Jɔ̀ɔŋ 6:52 - WƆŊ FƐ̀Ì EBÒ SÌÀŊ DAYÀA

⁵² Aŋ Juùù nyaŋ naŋ wa tuù wèè e yèɛ wo Jisɛ̀ naŋ wa woò lɛ, yèè àŋ naŋ tɔ̀ɔ̀tù nyiŋ bi kpàànè kpàànè e fèemàŋ. Àŋ naŋ dawè nyààŋ, “Dièsɔa wo felaa wɛɛ̀ naŋ wi ɓɛ̀nɛ̀ŋ kìɛ̀ŋ e kenùuŋ nɛ̀ wèè eiŋ niŋ gbìlà?”

Jɔ̀ɔŋ 6:52 ပူးပေါင်းရင်းမြစ်များ

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 10:19

Maŋ mìè gbòà Jisɛ̀ mɛɛ̀ŋ naŋ wa ɓɛìŋ nyɛ̀nɛ̀ŋ aŋ Juùù nyaŋ aŋ gòònò tɛɛ e fèemàŋ nyiŋ.

Jɔ̀ɔŋ 3:4

Wo Nìkɔ̀dimɔ̀ nauŋ dawè wààŋ, “Dièsɔa wo nyuùŋ kàmaiŋ tɛɔ̀ naŋ ɓɛìŋ ɓɛ̀nɛ̀ŋ nɔ̀ŋ e kòmauŋ e dìà tìyèeɛ̀? Wò do ɓɛìŋ nàŋ kɛ̀ɛ̀ ko sùà yèyeuŋ noo wo ɓɛìŋ nɔ̀ŋ kòmauŋ?”

Jɔ̀ɔŋ 3:9

Wo Nìkɔ̀dimɔ̀ naŋ dawè wààŋ, “Dièsɔa tɛɛ̀ naŋ ɓɛ̀nɛ̀ŋ hɛ̀ɛ̀nɛŋ?”

Jɔ̀ɔŋ 4:11

Wo nìeɔ̀ naŋ woò wààŋ, “Dàa, muŋ kuwà wɔ̀ŋ fali tìwìyà è wùìyè, e kìlà ngèè wɔŋ gòòmamàìɔ naŋ zutùùŋ. Kòò mùŋ do nàŋ gè e wuiyè kìɛ̀ŋ wɔŋ nyiiŋ gèe gò jùà lɛɛ̀?

Jɔ̀ɔŋ 6:41

Àŋ Juùù nyaŋ naŋ tɔ̀ɔ̀tù maŋ ɗìòsùà gùlia nààŋ àŋ naŋ kòmò wo Jisɛ̀ naŋ woò wààŋ, “Mìŋ yaà mààŋ e nɛ̀ŋje e yèɛ naŋ dèyè e yìwìà ko àìjɛnɛ̀ŋ.”

Jɔ̀ɔŋ 6:60

Anyùùŋ màŋjɛ̀wɛ̀ Jisɛ̀ nyaŋ zimgbe nyiŋ naŋ wa woò nyààŋ, “E kàa lɛɛ̀ naŋ nyìngè, ɓòò naŋ ɓɛ̀nɛ̀ŋ jàà kùàŋ dìì wèè e yèɛ wò yaà woo lɛ̀?”

Jɔ̀ɔŋ 9:16

Aŋ Fɛlosiì nyaŋ bà nyiŋ naŋ woò nyààŋ, “Wo kenàŋ wɛɛ̀, wo Jisɛ̀ gò yèwà kòɓɛ̀ Dayài. Sèè wò yiwìào weè, wo naàŋ weè pɔ̀ɔ̀ kè sàwà kè Ɗɔ̀ɔ̀ Zòòlò aŋ Juùù nyaŋ.” Yèè aŋ bà nyiŋ naŋ woò nyààŋ, “Dièsɔa wo nyùùŋ maŋ jùumù naŋ ɓɛ̀nɛ̀ŋ nyɛ̀nɛ̀ŋ e kèè mèè mààŋ tɛɛ̀?” Yèè e kpàànè kpaane naŋ sɛ̀ɛ̀ aŋ Fɛlosiì nyaŋ e fèemàŋ.

Nyɛ̀nɛ̀ŋ 17:32

Anyùùŋ nyaŋ bà nyiŋ naŋ tɔ̀ɔ̀tù hìle nààŋ àŋ naŋ kòmò wo Pɔɔ̀ naŋ woò wààŋ wo Dayà naŋ gè wo nyùùŋ e fàa dìì. Kɛɛ aŋ bà nyiŋ naŋ woò nyààŋ, “È manaŋ maŋ wi ɓɛìŋ wòò e keì lɛɛ̀ e teenga joo bà sùà.”

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.