Jɔ̀ɔŋ 6:51 - WƆŊ FƐ̀Ì EBÒ SÌÀŊ DAYÀA

⁵¹ Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Jɔ̀ɔŋ 6:51 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Luù 22:19

Kpeiŋ wo Jisɛ̀ naŋ ɓèmè ke gbɔ̀u, wò naŋ gè wo Dayà ke sɛ̀. Wò naŋ nyiŋ nyime nyìmè nyɛ̀ɛ̀nyɛ̀ɛ̀, yèè wò naŋ nyiŋ kìɛ̀ŋ anyùùŋ màŋjɛ̀wɛ̀uŋ nyàŋ. Wò naŋ woò wààŋ, “Kùwaìŋ nyiŋ niŋ gbìlà, kɛɛ̀ nàŋ yaà ke kpùnaŋ miɛ̀ŋ, ke yèɛ naŋ nɔ̀ŋ kìɛŋ nyiŋ wèè nyɛ̀iŋ. Nyɛ̀nɛìŋ tɛɛ̀ wèè niŋ jààim jii.”

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 11:26

Yèè aŋ yè nyaŋ yaà wɔŋ nyiiŋ gèeɔ̀ sùà àŋ naim haawè nyaŋ aŋ naàŋ wa nàwèè fɔ̀ julɔfɔ. Màŋ tɛɛ̀ haawè?”

Jɔ̀ɔŋ 3:13

Wo nyùùŋ bà gbiŋ kòò wò jòwò wa kò àìjɛnɛ̀ŋ, kɛɛ sɔɔ̀ nɔŋ miàim wo Jɔ̀àfèlàà Nyuùŋ Kpùnɔɔ̀ŋ wo yèɔ naŋ dèyè e yìwìà ko àìjɛnɛ̀ŋ wɔ.

Jɔ̀ɔŋ 3:14

“Màànààŋ nɔŋ wo Mòòze naŋ wa dìkìè wo kaì bàànè maŋ kàìɔ ke kùù yèè wò nauŋ jòòwò fùùŋ ke fòùngà e diì wòaà diɛŋ lɛ̀, yɛi nɔŋ miàim wo Jɔ̀àfèlàà Nyuùŋ Kpùnɔɔ̀ŋ do nàŋ nɔ̀ŋ jòòwoim e ɗèwè kìì guùŋ nɛ sùà.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:33

Yèè e nɛ̀ŋjeɛ̀ wo Dayà naŋ kiɛ̀ŋ lɛ nàŋ yaà miàŋ wo yèɔ naŋ dèyè e yìwìà ko àìjɛnɛ̀ŋ wɔ wèè ka kìɛ̀ŋ wɔŋ nyiiŋ gèè koɓɛ̀ anyùùŋ nyaŋ e ɗuunyaàŋ.”

Jɔ̀ɔŋ 6:35

Kpeiŋ wo Jisɛ̀ naŋ nyiŋ woò wààŋ, “Mìŋ yaà nɔŋ mààŋ e nɛ̀ŋje e yèɛ kiɛ̀ŋ wɔŋ nyiiŋ lɛ̀. Wo nyùnɔ̀ɔŋ gbiŋ dèìm maŋjɛ̀wɛ yèè wò haawàìm wɔ, e jìyè yèè ke jòòmàì naàuŋ wa nàwèè ɓɛìŋ kùwò.

Jɔ̀ɔŋ 6:41

Àŋ Juùù nyaŋ naŋ tɔ̀ɔ̀tù maŋ ɗìòsùà gùlia nààŋ àŋ naŋ kòmò wo Jisɛ̀ naŋ woò wààŋ, “Mìŋ yaà mààŋ e nɛ̀ŋje e yèɛ naŋ dèyè e yìwìà ko àìjɛnɛ̀ŋ.”

Jɔ̀ɔŋ 6:47

Mìŋ yààìŋ wòò e tɔɔɓaaà kɛ̀, wo nyùnɔ̀ɔŋ kɛɛnɛ̀ìm e hààwe ko sùà wɔ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 6:48

Miàŋ nàŋ yaà e nɛ̀ŋjèɛ kiɛ̀ŋ wɔŋ nyiiŋ gèe lɛ̀.

Jɔ̀ɔŋ 6:50

Kɛɛ e nɛ̀ŋjeɛ̀ e yìwìà ko àìjɛnɛ̀ŋ è dèyà, wèè kɛ̀ wo nyùnɔ̀ɔŋ gbiŋ do niŋ nàŋ jè wɔ wo naàŋ wa nàwèè fɔ̀.

