Jɔ̀ɔŋ 6:64 - WƆŊ FƐ̀Ì EBÒ SÌÀŊ DAYÀA

⁶⁴ Kɛɛ nyɛ̀iŋ nààŋ bà nyiŋ naŋ gè maŋhɛɛ wèè naim haawè.” Wo Jisɛ̀ naŋ wa tɛɛ̀ woò e fòfoo wò wa nyìmàŋ e yìwìà ko tɔɔtuì kɛ̀ ɓòò nàŋ heuŋ wa nàŋ kɛ̀ɛ̀nɛ̀ŋ e hààwe ko sùà. Yèè wò wa ɓɛìŋ nyìmàŋ kɛ̀ ɓòò nàŋ heuŋ wa nàŋ maàŋ koɓɛ̀ anyuùŋ naanààŋ nyaŋ.

Jɔ̀ɔŋ 6:64 ပူးပေါင်းရင်းမြစ်များ

Maafiù 10:4

wo Saimɔ̀ŋ, wo nyùùŋ fùɔ̀ŋ kenàaŋ wo yèɔ yaà wa wo bàuŋbà wèè ke gbòò woyaà, ke yèɛ hewa nyììnè anyùùŋ jii wèè aŋ giiyà e kànà anyùùŋ ko Luùm nyaŋ maŋhɛɛ, yèè wo Juɗà Àkaaliɔ̀, wo yèɔ naŋ wa mààŋ wo Jisɛ̀ wɔ.

Jɔ̀ɔŋ 10:26

Kɛɛ nààŋ niŋ fè àŋ ɓaawaaim nyàŋ lɛ, niŋ gòim haawè.

Jɔ̀ɔŋ 18:4

Kɛɛ nààŋ wo Jisɛ̀ naŋ wa nyìmè tɛ kɛ̀ kiìŋ nàŋ yaà wa hinie wèè e kaaìŋ, wò naŋ fòlò yèè wò naŋ nyiŋ dawè wààŋ, “Ɓòò nìŋ yaà kaame?”

Jɔ̀ɔŋ 5:42

Kɛɛ kà nyìmàŋ maŋ keì nyɛ̀nɛiŋ màŋ, yèè kà nyìmàŋ kɛ̀ niŋ kuwà è mànàŋ Dayàa màŋ jiiiŋ màŋ sùà.

Jɔ̀ɔŋ 6:36

Kɛɛ kàiŋ niŋ woò kɛ̀, jòòpɛɛ nàim yɛmɛ̀ kɛɛ kòò niŋ kɛ̀ɛ̀nɛ̀ìm è hààwe kò sùà.

Jɔ̀ɔŋ 6:60

Anyùùŋ màŋjɛ̀wɛ̀ Jisɛ̀ nyaŋ zimgbe nyiŋ naŋ wa woò nyààŋ, “E kàa lɛɛ̀ naŋ nyìngè, ɓòò naŋ ɓɛ̀nɛ̀ŋ jàà kùàŋ dìì wèè e yèɛ wò yaà woo lɛ̀?”

Jɔ̀ɔŋ 6:61

Kɛɛ wo Jisɛ̀ wa nyìmàŋ kɛ̀ anyùùŋ màŋjɛ̀wɛ̀uŋ nyàŋ yaà wa gùlìè ko ɗìòsùà wèè e yèɛ wò naŋ woò lɛ, yèè wò naŋ nyiŋ woò wààŋ, “Nìŋ manaŋ naim kɛ̀ɛ̀ maŋjɛ̀wɛ wèè esàɓù e yèɛ mìŋ naŋ woò lɛ?

Jɔ̀ɔŋ 6:66

Esàɓù maŋ keì mɛɛ̀ŋ wo Jisɛ̀ naŋ nyiŋ yaà wa woò maŋ, anyùùŋ màŋjɛ̀wɛ̀uŋ nyàŋ zimgbe nyiŋ naŋ kɛ̀ɛ̀ maŋjɛ̀wɛ yèè àŋ nauŋ hɔ̀ànè maŋjɛ̀wɛ de wèè aŋ kà ko nɛ̀nɛ̀ŋ gbiŋ ɓɛìŋ.

Jɔ̀ɔŋ 8:23

Wo Jisɛ̀ naŋ nyiŋ woò wààŋ, “È ɗuunyaàŋ lɛɛ̀ dìì nìŋ kanaŋ, kɛɛ mìŋ yewe ko àìjɛnɛ̀ŋ. Nìŋ yewe e ɗuunyaŋ lɛɛ̀ sùà, kɛɛ miàŋ miŋ yiwià è ɗuunyaŋ lɛɛ̀ sùà.

Jɔ̀ɔŋ 8:55

joo pɛɛ tɔɔɓaa kɛ̀ niŋ nyimààuŋ. Sèè ka woò kɛ̀ miŋ nyimààuŋ, mìŋ do nàŋ nɔ̀ŋ wo nyuùŋ tòa maàŋ nyɛ̀iŋ gbiŋ. Kɛɛ kàuŋ nyìmàŋ, yèè mìŋ nyɛnɛŋ e yèɛ wò woà lɛ.

Nyɛ̀nɛ̀ŋ 15:18

Tɛɛ̀ mìŋ naŋ wa nyɛ̀nɛ̀ŋ anyunùim nyàŋ aŋ nyìmàŋ e teenga gɔuo sùà.’ ”

Luùm 8:29

Anyùùŋ nyaŋ wo Dayà naŋ tàeɗùù nyaŋ, nyiŋ wò naŋ ɗewè yèè wò naŋ jàà e ɓula wèè aŋ nɔ̀ŋ mààŋ wo Jɔ̀àfelaauŋ nɔɔ̀ŋ, wèè kɛ̀ wo Jɔ̀àfelaauŋ nɔɔ̀ŋ wo nɔ̀ŋ wo nyuùŋ jiɛ̀jiɛ̀ɔ anyuùŋ hààwe zimgbe tɛɛ.

2Time 2:19

Kɛɛ e kpèe nyìngàà sùàa wo Dayà naŋ heè lɛ, e fè ɓɛ̀nɛ̀ŋ mɛ̀ɛ̀mɛɛŋ, yèè e kpèe bi diɛŋ wò naŋ sìngìè maŋ fee mɛɛ̀ŋ, “Wo Kanaà Jisɛ̀ Kulaì nyìmàŋ anyùùŋ nyaŋ wò kanaŋ nyàŋ” yèè “Anyùùŋ nyaŋ woà nyààŋ àŋ yaà wèè wo Kanaà Jisɛ̀ Kulaì nyaŋ, sɔ̀ɔ̀ aŋ kɛ̀ɛ̀ maŋ kpèè naanààŋ nyɛ̀nɛŋ màŋjɛ̀wɛ.”

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.