Jɔ̀ɔŋ 6:65 - WƆŊ FƐ̀Ì EBÒ SÌÀŊ DAYÀA

⁶⁵ Kpeiŋ wo Jisɛ̀ naŋ nyiŋ ɓɛìŋ woò wààŋ, “Niŋ fè ɓɛ̀nɛ̀ŋ nɔ̀ŋ ànyùùŋ màŋjɛ̀wɛ̀im, sɔɔ̀ nɔŋ wo Dèdaà woiŋ gè nyààŋ diɛŋ wèè naim dè maŋjɛ̀wɛ. Esaɓùɛ lɛɛ̀ mìŋ naiŋ wòò maŋ keì mɛɛ̀ŋ gbiŋ.”

Jɔ̀ɔŋ 6:65 ပူးပေါင်းရင်းမြစ်များ

Maafiù 13:11

Wo Jisɛ̀ naŋ nyiŋ woò wààŋ, “Wèè yɛ̀iŋ, wo Dayà wòiŋ nyɛ̀nɛ̀ŋ nàŋ nyìmàŋ ke gbùnù e Kànà àìjɛnɛ̀ɛŋ, kɛɛ e fè wèè nyiŋ.

Jɔ̀ɔŋ 10:16

Kòò mìŋ kuwa aŋ ɓaawaa joo bà àŋ yè nyaŋ fè wɔ̀ŋ gɔ̀ɔ̀ŋ àŋ ɓaawaa nyɛɛ̀ŋ kò sùà nyaŋ. Mìŋ kuwa ka nyiŋ hìàŋ koɓɛ̀ guùŋ nyiŋ pɛɛ, yèè àŋ do nàŋ kòmò ke miè miɛ̀ŋ. Kpeiŋ àŋ do nàŋ nɔ̀ŋ ke gbòò maŋ ɗòlònɛ̀ŋ aŋ ɓààwàà guùŋ.

Jɔ̀ɔŋ 3:27

Wo Jɔ̀ɔŋ naŋ nyiŋ fasàì wààŋ, “E keì mààŋ tɛɛ̀ fè ɓɛ̀nɛ̀ŋ kàaiŋ kòɓɛ̀ wò nyùùŋ gbiŋ sɔɔ̀ wo Dayà e yìwìà ko àìjɛnɛ̀ŋ wouŋ gè nyààŋ diɛŋ.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

1Time 1:14

E kìlà wo Kanaà Jisɛ̀ naim gɔ̀àà e tɛ̀ɛ̀tɛ̀ɛ̀ gò kɛ̀ɛ̀nɛ̀ŋ dià zimgbeuŋ nɛ̀, yèè wò naim kìɛ̀ŋ e hààweɛ̀ yaà e mànaàŋ è yaà wo Jisɛ̀ Kulaì sùà lɛ.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Hiɓu 12:2

Jàà wiìŋ e fɛɛ̀ wilɛ̀ wo Jisɛ̀ diɛŋ, wo yèɔ è naiŋ tùlìè jii e hààwe wilɛ̀ sùà, e yìwìà ko tɔ̀ɔ̀tù e hààwe wilɛ̀ e hàì ko dìaì. Wò naŋ wa nyimèè wèè auŋ sìà sàngè, yèè auŋ kpùùnyàŋ wɔŋ vànèkpaaà diɛŋ. Kɛɛ esàɓù e zɔlɔ̀ɛ yàaùŋ wa fulie lɛ̀, wo gò wa gòngò è kèè ɓɛ̀ɛ̀pɔ̀ɔɛ̀ wèè auŋ kpùùnyàŋ wɔ̀ŋ vànèkpaaà diɛŋ. Yèè kòò wò jaa naàŋ wɔŋ kùàŋ jìka ke kpùà Kanaà Dayà kɔɔ.