Jɔ̀ɔŋ 6:28 - WƆŊ FƐ̀Ì EBÒ SÌÀŊ DAYÀA

²⁸ Kpeiŋ àŋ naŋ dàwè wo Jisɛ̀ nyààŋ, “Kiìŋ naŋ yaà maŋ keì maŋ è naiŋ ɓɛ̀nɛ̀ŋ nyɛ̀nɛŋ wèè wo Dayà wo miŋ jàà kùàŋ dìì?”

Jɔ̀ɔŋ 6:28 ပူးပေါင်းရင်းမြစ်များ

Maafiù 19:16

Wo felaa bà naŋ wa hnè koɓɛ̀ Jisɛ̀i yèè wò nauŋ dawè wààŋ, “Kààmɔɔŋ, kiìŋ è keì kɛnɛ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 10:25

Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, wo kààmɔ̀ɔ̀ŋ maŋ Sàwà Dayà maŋ bà yaào wa. Wò manaŋ wa wo dàwè wo Jisɛ̀ wɔŋ mààŋdàwè nyìnga wèè wo kuwiàuŋ e keì. Kpeiŋ wò nauŋ dawè wààŋ, “Kààmɔɔŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Jɔ̀ɔŋ 6:29

Wo Jisɛ̀ naŋ nyiŋ fasàì wààŋ, “Wo Dayà manaŋ maŋ kɛ̀ɛ̀nɛ̀ŋ e hààwe miàim wo yèɔ wò naŋ tùɔ̀ŋ wɔ sùà.”

Nyɛ̀nɛ̀ŋ 16:30

Kpeiŋ wò naŋ nyiŋ fùlìè ko jɔɔlèi yèè wò naŋ nyiŋ dawè wààŋ, “Dàa, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka nɔ̀ŋ e jòèyeim?”

Nyɛ̀nɛ̀ŋ 2:37

Nààŋ anyùùŋ nyaŋ naŋ wa tɛɛ̀ kòmò, maŋ jii nyiŋ màŋ naŋ wa kpòlòkpòlò sùà yèè àŋ naŋ dàwè wo Pììlɛ yaà aŋ keela tàeɗùù nyaŋ nyààŋ, “Wùìya wi nyàŋ, kiìŋ è naiŋ naàŋ ɓɛ̀nɛ̀ŋ nyɛ̀nɛŋ?”

Nyɛ̀nɛ̀ŋ 9:6

Wo Jisɛ̀ nauŋ woò wààŋ, “Yewà dìì yèè muŋ ka ko jawa gbeeì, wo nyùùŋ bà doum nàŋ woò kɛ̀ kiìŋ mùŋ do nàŋ nyɛ̀nɛ̀ŋ.”