Jɔ̀ɔŋ 6:61 - WƆŊ FƐ̀Ì EBÒ SÌÀŊ DAYÀA

⁶¹ Kɛɛ wo Jisɛ̀ wa nyìmàŋ kɛ̀ anyùùŋ màŋjɛ̀wɛ̀uŋ nyàŋ yaà wa gùlìè ko ɗìòsùà wèè e yèɛ wò naŋ woò lɛ, yèè wò naŋ nyiŋ woò wààŋ, “Nìŋ manaŋ naim kɛ̀ɛ̀ maŋjɛ̀wɛ wèè esàɓù e yèɛ mìŋ naŋ woò lɛ?

Jɔ̀ɔŋ 6:61 ပူးပေါင်းရင်းမြစ်များ

Maafiù 11:6

Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Maafiù 17:27

Kɛɛ e manàŋ wèè ànyùùŋ nyɛɛ̀ŋ aŋ wi tùù sìwè. Weètii kɔ̀à wɔŋ juwoɔ̀ muŋ dàào wɔŋ jàà yèè muŋ kùwà wo kɛì jiɛ̀jiɛ̀ɔ. Yìlè wo kɛìɔ nyààŋ, yèè mùŋ doo nàŋ mɛ̀ɛ̀ŋ ke kaiŋ fua nɛɛnɛŋ. Kɔ̀à muŋ kiɛ̀ŋ nyiŋ ke nɛɛnɛɛ̀ŋ wèè aŋ paawà nyiŋ weè wi ko Saaŋ Zòòlò Dayài.”

Jɔ̀ɔŋ 16:19

Wo Jisɛ̀ wa nyìmàŋ kɛ̀ àŋ manaŋ wa auŋ dawè, yèè wò naŋ nyiŋ woò wààŋ, “Nìŋ yaà daawe nààŋ mìŋ naŋ woò mìàŋ, ‘wèè e teenga kpàa bà niŋ naàim ɓɛìŋ yɛmɛ̀.’ Yèè mìàŋ ‘kɛɛ e teenga kpàa bà nìŋ doim ɓɛìŋ nàŋ yɛmɛ̀?’

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 6:64

Kɛɛ nyɛ̀iŋ nààŋ bà nyiŋ naŋ gè maŋhɛɛ wèè naim haawè.” Wo Jisɛ̀ naŋ wa tɛɛ̀ woò e fòfoo wò wa nyìmàŋ e yìwìà ko tɔɔtuì kɛ̀ ɓòò nàŋ heuŋ wa nàŋ kɛ̀ɛ̀nɛ̀ŋ e hààwe ko sùà. Yèè wò wa ɓɛìŋ nyìmàŋ kɛ̀ ɓòò nàŋ heuŋ wa nàŋ maàŋ koɓɛ̀ anyuùŋ naanààŋ nyaŋ.

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.