Jɔ̀ɔŋ 6:40 - WƆŊ FƐ̀Ì EBÒ SÌÀŊ DAYÀA

⁴⁰ Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 6:40 ပူးပေါင်းရင်းမြစ်များ

Maafiù 10:15

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Maafiù 25:46

Yèè wo Jisɛ̀ naŋ woò wààŋ, àŋ do nàŋ tùɔ̀ŋ anyùùŋ nyɛɛ̀ŋ koɓɛ̀ e keì nyìnga gò jùà, kɛɛ anyùùŋ tɔ̀ɔ̀nyaàŋ nyaŋ do nàŋ kɔ̀ koɓɛ̀ wɔŋ nyiiŋ gèe gò jùà.”

Luù 2:30

Esaɓù kɛ̀ e fɛɛ̀ kòmàŋ mɛ̀ è yɛ̀mɛ̀ e jòèye mɔ̀ɛ̀,

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 10:28

Yèè mìŋ do nyiŋ nàŋ kìɛ̀ŋ wɔŋ nyiiŋ gèe gò jùà, yèè kɛ̀ aŋ naàŋ wa nàwèè ɓɛìŋ fɔ̀. Wo nyùùŋ gbiŋ fèim nyiŋ ɓɛ̀nɛ̀ŋ gè kò sìwè.

Jɔ̀ɔŋ 11:24

Wo Mààta naŋ fasàì wààŋ, “Kà nyìmàŋ kɛ̀ wò do ɓɛìŋ nàŋ yèwè dìì ke ɗɔɔ dìàmaàŋ diɛŋ, sèè anyuùŋ fàa nyàŋ gbiŋ yewe wa nàwèè dìì.”

Jɔ̀ɔŋ 11:25

Wo Jisɛ̀ nauŋ woò wààŋ, “Miàŋ nàŋ kuwa e gààaŋ wèè ka gè wo nyuùŋ fàa dìì wo kɛ̀ɛ̀ wɔŋ nyiiŋ gèeɔ̀ sùà. Anyùùŋ nyaŋ gbiŋ naim haawè nyaŋ do ɓɛìŋ nàŋ yèwè e fàaà dìì, jòòpɛɛ àŋ wa fà.

Jɔ̀ɔŋ 12:45

Yèè wo nyùnɔ̀ɔŋ gbiŋ naim yɛmɛ̀ wɔ, wò yɛ̀mɛ̀ wo nyùnɔ̀ɔŋ naim tùɔ̀ŋ wɔ.

Jɔ̀ɔŋ 12:50

Kà nyìmàŋ kɛ̀ e yèɛ wò woà lɛ è hiàŋ wɔŋ nyiiŋ gèe gò jùà. Esaɓùɛ lɛɛ̀ mìŋ woàìŋ yèɛ wo Dèdaà ko àìjɛnɛ̀ŋ naim woò kinɛiŋ lɛ̀.”

Jɔ̀ɔŋ 14:17

Yèè wo Jìnàŋ tɔ̀ɔ̀nyaàaŋ doiŋ nàŋ kaikpɔ tɔɔ̀ kɛ̀ ɓòò nàŋ yaà wo Dayà. Anyuùŋ gò kɛ̀ɛ̀nɛ̀ŋ hààwe nyàŋ e ɗuunyaŋ lɛɛ̀ naàŋ jàà wò Jìnàŋ Nɛɛmaàŋ kùàŋ dìì màŋ jii nyiŋ màŋ sùà wèè wo nɔ̀ŋ wò nyuùŋ kpùùmaŋ nyiŋ, esaɓù kɛ̀ aŋ fòuŋ yɛmɛ̀ ɔ̀ɔ̀ aŋ nyimààuŋ. Kɛɛ nàŋ nyìmàŋ wo Jinàaŋ, wo yèɔ yààìŋ kɔɔ yèè wò do nàŋ nɔ̀ŋ maŋ nyiiŋ gèeiŋ màŋ sùà wɔ.”

Jɔ̀ɔŋ 14:19

E teenga kpàa bà sùà, anyùùŋ nyaŋ e ɗuunyaàŋ naàim wa nàwèè ɓɛìŋ yɛmɛ̀, kɛɛ nyɛ̀iŋ nìŋ doim nàŋ yɛmɛ̀. Yèè e fèfoo nààŋ mìŋ yaà wɔŋ nyiiŋ gèeɔ̀ sùà, nyɛ̀iŋ pɛɛ nìŋ do nàŋ nɔ̀ŋ wɔŋ nyiiŋ gèeo sùà.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 4:14

Kɛɛ sèè wo nyùùŋ gbiŋ wo tìà e wùìyèɛ mìŋ do nàŋ kiɛ̀ŋ lɛ, ke jòòmàì naàuŋ wa nàwèè ɓɛìŋ nyɛ̀nɛ̀ŋ julɔfɔ. E wùìyèɛ mìŋ do nàŋ kiɛ̀ŋ lɛ è do nàŋ nɔ̀ŋ ke wuiyè soo wo nyùùŋ wii ko sùà e yèɛ kiɛ̀ŋ wɔŋ nyiiŋ gèe gò jùà.”

