Jɔ̀ɔŋ 6:39 - WƆŊ FƐ̀Ì EBÒ SÌÀŊ DAYÀA

³⁹ Yèè e yèɛ wo Dayà manaŋ ka nyɛ̀nɛ̀ŋ lɛ tiŋ tɛɛ̀, wèè ka yɛ̀mɛ̀ anyùùŋ nyaŋ gbiŋ wò naim kiɛ̀ŋ nyaŋ diɛŋ wèè kɛ̀ wo bà gbiŋ ɓɔ̀ wò go. E kìlà, wò manaŋ wèè ka nyiŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Jɔ̀ɔŋ 6:39 ပူးပေါင်းရင်းမြစ်များ

Maafiù 10:15

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Maafiù 18:14

E ɗèwè guùŋ lɛɛ̀ sùà wo Dèdaiŋ nɔɔ̀ŋ ko àìjɛnɛ̀ŋ wo manàŋ wèè wò jɔ̀àkàiŋ jɔa wɛɛ̀ bà guùŋ pɛɛ wò doò go.

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Jɔ̀ɔŋ 12:48

Kɛɛ anyùùŋ nyaŋ gbiŋ naŋ gè maŋhɛɛ wèè aŋ hààwè e yèɛ mìŋ naŋ nyiŋ kaà lɛ, àŋ do nàŋ nɔ̀ŋ gbài nyiŋ e yìwìà e yèɛ mìŋ naŋ nyiŋ woò lɛ ke ɗɔɔ dìàmaàŋ diɛŋ nàwèè.

Jɔ̀ɔŋ 17:12

E teengaà yàwi nyiŋ yààìŋ wa koɓɛ̀ guùŋ lɛ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go, sɔɔ̀ wò guùŋ, wo jɔ̀àfèlàà wo nyùùŋ maŋ kpèè naanààŋ bà wo yèɔ naŋ wa sɔ̀ dèè wèè wo go wɔ̀. Tɛɛ̀ zà naŋ wa kaaìŋ wèè kɛ̀ e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Jɔ̀ɔŋ 17:6

“Mùŋ naim wa kìɛ̀ŋ anyùùŋ wèè aim nɔ̀ŋ maŋjɛ̀wɛ e ɗuunyaŋ lɛɛ̀, yèè mìŋ naŋ tɔɔ̀ kɛ̀ ɓòò nàŋ yààùm muàum Dayà koɓɛ̀ anyùùŋ nyaŋ e ɗuunyaàŋ. Muàŋ nàŋ kanaŋ wa anyùùŋ nyɛɛ̀ŋ, kɛɛ mùŋ naim nyiŋ wa kiɛ̀ŋ, yèè àŋ naum jɔ̀ɔ̀lɔ̀ dìì.

Jɔ̀ɔŋ 17:9

“Mìŋ yààùm zoolo Dèda weè nyiŋ. Miŋ fè zoolo wèè ànyùùŋ nyaŋ è ɗuunyaàŋ. Muàŋ nàŋ kanaŋ anyùùŋ màŋjɛ̀wɛ̀im nyàŋ, weètii mìŋ yaà zoolo weè nyiŋ.

Jɔ̀ɔŋ 18:9

Wo Jisɛ̀ naŋ wa tɛɛ̀ woò wèè e nyɛ̀nɛ̀ŋ e yèɛ wò naŋ wa woò lɛ e hɛɛnɛ̀ŋ, nààŋ wò naŋ wa woò wààŋ, “Dèda, aŋ yè nyaŋ mùŋ naim wa kiɛ̀ŋ nyaŋ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go.”

Jɔ̀ɔŋ 5:28

Tɛɛ̀ ɓɔ̀ è foonòiŋ wa nàwèè! E teengaà do nàŋ hnè, yèè anyuùŋ fàa nyàŋ gbiŋ maŋ hùaŋ màŋ sùà do nàŋ kòmò ke miè miɛ̀ŋ,

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 6:44

Wo nyùùŋ gbiŋ fè ɓɛ̀nɛ̀ŋ hnàŋ kò nɛ̀ɛ̀ŋ miìŋ sɔɔ̀ wo Dèdaà naim tùɔ̀ŋ wɔ wo nyiŋ gè nyààŋ diɛŋ wèè aŋ hnàŋ ko nɛ̀ɛ̀ŋ miìŋ. Kɛɛ sèè àŋ hnàŋ, mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Jɔ̀ɔŋ 6:54

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà, yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

1 Kɔliìŋ 6:14

Wo Dayà naŋ gè wo Kanaà e fàa dìì, yèè wò do wi nàŋ gè e fàaà dìì e gaàuŋ nɛ̀ sùà.

2Time 2:19

Kɛɛ e kpèe nyìngàà sùàa wo Dayà naŋ heè lɛ, e fè ɓɛ̀nɛ̀ŋ mɛ̀ɛ̀mɛɛŋ, yèè e kpèe bi diɛŋ wò naŋ sìngìè maŋ fee mɛɛ̀ŋ, “Wo Kanaà Jisɛ̀ Kulaì nyìmàŋ anyùùŋ nyaŋ wò kanaŋ nyàŋ” yèè “Anyùùŋ nyaŋ woà nyààŋ àŋ yaà wèè wo Kanaà Jisɛ̀ Kulaì nyaŋ, sɔ̀ɔ̀ aŋ kɛ̀ɛ̀ maŋ kpèè naanààŋ nyɛ̀nɛŋ màŋjɛ̀wɛ.”

Jìiiŋ 5:15

Yèè e zòòlo kùwìè e hààwe lii do nàŋ jòèyè wo nyuùŋ sàaàŋ, wo Dayà douŋ nàŋ gè dìì, yèè sèè wo weè pɛɛ nyɛ̀nɛ̀ŋ maŋ kèì jùumù wo Kanaà Dayà juuyà maŋ jùumùuŋ màŋ hakɛ̀.

1Pììlɛ 1:5

Nyɛ̀iŋ nàŋ kànà miìŋ maŋ yè maŋ esàɓù hààwe sùà wo Dayà do miŋ nàŋ yɛ̀mɛ̀ diɛŋ e gaàuŋ nɛ̀ sùà wèè e jòèyeɛ̀ e yèɛ yaà bànèbane niŋ wèè wo dàànè ebò niŋ ke ɗɔɔ dìàmaàŋ diɛŋ lɛ̀.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.