Jɔ̀ɔŋ 6:50 - WƆŊ FƐ̀Ì EBÒ SÌÀŊ DAYÀA

⁵⁰ Kɛɛ e nɛ̀ŋjeɛ̀ e yìwìà ko àìjɛnɛ̀ŋ è dèyà, wèè kɛ̀ wo nyùnɔ̀ɔŋ gbiŋ do niŋ nàŋ jè wɔ wo naàŋ wa nàwèè fɔ̀.

Jɔ̀ɔŋ 6:50 ပူးပေါင်းရင်းမြစ်များ

Jɔ̀ɔŋ 3:13

Wo nyùùŋ bà gbiŋ kòò wò jòwò wa kò àìjɛnɛ̀ŋ, kɛɛ sɔɔ̀ nɔŋ miàim wo Jɔ̀àfèlàà Nyuùŋ Kpùnɔɔ̀ŋ wo yèɔ naŋ dèyè e yìwìà ko àìjɛnɛ̀ŋ wɔ.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:33

Yèè e nɛ̀ŋjeɛ̀ wo Dayà naŋ kiɛ̀ŋ lɛ nàŋ yaà miàŋ wo yèɔ naŋ dèyè e yìwìà ko àìjɛnɛ̀ŋ wɔ wèè ka kìɛ̀ŋ wɔŋ nyiiŋ gèè koɓɛ̀ anyùùŋ nyaŋ e ɗuunyaàŋ.”

Jɔ̀ɔŋ 6:42

Yèè àŋ naŋ woò nyààŋ, “Wɛɛ̀ nààŋ fè wo Jisɛ̀ wò jɔ̀àfèlàà Jòòsɛɔ̀? Wo dèdauŋ nɔɔ̀ŋ yèè wo yèyeuŋ nɔɔ̀ŋ kòò àŋ yaà kià. Dièsɔa wò naŋ naàŋ ɓɛ̀nɛ̀ŋ wòo wààŋ wò naŋ dèyè e yìwìà ko àìjɛnɛ̀ŋ?”

Jɔ̀ɔŋ 6:47

Mìŋ yààìŋ wòò e tɔɔɓaaà kɛ̀, wo nyùnɔ̀ɔŋ kɛɛnɛ̀ìm e hààwe ko sùà wɔ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Jɔ̀ɔŋ 6:58

Nyìmaìŋ kɛ̀, kɛɛ̀ nàŋ yaà e nɛ̀ŋjeɛ̀ naŋ dèyè e yìwìà ko àìjɛnɛ̀ŋ lɛ. E fè mààŋ è nɛ̀ŋjeɛ̀ àŋ nèwàènèweiŋ nyàŋ naŋ wa jè lɛ, yèè ko diemeì àŋ naŋ wa fɔ̀. Kɛɛ wo nyùnɔ̀ɔŋ gbiŋ do nàŋ jè e nɛ̀ŋje lɛɛ̀ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ.”

Jɔ̀ɔŋ 8:51

Mìŋ yààìŋ wòò e tɔɔɓaaà kɛ̀ sèè nìŋ jaa maŋ mìè gbòaim màŋ kùàŋ dìì, niŋ naàŋ wa nàwèè fɔ̀ julɔfɔ.”

Luùm 8:10

Kɛɛ sèè wo Jisɛ̀ Kulaì wò nɔ̀ùm sùà, mùŋ do nàŋ wɔŋ nyiiŋ gèe sùà esaɓù kɛ̀ wo Dayà wòum jàà kùàŋ dìì wèè maŋ nɔ̀ŋ wo nyùùŋ tɔ̀ɔ̀nyaàŋ, jòòpɛɛ maŋ kpùnaiŋ màŋ do nàŋ fɔ̀ esàɓù maŋ jùumù.