Jɔ̀ɔŋ 6:2 - WƆŊ FƐ̀Ì EBÒ SÌÀŊ DAYÀA

² Anyuùŋ zimgbe naŋ wa dè wo Jisɛ̀ maŋjɛ̀wɛ nààŋ àŋ naŋ wa yɛ̀mɛ̀ maŋ kèè mèè maŋ wò naŋ wa nyɛ̀nɛ̀ŋ maŋ nààŋ wò naŋ wa jòèyè anyuùŋ sàaŋ nyàŋ.

Jɔ̀ɔŋ 6:2 ပူးပေါင်းရင်းမြစ်များ

Maafiù 12:15

Nààŋ wo Jisɛ̀ naŋ wa kòmò kɛ̀ aŋ Fɛlosiì nyaŋ naŋ ɗewè wèè auŋ jìwà, wò naŋ ɓèmè anyùùŋ màŋjɛ̀wɛ̀uŋ nyàŋ yèè wò naŋ yèwè koɓɛ̀ wii wo kà koɓɛ̀ bà. Anyuùŋ zimgbe e kpùlìà anyuùŋ sàaŋ nauŋ wa dè maŋjɛ̀wɛ, esaɓù kɛ̀ àŋ manaŋ wa wèè wo nyiŋ sùngà, yèè wò naŋ sùngò anyuùŋ sàaŋ nyàŋ gbiŋ,

Maafiù 13:2

E faaàŋ nauŋ wa gbònò e kɔɔ lɛ̀ naŋ wa gàŋ, sɔɔ̀ wò naŋ wa sɛ̀ɛ̀ wɔŋ gɔɔ̀ sùà wo jɛi. Wɔŋ gɔɔ̀ jaa wa e wùìyèɛ diɛŋ yèè e faaàŋ sia e tiwi feìŋ nɛ e wùìyèɛ kɔɔ.

Maafiù 14:14

Nààŋ wo Jisɛ̀ naŋ wa fòlò wɔŋ gɔɔ̀ sùà wò naŋ dè, wò naŋ mɛ̀ɛ̀ŋ e faaŋ gbee lɛɛ̀ sia koɓɛ̀i, ke nyowoɛ̀ nauŋ nyɛ̀nɛ̀ŋ weè nyiŋ, yèè wò naŋ sùngò anyuùŋ sàaŋ nyiŋ nyàŋ.

Maafiù 8:1

Nààŋ wo Jisɛ̀ naŋ wa dèyè e yìwìà wɔŋ tolòɔ dìmɛ̀, ke gbòò anyuùŋ zimgbe nauŋ wa dè maŋjɛ̀wɛ.

Jɔ̀ɔŋ 11:47

Kpeiŋ aŋ Fɛlosiì nyaŋ yèè aŋ kànà sìèfèìŋ zòòlo nyàŋ naŋ nyààŋ aŋ màmànkùmɛ̀ŋ fuɔɔ̀ŋ koɓɛ̀ guùŋ yèè àŋ naŋ nyiŋ woò nyààŋ, “Kiìŋ è naiŋ naàŋ ɓɛ̀nɛ̀ŋ nyɛ̀nɛŋ? Wo felaa wɛɛ̀ kòò wò yaà nyìnìè maŋ kèè mèè zimgbe.

Jɔ̀ɔŋ 12:18

Esaɓùɛ anyùùŋ nyaŋ naŋ wa kɔ̀ wèè auŋ mɛɛ̀ŋ lɛ nàŋ yaà kɛ̀, àŋ naŋ wa kòmò ebò maŋ kèè mèè maŋ wò naŋ wa nyɛ̀nɛ̀ŋ maŋ.

Jɔ̀ɔŋ 12:37

Jòòpɛɛ wo Jisɛ̀ naŋ wa nyɛ̀nɛ̀ŋ maŋ kèè mèè zimgbe aŋ Juùù nyaŋ ko fɛɛ̀feìŋ, aŋ zimgbe nyiŋ gòuŋ wa haawè.

