Jɔ̀ɔŋ 6:63 - WƆŊ FƐ̀Ì EBÒ SÌÀŊ DAYÀA

⁶³ Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Jɔ̀ɔŋ 6:63 ပူးပေါင်းရင်းမြစ်များ

Jɔ̀ɔŋ 5:21

Màànààŋ nɔŋ wo Dèda miɔ̀ŋ gè anyuùŋ fàa nyàŋ dìì yèè wo nyiŋ kìɛ̀ŋ wɔŋ nyiiŋ gèe, yɛi nɔŋ e ɗèwè guùŋ bi sùà miàim wo Jɔ̀àfelaauŋ nɔɔ̀ŋ kiɛ̀ŋ wɔŋ nyiiŋ gèe koɓɛ̀ wo nyùnɔ̀ɔŋ mìŋ manaŋ wɔ̀.

Jɔ̀ɔŋ 6:68

Kpeiŋ wo Saimɔŋ Piilɛ̀ nauŋ fasàì wààŋ, “Kanaà, sèè è kɛɛ̀ùm maŋjɛ̀wɛ, ɓɛ̀ ɓòò è naiŋ ɓɛ̀nɛ̀ŋ kàa? Tiŋ zà maŋ mìè gbòaum màŋ nàŋ kiɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 5:20

“Kɔ̀àiŋ niŋ sie ko Saaŋ Zòòlò Dayài, e kìlà niŋ woò anyùùŋ nyaŋ e kèè wɔŋ nyiiŋ jɛi wɛɛ̀ŋ gbiŋ.”

Luùm 10:17

Sèè è nɔ̀ŋ yɛi, kɛ̀ wo nyùùŋ gbiŋ fè ɓɛ̀nɛ̀ŋ kɛ̀ɛ̀nɛ̀ŋ hààwe sèè wò go kòmàŋ ke miè gbìaàŋ, e nyaàiŋ dè wo Jisɛ̀ Kulaì.

Luùm 2:25

Sèè nìŋ jɔɔlɔ̀ maŋ Sàwà Dayà maŋ dìì, kɛ̀ e ɗeweɛ̀ àŋ naiŋ jàà kpùa lɛ̀ kùwìè sɛmɛ. Kɛɛ sèè nìŋ go jɔ̀ɔ̀lɔ̀ maŋ Sàwà maŋ dìì, kɛ̀ è naŋ wa weè tɛɛwɛ̀ ɓɔ̀ nìŋ nɔ̀ŋ kpùa jàaiŋ.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

1 Kɔliìŋ 15:45

Wɔŋ fɛ̀ì Dayàa wààŋ, “Wo felaa jiɛ̀jiɛ̀ɔ, Adamàŋ, àŋ nauŋ wa banè wò yaà wa wo nyuùŋkpùuŋ gè nyiiŋ.” Kɛ̀ɛ̀ wo Adamàŋ dìàmaàŋ, wò yaà wo Jinàŋ kìɛ̀ŋ wɔŋ nyiiŋ.

Gàla 5:25

Wo Jìnàŋ Nɛɛmaàŋ naŋ wi kìɛ̀ŋ wɔŋ nyiiŋ gèe, yèè è kuwa wèè eiŋ dè wo Jìnàŋ Nɛɛmaàŋ maŋjɛ̀wɛ.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Gàla 6:15

E fè keì gbiŋ wèè aŋ jàà wo nyuùŋ kpùa, ɔ̀ɔ̀ sèè àŋ gouŋ jàà kpùa, kɛɛ e yèɛ nɔŋ yaà e keì lɛ nàŋ yaà kɛ̀ wò yaà wo nyuùŋ jɛ̀ì.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.

Hiɓu 4:12

Ke mìè gbòà Dayàa kè yaà wɔŋ nyiiŋ gèe sùà yèè kè kuwa gààŋ. Kè nɔ̀ŋ ke nìàŋ e kòyà fòò maŋ nyààŋ tìyèe. Kè kɛɛ ke hàì koɓɛ̀i wo jinàaŋ yaà wɔŋ nyììŋ jinàaŋ deenàŋ lɛ, ko yèi maŋ sunosuno màŋ yaà e bù lɛ maŋ gòà maŋ hnàŋ koɓɛ̀ guùŋ lɛ. Kè fulià janjai e gòngò nyuùŋkpùuŋ nɛ̀ e kpùlìà e yèɛ wò naŋ ɗewè ke jiiuŋ nɛɛ̀ŋ sùà lɛ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,