Jɔ̀ɔŋ 6:14 - WƆŊ FƐ̀Ì EBÒ SÌÀŊ DAYÀA

¹⁴ Nààŋ anyùùŋ nyaŋ naŋ yɛ̀mɛ̀ e kèè mèè lɛɛ̀ wo Jisɛ̀ naŋ yaà nyɛ̀nɛ̀ŋ lɛ, àŋ naŋ woò nyààŋ, “Tɔɔɓaa wɛɛ̀ nàŋ yaà wo wɛ̀ijìɔ wɔŋ fɛ̀ì Dayàa naŋ wòò kiiuŋ kɛ̀ wò do nàŋ hnè e ɗuunyaàŋ sùà wɔ!”

Jɔ̀ɔŋ 6:14 ပူးပေါင်းရင်းမြစ်များ

Maafiù 11:3

Kpeiŋ àŋ naŋ dàwè wo Jisɛ̀ nyààŋ, “Wòò wi, muàŋ nàŋ yaà wo nyùnɔ̀ɔŋ wo Jɔ̀ɔŋ naŋ woò wààŋ, wo Dayà naŋ tàeɗùù wèè wo hnàŋ wo wi joeyè wɔ? Ɔ̀ɔ̀ e yɛmɛ̀iŋ wo nyuùŋ joo bà dòmaŋ?”

Maafiù 21:11

Anyùùŋ nyaŋ e faaàŋ sùà naŋ fasàì nyààŋ, “Wo Jisɛ̀ wɛɛ̀, wo wɛ̀ijìɔ e yìwìà ko Naazɔ̀ɛ̀ wɔŋ fùɔ̀ŋ Galaliìɔ.”

Luù 24:19

Wo Jisɛ̀ naŋ dawè wààŋ, “Kiìŋ màŋ keì naŋ kaaìŋ?” Àŋ naŋ woò nyààŋ, “Maŋ keì maŋ naŋ kààìŋ wo Jisɛ̀ e yìwìà ko Naazɔ̀ɛ̀ maŋ. E yìwìà maŋ keì maŋ wò nàŋ nyɛ̀nɛ̀ŋ yèè wò naŋ woò maŋ naŋ tɔɔ̀ kɛ̀ wò yaà wo wɛ̀ijì ko fɛ̀ɛ̀fèìŋ Dayà yèè anyùùŋ nyaŋ gbiŋ.

Luù 7:16

E jùù naŋ wa nyɛ̀nɛ̀ŋ anyùùŋ nyaŋ gbiŋ, yèè àŋ naŋ tɛ̀nɛ̀ŋ wo Dayà. Àŋ naŋ wa woò nyààŋ, “Wo wɛ̀ijì gbee wò wi hnàŋ e tɛɛ, wo Dayà hnàŋ koɓɛ̀ anyunùuŋ nyàŋ wèè wo nyiŋ joeyè.”

Jɔ̀ɔŋ 1:21

Yèè àŋ nauŋ dawè sèè mààŋ wuŋ nàŋ yaà Ìlaajà. Wò Jɔ̀ɔŋ naŋ woò wààŋ, “Kpele, miàŋ nàŋ fòuŋ!” Yèè àŋ naŋ ɓɛìŋ dawè sèè mààŋ wuŋ nàŋ yaà Wɛ̀ijìɔ àŋ yaà yɛ̀ɛ̀mɛ̀ dòmaŋ wèè wo hnàŋ wo dàànè ebò e hnàŋ wo nyùnɔ̀ɔŋ wo Dayà naŋ tàeɗùù wɔ. Wò naŋ nyiŋ ɓɛìŋ fasàì wààŋ, “Kpele!”

Jɔ̀ɔŋ 11:27

Yèè wo Mààta naŋ fasàì wààŋ, “Hɛ̀ɛɛ̀ŋ, Kanaà! Kà haawè kɛ̀ muàŋ nàŋ yaà wo yèɔ wo Dayà naŋ tùɔ̀ŋ wɔ wèè muŋ joeyè anyùùŋ nyaŋ e ɗuunyaàŋ, wo Jɔ̀àfèlàà Dayàa, wo yèɔ è yààìŋ yɛ̀ɛ̀mɛ̀ dòmaŋ wèè wo hnàŋ koɓɛ̀ anyùùŋ nyaŋ e ɗuunyaàŋ wɔ.”

