛ̀ɛŋ sùà, yɛi nɔŋ è yaà nìŋ yaà kààmè ɗewe wèè naim jìwà, esaɓù kɛ̀ niŋ gò jàà è kàa mɛ̀ kùàŋ dìì.

Jɔ̀ɔŋ 8:40

Kɛɛ wèè niŋ go niŋ nàŋ jàà kùàŋ dìì, nìŋ manaŋ naim jìwà e fòfoo mìŋ yààìŋ wòò sùà e tɔ̀ɔ̀nyaàaŋ wo Dayà naim kiɛ̀ŋ lɛ. Wo Eɓulɔhɛɛ̀ŋ gò wa nyɛ̀nɛ̀ŋ è keì mààŋ tii.

Nyɛ̀nɛ̀ŋ 10:38

Nàŋ nyìmàŋ e kèè wo Jisɛ̀ e yìwìà ko Naazɔ̀ɛ̀, wo yèɔ wo Dayà naŋ wa tàeɗùù yèè wò nauŋ kìɛ̀ŋ wo Jìnàŋ Nɛɛmaàŋ yaà e gààŋ. Wò naŋ wa kìlìè maŋ tàta màŋ gbiŋ sùà, wò yaà nyìnìè maŋ keì sìàŋ yèè wò yaà jòèye sùà anyùùŋ nyaŋ yaà wa e gààŋ Dɛwìɔ dìì nyaŋ, esaɓù kɛ̀ wo Dayà yàaùŋ wa kpuumo.