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 2:23

Esàɓù maŋ kèè mèè maŋ anyùùŋ nyaŋ naŋ wa yɛ̀mɛ̀ wo Jisɛ̀ naŋ nyɛ̀nɛ̀ŋ maŋ, anyuùŋ zimgbe nauŋ wa haawè ko Jùlusɛ̀làm e tèèngà wɔŋ Ɗaa Gèe Hɔ̀ɛ̀ɛ̀ŋ Diɛɔ̀ŋ.

Jɔ̀ɔŋ 20:30

Wo Jisɛ̀ naŋ wa nyɛ̀nɛ̀ŋ maŋ kèè mèè zimgbe bà wèè anyùùŋ màŋjɛ̀wɛ̀uŋ nyàŋ, yèè maŋ gbiŋ nààŋ fè sìnga miŋ wɔ̀ŋ fɛ̀ì Dayà wɛɛ̀ŋ sùà.

Jɔ̀ɔŋ 3:2

Wɔŋ dùùm guùŋ wò naŋ wa kɔ̀ koɓɛ̀i wo Jisɛ̀ joà lɛ yèè wò nauŋ woò wààŋ, “Kààmɔɔŋ, èiŋ nyìmàŋ kɛ̀ wo Dayà naum tùɔ̀ŋ ko nɛ̀ɛ̀ŋ wiì wèè maŋ wi kàà e ɗèwè ke dòmauŋ nɛɛ̀ŋ dè diɛŋ. Esaɓù kɛ̀, sèè wo Dayà goum weè nɔ̀ŋ maŋjɛ̀wɛ, muŋ fè weè ɓɛ̀nɛ̀ŋ nyɛ̀nɛ̀ŋ màŋ kèè mèè mɛɛ̀ŋ mùŋ nyɛnɛŋ yaà maŋ.”

Jɔ̀ɔŋ 6:14

Nààŋ anyùùŋ nyaŋ naŋ yɛ̀mɛ̀ e kèè mèè lɛɛ̀ wo Jisɛ̀ naŋ yaà nyɛ̀nɛ̀ŋ lɛ, àŋ naŋ woò nyààŋ, “Tɔɔɓaa wɛɛ̀ nàŋ yaà wo wɛ̀ijìɔ wɔŋ fɛ̀ì Dayàa naŋ wòò kiiuŋ kɛ̀ wò do nàŋ hnè e ɗuunyaàŋ sùà wɔ!”

Jɔ̀ɔŋ 6:22

Wɔŋ niìsìaà bàa, anyùùŋ nyaŋ naŋ wa jòò wɔŋ je nyiŋ wɔŋ fàa lɛ̀, e yìwìà wɔŋ fàa koɓɛ̀i aŋ gbɛ̀ìŋ Jisɛ̀ yaà wa lɛ̀, wa nyìmàŋ kɛ̀ wɔŋ gɔ̀ jɔ̀à guùŋ nɔŋ àŋ naŋ wa yɛ̀mɛ̀ e wùìyèɛ diɛŋ. Àŋ wa ɓɛìŋ nyìmàŋ kɛ̀ wo Jisɛ̀ gò wa dè ànyùùŋ màŋjɛ̀wɛ̀uŋ nyàŋ màŋjɛ̀wɛ wèè aŋ ka.

Jɔ̀ɔŋ 6:26

Wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà kɛ̀, niŋ fèìm mìò kaame wèè èsàɓù è kèè mèèɛ nìŋ naŋ yɛmɛ̀ lɛ, kɛɛ è yaà wèè esàɓù e nɛ̀ŋjeɛ̀ nìŋ naŋ jìɛ̀ jè yèè nìŋ naŋ diè lɛ.

Jɔ̀ɔŋ 6:30

Anyùùŋ nyaŋ naŋ fasàì nyààŋ, “Kiìŋ è tɔ̀ɔ̀màŋsèì keì mùŋ do nàŋ tɔɔ̀ wèè e nyɛ̀nɛ̀ŋ e hààwè e yèɛ mùŋ woà lɛ? Kiìŋ è tòmo mùŋ do nàŋ nyɛ̀nɛ̀ŋ?