Jɔ̀ɔŋ 2:11

E kèè mèè jiɛ̀jiɛ̀ɛ lɛɛ̀ wo Jisɛ̀ naŋ wa nyɛ̀nɛ̀ŋ wɔŋ nyiiŋ gèeuŋ nɔɔ̀ŋ sùà. Kɛɛ tɛɛ̀ naŋ wa kààìŋ ko Kenàŋ, wɔŋ fùɔ̀ŋ Galaliìɔ sùà. Kuii wo Jisɛ̀ naŋ wa tɔ̀ɔ̀ e gààŋ jòòwòuŋ nɛ̀, yèè anyùùŋ màŋjɛ̀wɛ̀uŋ nyàŋ nauŋ wa kɛ̀ɛ̀nɛ̀ŋ hààwe sùà.

Jɔ̀ɔŋ 4:19

Yèè wò naŋ ɓɛìŋ wòò wo Jisɛ̀ wààŋ, “Dàa, kà gongò kɛ̀ mùŋ yaà wo kèèlà Dayà.

Jɔ̀ɔŋ 4:25

Wo nìeɔ̀ naŋ wòò wo Jisɛ̀ wààŋ, “Kà nyìmàŋ kɛ̀ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ kòò wò yaà hinie. Sèè wò hnàŋ, wò do wi nàŋ kpìnìè maŋ keì maŋ gbiŋ janjai.”

Jɔ̀ɔŋ 4:42

Àŋ naŋ wòò wo nìeɔ̀ nyààŋ, “Tɔɔɓaa e gòiŋ naàŋ nɔŋ hààwè wò Jisɛ̀ èsàɓù è yèɛ mùŋ naŋ wi woò lɛ. Yàwi bì èiŋ kùmìàŋ e yèɛ wò naŋ woò lɛ, yèè è naiŋ haawè kɛ̀ wuŋ nàŋ yaà wo yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè e ɗuunyaàŋ wɔ!”

Jɔ̀ɔŋ 6:2

Anyuùŋ zimgbe naŋ wa dè wo Jisɛ̀ maŋjɛ̀wɛ nààŋ àŋ naŋ wa yɛ̀mɛ̀ maŋ kèè mèè maŋ wò naŋ wa nyɛ̀nɛ̀ŋ maŋ nààŋ wò naŋ wa jòèyè anyuùŋ sàaŋ nyàŋ.

Jɔ̀ɔŋ 6:26

Wo Jisɛ̀ naŋ nyiŋ fasàì wààŋ, “Miŋ woòiŋ e tɔɔɓaaà kɛ̀, niŋ fèìm mìò kaame wèè èsàɓù è kèè mèèɛ nìŋ naŋ yɛmɛ̀ lɛ, kɛɛ è yaà wèè esàɓù e nɛ̀ŋjeɛ̀ nìŋ naŋ jìɛ̀ jè yèè nìŋ naŋ diè lɛ.

Jɔ̀ɔŋ 6:30

Anyùùŋ nyaŋ naŋ fasàì nyààŋ, “Kiìŋ è tɔ̀ɔ̀màŋsèì keì mùŋ do nàŋ tɔɔ̀ wèè e nyɛ̀nɛ̀ŋ e hààwè e yèɛ mùŋ woà lɛ? Kiìŋ è tòmo mùŋ do nàŋ nyɛ̀nɛ̀ŋ?

Jɔ̀ɔŋ 7:40

Nààŋ anyùùŋ nyaŋ naŋ kòmò wo Jisɛ̀ naŋ tɛɛ̀ woò, aŋ bà nyiŋ naŋ woò nyààŋ, “Tɔɔɓaa wo felaa wɛɛ̀ nàŋ yaà wo Wɛ̀ijìɔ.”

Nyɛ̀nɛ̀ŋ 7:37

Wo Mòòzè naŋ wa wòò aŋ wùìyauŋ nyàŋ, anyùùŋ Ezɔ̀ɛ̀ nyaŋ wààŋ, ‘Wo Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ, yèè wò do nàŋ nɔ̀ŋ wo wùìyaiŋ nɔɔ̀ŋ bà guùŋ.’