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Jɔ̀ɔŋ 6:39

Yèè e yèɛ wo Dayà manaŋ ka nyɛ̀nɛ̀ŋ lɛ tiŋ tɛɛ̀, wèè ka yɛ̀mɛ̀ anyùùŋ nyaŋ gbiŋ wò naim kiɛ̀ŋ nyaŋ diɛŋ wèè kɛ̀ wo bà gbiŋ ɓɔ̀ wò go. E kìlà, wò manaŋ wèè ka nyiŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Jɔ̀ɔŋ 6:44

Wo nyùùŋ gbiŋ fè ɓɛ̀nɛ̀ŋ hnàŋ kò nɛ̀ɛ̀ŋ miìŋ sɔɔ̀ wo Dèdaà naim tùɔ̀ŋ wɔ wo nyiŋ gè nyààŋ diɛŋ wèè aŋ hnàŋ ko nɛ̀ɛ̀ŋ miìŋ. Kɛɛ sèè àŋ hnàŋ, mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Jɔ̀ɔŋ 6:54

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà, yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Jɔ̀ɔŋ 8:56

Wo dèdaiŋ nɔɔ̀ŋ Eɓulɔhɛɛ̀ŋ naŋ wa gè zɔlɔ̀ wèè wo wa yɛ̀mɛ̀ ke ɗɔ̀ɔ̀ hnaàŋ miɛ̀ŋ. Wò naŋ nyiŋ wa yɛmɛ̀ yèè e zɔlɔ̀ nauŋ wa diè.”

Luùm 5:21

Kpeiŋ sèè è nɔ̀ŋ yɛi, màànààŋ nɔŋ e jùumù kuwa gààŋ esàɓù e fàa lɛ̀, yɛi nɔŋ pɛɛ è yaà e tɛ̀ɛ̀tɛ̀ɛ̀ Dayàa kuwa gààŋ esàɓù e tɔ̀ɔ̀nyaàŋ, esaɓù kɛ̀ wò wi jàà kùàŋ dìì esàɓù wo Kana wiɔ̀ Jisɛ̀ Kulaì. Tɛɛ̀ naŋ tɔɔ̀ kɛ̀ è doiŋ nàŋ kɛ̀ɛ̀nɛ̀ŋ wɔŋ nyiiŋ gèe gò jùà wèè julɔfɔ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

Hiɓu 11:1

E hààwe nyɛ̀nɛ̀ŋ wì eiŋ nyìmàŋ manɛ̀ŋ maŋ è kùwàìŋ jii tùlia kɛ̀ è doiŋ nàŋ kɛɛnɛ̀ŋ maŋ, yèè e wi tɔɔ̀ janjai manɛ̀ŋ maŋ e fèiŋ ɓɛ̀nɛ̀ŋ yɛ̀mɛ màŋ.

Hiɓu 11:27

E hààwe naŋ nyɛ̀nɛ̀ŋ wo Mòòze naŋ wa yèwè ko Ijè e yèɛ e jùù gòuŋ wa nyɛ̀nɛ̀ŋ wèè è wùàŋ kànà fuɔɔ̀ŋ. Jòòpɛɛ wo Mòòze gò wa yɛ̀mɛ̀ wò Dayàa wo nyùùŋ gbiŋ fè yɛmɛ̀ wɔ, wò naŋ wa gè maŋhɛɛ wèè wo kɛɛ̀ maŋjɛ̀wɛ.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Jɔ̀ɔŋ 2:25

Yèè tɛɛ̀ wo Jisɛ̀ naŋ wa ɓèèmè e ɗààhiì diɛŋ kɛ̀, wò do wi nàŋ kìɛ̀ŋ wɔŋ nyiiŋ gèe gò jùà.

Juù 1:21

yèè nyɛ̀iŋ bi niŋ nɔ̀ŋ e mànàŋ Dayàa sùà, niŋ fòlà wo Kana wiɔ̀ Jisɛ̀ Kulaì wo kiɛ̀iŋ wɔŋ nyiiŋ gèe gò jùà e yìwìà ke nyowouŋ nɛɛ̀ŋ sùà.