Jɔ̀ɔŋ 6:31 - WƆŊ FƐ̀Ì EBÒ SÌÀŊ DAYÀA

³¹ E teengaà aŋ nèwàènèwe wi nyàŋ yaà wa ke fòùngà e diì wòaà sùà lɛ, àŋ naŋ wa jè e nɛ̀ŋje bà àŋ nyaaŋ maanàŋ. È yaà sìnga niŋ wɔŋ fɛ̀ì Nɛɛmaàŋ sùà e yèɛ wo nyùùŋ naŋ ɓɛ̀nɛ̀ŋ kpɛ̀nɛŋ, yèè e sìnga bi naŋ woò wààŋ, ‘Wo Dayà naŋ nyiŋ wa kìɛ̀ŋ e nɛ̀ŋje e yìwìà ko àìjɛnɛ̀ŋ wèè aŋ jè.’ ”

Jɔ̀ɔŋ 6:31 ပူးပေါင်းရင်းမြစ်များ

Jɔ̀ɔŋ 6:32

Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà kɛ̀, wo Mòòze nàŋ gòiŋ wa kìɛ̀ŋ è nɛ̀ŋjeɛ̀ e yìwìà kò àìjɛnɛ̀ŋ. Wo Dèda miɔ̀ŋ naiŋ wa kìɛ̀ŋ e nɛ̀ŋje kɛnɛɛ̀ e yìwìà ko àìjɛnɛ̀ŋ.

Jɔ̀ɔŋ 6:49

Aŋ nèwàènèweiŋ nyàŋ naŋ wa jè e nɛ̀ŋjeɛ̀ àŋ nyaaŋ maanàŋ lɛ ke fòùngà e diì wòa sùà, yèè ko diemeì àŋ naŋ fɔ̀.

Jɔ̀ɔŋ 6:58

Nyìmaìŋ kɛ̀, kɛɛ̀ nàŋ yaà e nɛ̀ŋjeɛ̀ naŋ dèyè e yìwìà ko àìjɛnɛ̀ŋ lɛ. E fè mààŋ è nɛ̀ŋjeɛ̀ àŋ nèwàènèweiŋ nyàŋ naŋ wa jè lɛ, yèè ko diemeì àŋ naŋ wa fɔ̀. Kɛɛ wo nyùnɔ̀ɔŋ gbiŋ do nàŋ jè e nɛ̀ŋje lɛɛ̀ wɔ wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ.”

1 Kɔliìŋ 10:3

Aŋ gbiŋ naŋ gbìlè ke gbɔ̀ù gunɛ̀ɛŋ e yìwìà e gààŋ Dayàa sùà

Maŋ kèì nyɛɛnɛŋ 2:17

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e gbɔ̀uɛ̀ bà e yèɛ àŋ nyaaŋ maanàŋ è yaà ko nyɛɛnɛŋ lɛ̀, wèè e nɔ̀ŋ e jìwààjɛ̀wɛ̀ nyiŋ nɛ̀. Mìŋ do ɓɛìŋ nàŋ kìɛ̀ŋ ke duò fùà koɓɛ̀ wo bà guùŋ gbiŋ, ke yèɛ àŋ naŋ sìngè è dèè e yèɛ wo nyùùŋ gbiŋ wo nyimààŋ lɛ, sɔɔ̀ nɔŋ wo nyùnɔ̀ɔŋ do nyiŋ nàŋ yɛmɛ̀ wɔ.”