Jɔ̀ɔŋ 6:71 - WƆŊ FƐ̀Ì EBÒ SÌÀŊ DAYÀA

⁷¹ Wò yaà wa wòò e kèè wo Juɗà, wo jɔ̀àfèlàà Saimɔŋ Àkaaliɔ̀ɔ. Wo Jisɛ̀ wààŋ kɛ̀ wo Juɗà nàŋ douŋ wa nàŋ maàŋ, jòòpɛɛ wò yaà wa àŋ zììyà jɛ̀wɛ̀ tìyèe nyàŋ bà guùŋ.

Jɔ̀ɔŋ 6:71 ပူးပေါင်းရင်းမြစ်များ

Maafiù 10:2

Maŋ dèè anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ wò naŋ wa nyààŋ aŋ keela tàeɗùù nyaŋ nyɛɛ̀ŋ, wò naŋ tà wo Saimɔ̀ŋ ɗùù (wo yèɔ wò naŋ wa jàà e deè jɛ̀ìɛ Piilɛ̀), yèè wo nanàuŋ nɔɔ̀ŋ Anɗù, wo Jìiiŋ yaà wo nanàuŋ nɔɔ̀ŋ Jɔ̀ɔŋ, aŋ jɔ̀àfèlàà Zɛɓɛdiì nyaŋ.

Maafiù 10:4

wo Saimɔ̀ŋ, wo nyùùŋ fùɔ̀ŋ kenàaŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ, yèè wo Juɗà Àkaaliɔ̀, wo yèɔ naŋ wa mààŋ wo Jisɛ̀ wɔ.

Jɔ̀ɔŋ 12:4

Kɛɛ wo nyùùŋ màŋjɛ̀wɛ̀ Jisɛ̀ɔ bà guùŋ, wo yèɔ àŋ nyaaŋ wo Juɗà Àkaaliɔ̀ wɔ, wo yèɔ yaà wa hinie wèè wo mààŋ wo Jisɛ̀ wɔ naŋ wa tùù wo Mèèle sìwè yèè wò naŋ woò wààŋ,

Jɔ̀ɔŋ 13:2

Wèè paŋ aŋ tɔɔtù wa e nɛ̀ŋjè koya nyiŋ nɛ̀ jèe, wo Sɛ̀tanàŋ naŋ gbìɛ̀ŋ e gòngò ke kpèè naanààŋ nyɛ̀nɛŋ wo Juɗà Àkaaliɔ̀ ke jiio sùà, wo jɔ̀àfèlàà Saimɔŋ Àkaaliɔ̀, yèè wò naŋ ɗewè wèè wo maàŋ wo Jisɛ̀.

Jɔ̀ɔŋ 13:26

Wo Jisɛ̀ naŋ fasàì wààŋ, “Mìŋ do nàŋ dè ke gbɔ̀u yɛɛ̀ ko gɛ̀yiì yèè ka nyiŋ kìɛ̀ŋ wo nyùnɔ̀ɔŋ mìŋ sɔ̀à wɔ.” Kpeiŋ wo Jisɛ̀ naŋ dè ke gbɔ̀uɛ̀ ko gɛ̀yiì yèè wò naŋ nyiŋ kìɛ̀ŋ wo Juɗà, wo jɔ̀àfèlàà Saimɔŋ Àkaaliɔ̀ɔ.

Jɔ̀ɔŋ 2:2

Anyùùŋ nyaŋ naŋ wa nyààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ nyiŋ pɛɛ ko gbììnyɛ̀ŋ ke yɛ̀ɛ̀ɛ.

Jɔ̀ɔŋ 20:24

Jòòpɛɛ wo Sewìɔ Tàmaŋ yaà wa anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ bà guùŋ, kɛɛ wo fè wa àŋ dàwiuŋ nyàŋ è tɛɛ è teengaà wò Jisɛ̀ naŋ nyiŋ wa fòlò fɛɛ̀feìŋ lɛ.

Jɔ̀ɔŋ 6:64

Kɛɛ nyɛ̀iŋ nààŋ bà nyiŋ naŋ gè maŋhɛɛ wèè naim haawè.” Wo Jisɛ̀ naŋ wa tɛɛ̀ woò e fòfoo wò wa nyìmàŋ e yìwìà ko tɔɔtuì kɛ̀ ɓòò nàŋ heuŋ wa nàŋ kɛ̀ɛ̀nɛ̀ŋ e hààwe ko sùà. Yèè wò wa ɓɛìŋ nyìmàŋ kɛ̀ ɓòò nàŋ heuŋ wa nàŋ maàŋ koɓɛ̀ anyuùŋ naanààŋ nyaŋ.

Jɔ̀ɔŋ 6:70

Wo Jisɛ̀ naŋ fasàì wààŋ, “Mìŋ naiŋ wa tàeɗùù nyɛ̀iŋ nààŋ zììyà jɛ̀wɛ̀ tìyèe nyàŋ, kɛɛ nyɛ̀iŋ nyɛɛ̀ŋ wo bà guùŋ wò yaà wo nyuùŋ kɛ̀ɛ̀nɛ̀ŋ ke kpèè naanààŋ!”

Nyɛ̀nɛ̀ŋ 2:23

Wo Dayà wuŋ bi naŋ wa jàà esaɓù titi ɓula e kìlà wò naŋ kìlè wo Kanaà Jisɛ̀ ko nɛ̀ɛ̀iŋ niìŋ. Kpeiŋ nìŋ nauŋ kùwò yèè nìŋ nauŋ kìɛ̀ŋ koɓɛ̀ anyùùŋ maŋ tùwo naanààŋ wèè aŋ jiwìàuŋ wɔŋ vànèkpaaà diɛŋ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.