Jɔ̀ɔŋ 7:38

Yèè wo nyùnɔ̀ɔŋ gbiŋ haawàìm wɔ, nààŋ wɔŋ fɛ̀ì Dayàa naŋ woò lɛ, ‘E wùìyè nyiiŋ gèe douŋ nàŋ fòlò ko sùà.’ ”

2 Kɔliìŋ 5:19

Ke miè gbìaŋ wiɛ̀ è woàìŋ nɛ nàŋ yaà kɛ̀, wo Dayà naŋ wa nyɛ̀nɛ̀ŋ anyùùŋ kpùùŋ ɗuunyaŋ nyàŋ gbiŋ aŋ dàwiuŋ esàɓù Jisɛ̀ Kulaì sùà. Wo Dayà gò wa gbìàŋ màŋ jùumù nyiŋ màŋ kè jiio sùà, yèè wò wi fè ke miè gbìaàŋ ke yèɛ naŋ tɔ̀ɔ̀ e ɗeweɛ̀ wò naŋ nyiŋ mììnè aŋ dàwiuŋ nɛ̀.

2 Kɔliìŋ 5:21

Wo Jisɛ̀ Kulaì kuwà wa màŋ jùumù, kɛɛ wo Dayà nauŋ nyɛ̀nɛ̀ŋ wo nɔ̀ŋ wo bàuŋbà maŋ jùumù wi màŋ sùà, e wèè kɛ̀ sèè è nɔ̀ìŋ ke gboòuŋ nɛɛ̀ŋ sùà, kɛ̀ wo Dayà wò wi ɓemè wèè èiŋ nɔ̀ŋ anyùùŋ tɔ̀ɔ̀nyaàŋ ko nɛ̀ɛ̀uŋ niìŋ.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

Ɛfesɔ̀ 5:25

Felaa kùwìè jɔùŋ nyaŋ, mànaìŋ aŋ jawèiŋ nyàŋ màànààŋ wo Jisɛ̀ Kulaì naŋ mɔ̀nɔ̀ŋ ke gbòò anyuùŋ hààwe nyàŋ e jèèsùà wo fè wɔŋ nyiiuŋ nɔɔ̀ŋ e weè nyiŋ lɛ̀.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 10:20

Wò naŋ yìlè ke dòmaŋ jɛi ke yèɛ kɔ̀à koɓɛ̀ wɔŋ nyiiŋ gèe lɛ̀. Yèè ke dòmaŋ yɛɛ̀ kɔɔyɛ̀ wì wɔŋ dèè saaŋ yɛmgbɛ̀ɔ sùà. Wɔŋ dèè bi zà nàŋ yaà ke kpùnàŋ Jisɛ̀ Kulaìɛ kiŋ bi.

1Pììlɛ 2:4

Hnaìŋ koɓɛ̀ wo Kanaà, ke dùò nyiiŋ gèe gò jùàa anyùùŋ nyaŋ naŋ wa gè kùàŋ dìì yɛ, esaɓù kɛ̀ aŋ gòuŋ wa nyààŋ è nɛ̀ŋ bà gbiŋ, kɛɛ wo Dayà nauŋ tàeɗùù wèè wo kuwiè e sɛmɛmaŋ.

1Jɔ̀ɔŋ 2:2

Yèè wo Kulaì wuŋ bi nàŋ yaà è nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya miŋ, yèè e fè nɔŋ wèè màŋ jùumù wi màŋ miŋ gùuŋ kɛɛ è yaà wèè maŋ jùùmù anyùùŋ nyaŋ gbiŋ e ɗuunyaàŋ.

1Jɔ̀ɔŋ 4:10

Tɛɛ̀ nàŋ yaà e mànaŋ, e fè kɛ̀ yàwi naŋ mɔ̀nɔ̀ŋ wo Dayà, kɛɛ kɛ̀ wo Dayà naŋ wi mɔ̀nɔ̀ŋ, wèètii wò naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ e nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya.

1Jɔ̀ɔŋ 4:14

Yèè èiŋ yɛmɛ̀ e mànaùŋ nɛ̀ e kìlà èiŋ fè ke mìè seì koɓɛ̀ anyùùŋ kɛ̀ wo Dèdaà naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ wo Nyuùŋ Jòèyè ɗuunyaàŋ.