Jɔ̀ɔŋ 6:60 - WƆŊ FƐ̀Ì EBÒ SÌÀŊ DAYÀA

⁶⁰ Anyùùŋ màŋjɛ̀wɛ̀ Jisɛ̀ nyaŋ zimgbe nyiŋ naŋ wa woò nyààŋ, “E kàa lɛɛ̀ naŋ nyìngè, ɓòò naŋ ɓɛ̀nɛ̀ŋ jàà kùàŋ dìì wèè e yèɛ wò yaà woo lɛ̀?”

Jɔ̀ɔŋ 6:60 ပူးပေါင်းရင်းမြစ်များ

Maafiù 11:6

Wo Dayà do nàŋ kpùùmò anyùùŋ nyaŋ gbiŋ gòim gììyà màŋhɛɛ, èsàɓù màŋ keì maŋ mìŋ nyɛnɛŋ màŋ.”

Jɔ̀ɔŋ 2:2

Anyùùŋ nyaŋ naŋ wa nyààŋ wo Jisɛ̀ yaà anyùùŋ màŋjɛ̀wɛ̀uŋ nyàŋ nyiŋ pɛɛ ko gbììnyɛ̀ŋ ke yɛ̀ɛ̀ɛ.

Jɔ̀ɔŋ 5:25

Mìŋ yààìŋ wòo sùà e tɔɔɓaaà kɛ̀ e teenga do nàŋ hnè, yèè ngèè kòò è yaà naàŋ kià tɛ, anyuùŋ fàa nyàŋ do nàŋ kòmò ke mìè miàim wo Jɔ̀àfèlàà Dayàa. Yèè anyùùŋ nyaŋ do nyiŋ nàŋ kòmò nyaŋ do nàŋ nɔ̀ŋ wɔŋ nyiiŋ gèe sùà.

Jɔ̀ɔŋ 6:52

Aŋ Juùù nyaŋ naŋ wa tuù wèè e yèɛ wo Jisɛ̀ naŋ wa woò lɛ, yèè àŋ naŋ tɔ̀ɔ̀tù nyiŋ bi kpàànè kpàànè e fèemàŋ. Àŋ naŋ dawè nyààŋ, “Dièsɔa wo felaa wɛɛ̀ naŋ wi ɓɛ̀nɛ̀ŋ kìɛ̀ŋ e kenùuŋ nɛ̀ wèè eiŋ niŋ gbìlà?”

Jɔ̀ɔŋ 6:64

Kɛɛ nyɛ̀iŋ nààŋ bà nyiŋ naŋ gè maŋhɛɛ wèè naim haawè.” Wo Jisɛ̀ naŋ wa tɛɛ̀ woò e fòfoo wò wa nyìmàŋ e yìwìà ko tɔɔtuì kɛ̀ ɓòò nàŋ heuŋ wa nàŋ kɛ̀ɛ̀nɛ̀ŋ e hààwe ko sùà. Yèè wò wa ɓɛìŋ nyìmàŋ kɛ̀ ɓòò nàŋ heuŋ wa nàŋ maàŋ koɓɛ̀ anyuùŋ naanààŋ nyaŋ.

Jɔ̀ɔŋ 6:66

Esàɓù maŋ keì mɛɛ̀ŋ wo Jisɛ̀ naŋ nyiŋ yaà wa woò maŋ, anyùùŋ màŋjɛ̀wɛ̀uŋ nyàŋ zimgbe nyiŋ naŋ kɛ̀ɛ̀ maŋjɛ̀wɛ yèè àŋ nauŋ hɔ̀ànè maŋjɛ̀wɛ de wèè aŋ kà ko nɛ̀nɛ̀ŋ gbiŋ ɓɛìŋ.

Jɔ̀ɔŋ 7:3

Kpeiŋ aŋ wùìyà Jisɛ̀ nyaŋ nauŋ woò nyààŋ, “Yewà wɔŋ fuɔŋ wɛɛ̀ŋ muŋ ka ko Jùdià, wèè kɛ̀ anyùùŋ màŋjɛ̀wɛ̀um nyàŋ aŋ yɛmɛ̀ ke nyɛ̀nɛŋ mɔɛ̀ŋ.

Jɔ̀ɔŋ 8:31

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

Jɔ̀ɔŋ 8:43

Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

Hiɓu 5:11

È zimgbe niŋ yaào wèè e weè nɔ̀ŋ wòo niŋ e nyaàiŋ dè keì lɛɛ̀, kɛɛ è naŋ nyìngè wòo, esaɓù kɛ̀ nìŋ naŋ gbɔ̀mgbɔ̀ɔ̀ maŋ jii wèè naŋ nyìmàŋ e nɛ̀ŋ.

2Pììlɛ 3:16

Tɛɛ̀ wò naŋ wòò maŋ fɛi sìngauŋ màŋ gbiŋ sùà, sèè wò singe e ɓɛ̀ è ɗì keì. Maŋ keì nyìnga bà yaà maŋ fɛiuŋ màŋ sùà maŋ yè maŋ anyuùŋ gò nyìmàŋ nɛ̀ŋ, yèè aŋ fè jɛ̀ì kòɓɛ̀ guùŋ e kìlà àŋ gè e nɛ̀ŋ wòòuŋ nɛ̀ dao. Màànààŋ nɔŋ àŋ nyɛnɛŋ maŋ mìè gbòa màŋ bà miŋ sùà wɔŋ fɛ̀ì Dayàa sùà lɛ. Weètii àŋ hiàŋ maŋ keì pɔ̀ɔ̀pɔ̀ɔ̀ nyiŋ bi.