Jɔ̀ɔŋ 6:9 - WƆŊ FƐ̀Ì EBÒ SÌÀŊ DAYÀA

⁹ “Wo felaajɔa bà kòò wò yaà kià wò kuwa maŋ gbɔ̀ù fàà nɔɔnɔŋ e yèɛ àŋ bàànè diidàà yaà aŋ kɛ̀ì tìyèe. Kɛɛ e gò gàŋ wèè ànyùùŋ nyɛɛ̀ŋ gbiŋ.”

Jɔ̀ɔŋ 6:9 ပူးပေါင်းရင်းမြစ်များ

Maafiù 14:17

Yèè àŋ naŋ wòò wo Jisɛ̀ nyààŋ, “Maŋ gbɔ̀ù fàà nɔɔnɔŋ yaà aŋ kɛ̀ì tìyèe è kùwàìŋ kià.”

Maafiù 16:9

Kòò nìŋ nyìmè nɔŋ è keì gbiŋ fèemàŋ kpɛ? Yèè niŋ fè jàà è keì jii e teengaà mìŋ naŋ wa nyìmè nyìmè e gbɔ̀ù kpùnàŋ nɔɔnɔɛ̀ŋ wèè anyuùŋ tààsùùŋ nɔɔnɔŋ (5,000) nyàŋ lɛ? E gòiŋ kpɛ̀nɛ̀ŋ àŋ jɔùŋ yèè àŋ jɔ̀àkàiŋ. E gbɔ̀u kpuu kpùù gbànaàŋ àŋ naŋ wa soòò lɛ, nìŋ naŋ niŋ wa tùɔ̀ŋ, pòùm gbèègbèè dìà kiìŋ nìŋ naŋ miŋ wa sìèò sùà?

Luù 9:13

Kɛɛ wo Jisɛ̀ naŋ nyiŋ woò wààŋ, “Nyɛ̀iŋ bi kàmeìŋ e nɛ̀ŋje niŋ kiɛ̀ŋ nyiŋ aŋ jè.” Anyùùŋ màŋjɛ̀wɛ̀ nyaŋ naŋ fàsàì Jisɛ̀ nyààŋ, “Maŋ gbɔ̀ù fàà nɔɔnɔŋ yaà aŋ kɛ̀ì tìyèe è kùwàìŋ kià. Sèè è mɔnɔŋ wèè eiŋ gɔ̀ɔ̀yɛ̀ anyùùŋ nyɛɛ̀ŋ gbiŋ, è kuwa eiŋ ka wèè eiŋ dènàŋ e nɛ̀ŋje.”

Jɔ̀ɔŋ 11:21

Wo Mààta naŋ wòò wo Jisɛ̀ wààŋ, “Kanaà, sèè maŋ dài weè kià nɔ̀ŋ, wo wùìya miɔ̀ŋ naàŋ mɛ̀iŋ weè nàŋ fɔ̀!

Jɔ̀ɔŋ 11:32

Wo Mèèle naŋ wa kɔ̀ koɓɛ̀i wo Jisɛ̀ yaà wa lɛ̀. Nààŋ wo Mèèle nauŋ wa yɛmɛ̀, wò naŋ dè maŋ gɛ̀ɛ̀nùuŋ màŋ dììnaŋ yèè wò naŋ woò wààŋ, “Kanaà, sèè maŋ dài weè kià nɔ̀ŋ, wo wùìya miɔ̀ŋ naàŋ mɛ̀iŋ weè nàŋ fɔ̀.”

Jɔ̀ɔŋ 21:10

Yèè wo Jisɛ̀ naŋ nyiŋ woò wààŋ, “Hìaìŋ aŋ kɛ̀ì nyaŋ nìŋ naŋ nɔŋ kùwò nyaŋ bà.”

Jɔ̀ɔŋ 21:13

Wo Jisɛ̀ naŋ ɓèmè ke gbɔ̀uɛ̀ bà yèè wò naŋ nyiŋ kiɛ̀ŋ. Eɓìèmàŋjɛ̀wɛ̀ tii wò naŋ ɓɛìŋ ɓèmè wo kɛìɔ bà yèè wò naŋ nyiŋ wuŋ kiɛ̀ŋ.

Jɔ̀ɔŋ 21:9

Nààŋ anyùùŋ màŋjɛ̀wɛ̀ nyaŋ naŋ wa fòlò wɔŋ gɔɔ̀ sùà e tiwi feìŋ nɛ, àŋ naŋ mɛ̀ɛ̀ŋ e hmɔɔ̀ŋ dììya wo kɛì hàwà nìŋ diɛŋ yèè ke gbɔ̀u.

Jɔ̀ɔŋ 6:11

Kpeiŋ wo Jisɛ̀ naŋ ɓèmè e gbɔ̀ù nɔɔnɔɛ̀ŋ yaà aŋ kɛ̀ì tìyèe nyàŋ, yèè wò naŋ yɛ̀mɛ̀ kofùiŋ wò naŋ gè wo Dayà esɛ̀. Wò naŋ nyìmè nyìmè e gbɔ̀uɛ̀ yèè wò naŋ niŋ kìɛ̀ŋ anyùùŋ màŋjɛ̀wɛ̀uŋ nyàŋ wèè aŋ goonò niŋ aŋ nyùùŋ nyaŋ fèemàŋ. Yèè wò naŋ nyiŋ ɓɛìŋ gòònò aŋ kɛ̀ì tìyèe nyàŋ aŋ gbiŋ e tɛɛ. Wo nyùùŋ gbiŋ naŋ wa gbìlè wo dià.

Jɔ̀ɔŋ 6:7

Wo Felè naŋ fasàì wààŋ, “Wèè anyùùŋ nyɛɛ̀ŋ bà guùŋ pɛɛ wo yɛ̀mɛ̀ e nɛ̀ŋje jɔa tòloò wèè euŋ kpɛ̀lɛ̀ sùà, sɔɔ̀ eiŋ mààŋ e nɛɛnɛŋ esɔ̀ngɔ̀ e nɛ̀ɛ̀nɛ̀ŋ wɔŋ dòà guùŋ wèè eiŋ dènàŋ e nɛ̀ŋje wèè anyùùŋ nyɛɛ̀ŋ gbiŋ.”

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

Maŋ kèì nyɛɛnɛŋ 6:6

Mìŋ naŋ kòmò ebò ke mìè gbòa mààŋ kè mìè nyuùŋkpùuŋ, e yìwìà maŋ ɗòlònɛ̀ŋ tiinàŋ maŋ e fèemàŋ, yèè kè naŋ woò wààŋ, “E sɔ̀ngɔ̀ e kpàlì sààmàìŋ tìyèe do nàŋ nɔ̀ŋ e pààwà e tòmò ke ɗɔ̀ɔ̀ guùŋ, yèè e sɔ̀ngɔ̀ e diidàà sààmàìŋ nɔɔnɔŋ dièguùŋ do nàŋ nɔ̀ŋ e pààwà e tòmò ke ɗɔ̀ɔ̀ guùŋ. Kɛɛ ɓɔ̀ nìŋ jìwà màŋ ɔlè kùù maŋ yaà maŋ gbɛ̀mɛ̀ɛ̀ŋ kuu màŋ, wèè e bù yaà maŋ tala muaŋ goiŋ nàŋ jùò sìwè.”