Jɔ̀ɔŋ 6:44 - WƆŊ FƐ̀Ì EBÒ SÌÀŊ DAYÀA

⁴⁴ Wo nyùùŋ gbiŋ fè ɓɛ̀nɛ̀ŋ hnàŋ kò nɛ̀ɛ̀ŋ miìŋ sɔɔ̀ wo Dèdaà naim tùɔ̀ŋ wɔ wo nyiŋ gè nyààŋ diɛŋ wèè aŋ hnàŋ ko nɛ̀ɛ̀ŋ miìŋ. Kɛɛ sèè àŋ hnàŋ, mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Jɔ̀ɔŋ 6:44 ပူးပေါင်းရင်းမြစ်များ

Maafiù 12:34

Nìŋ yaà aŋ kaì gbòò naanààŋ, kpeiŋ kɛ̀ dièsɔa nìŋ naŋ ɓɛ̀nɛ̀ŋ wòò e keì kɛnɛ bà? Maŋ miè gbòaiŋ màŋ tɔɔ̀ kɛ̀ kiìŋ nàŋ yaà maŋ jiiŋ màŋ sùà.

Maafiù 16:17

Yèè wo Jisɛ̀ nauŋ woò wààŋ, “E kpùùmaŋ è yaà weèum Saimɔ̀ŋ, jɔ̀àfèlàà Joonàaŋ! Muŋ gò tɛɛ̀ nyìmàŋ e yìwìà kè kpùnàŋ nyuùŋkpùuŋ yèè màŋ sɛ̀ìŋ, kɛɛ wo Dèda miɔ̀ŋ ko àìjɛnɛ̀ŋ naum kìɛ̀ŋ e jiikɛ̀ɛ bi.

Jɔ̀ɔŋ 12:32

Sèè miàim wo Jɔ̀àfèlàà Nyuùŋ kpùnɔɔ̀ŋ nɔ̀ŋ wa nàwèè jòòwoim e ɗuunyaàŋ diɛŋ, mìŋ do nàŋ nyɛ̀nɛ̀ŋ anyùùŋ nyaŋ gbiŋ aŋ hnàŋ ko nɛ̀ɛ̀ŋ miìŋ.”

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 6:43

Yèè wo Jisɛ̀ naŋ nyiŋ woò wààŋ, “hɔ̀àneìŋ maŋ ɗìòsùà gùlia nyɛ̀iŋ bi e fèemàŋ.

Jɔ̀ɔŋ 6:45

Wo wɛ̀ijìɔ bà guùŋ naŋ wa sìngè wò naŋ woò wààŋ, ‘Wo Dayà do nàŋ kàà anyùùŋ nyaŋ gbiŋ.’ Weètii wo nyùnɔ̀ɔŋ gbiŋ naŋ kòmò yèè wò naŋ gbèè e yèɛ wo Dèdaà naŋ woò lɛ wò do nàŋ hnè ko nɛ̀ɛ̀ŋ miìŋ.

Jɔ̀ɔŋ 6:65

Kpeiŋ wo Jisɛ̀ naŋ nyiŋ ɓɛìŋ woò wààŋ, “Niŋ fè ɓɛ̀nɛ̀ŋ nɔ̀ŋ ànyùùŋ màŋjɛ̀wɛ̀im, sɔɔ̀ nɔŋ wo Dèdaà woiŋ gè nyààŋ diɛŋ wèè naim dè maŋjɛ̀wɛ. Esaɓùɛ lɛɛ̀ mìŋ naiŋ wòò maŋ keì mɛɛ̀ŋ gbiŋ.”

Jɔ̀ɔŋ 8:43

Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

Kòlo 2:12

Nààŋ àŋ naiŋ wa gùò, è yaà wa mààŋ àŋ naiŋ sììyè nyɛ̀iŋ wo Jisɛ̀ Kulaì koɓɛ̀ guùŋ. E yìwìà e gùa lɛɛ̀ sùà, wo Dayà naiŋ wa gè e fàaà dìì nyɛ̀iŋ Jisɛ̀ Kulaì koɓɛ̀ guùŋ, esaɓù e hààweɛ̀ nìŋ kuwa e gààŋ Dayàa dìì lɛ, wo yèɔ naŋ wa gè wo Jisɛ̀ Kulaì e fàa dìì wɔŋ nyiiŋ gèeɔ̀ sùà wɔ.