Jɔ̀ɔŋ 5:7 - WƆŊ FƐ̀Ì EBÒ SÌÀŊ DAYÀA

⁷ Wo felaaà naŋ fàsàì wo Jisɛ̀ wààŋ, “Dàa, miŋ kuwà kià wò nyùùŋ gbiŋ wèè woim kpuumàŋ woim gbìàŋ è wùìyèɛ sùà sèè wo màikàa kaanaŋ kàànàŋ e wùìyèɛ. Sèè mìŋ nɔ̀ŋ kààmè e ɗewe wèè ka hnàŋ kao dè, wo nyùùŋ bà mààìm ko feìŋ wuŋ jiɛ̀ woo dè.”

Jɔ̀ɔŋ 5:7 ပူးပေါင်းရင်းမြစ်များ

Jɔ̀ɔŋ 5:2

Ko jawa gbeeì ko Jùlusɛ̀làm, ko pàtà yaào wa ko yèi kuwa wa e wùìyè. Anyùùŋ guuyà wa e wùìyè bi sùà e gbɛ̀ɛ̀ wɔŋ gbàngì aŋ ɓaawaa nyàŋ, yèè koɓɛ̀ bi kuwa wa maŋ tàamàŋ jɛ̀i e ɗì nɔɔnɔŋ. E dèè koɓɛ̀ bi e Hiɓulù mieɛ̀ sùà nàŋ yaà wa ko Bɛ̀zatà.

Jɔ̀ɔŋ 5:3

Anyuùŋ sàaŋ zimgbe mààŋ anyuùŋ zììlè le fɛ̀ɛ̀ nyaŋ, anyuùŋ gò ɓɛ̀nɛ̀ŋ kààiŋ tɛ̀ɛ̀ nyaŋ, yèè anyuùŋ kpɔ̀ɔ̀kpɔɔ nyàŋ hawa wa e gbɛ̀ɛ̀ ko pàtà yaà. [Anyuùŋ sàaŋ nyàŋ e wùìyèɛ kɔɔ folo wa e wùìyèɛ wèè e mààŋ e yìwìà ko pàtài.

Jɔ̀ɔŋ 5:4

Fòfoo maŋ ɗɔɔ kpàa bà màŋ maaŋ wa, kpeiŋ kɛ̀ wo màìkà Dayàa kɔ̀ào wa wo kàànè kàànè e wùìyèɛ. Yèè sèè wò kpɛɛyɛ̀ wa tii nyɛ̀nɛŋ, wo nyuùŋ sàaŋ jiɛ̀jiɛ̀ɔ sɛɛ̀ wa e wùìyè bi sùà wɔ, e sàaŋ gbiŋ nɔ̀uŋ wa e kɔɔ sùà è joeye.]

Jɔ̀ɔŋ 5:6

Nààŋ wo Jisɛ̀ naŋ yɛ̀mɛ̀ wo felaaà yèè wò naŋ nyìmè kɛ̀ wò naàŋ sààŋ wèè e teenga mùnlaŋ, wò naŋ dàwè wo felaaà wààŋ, “Mùŋ manaŋ maŋ yɛ̀mɛ̀ e ɓòù?”

Luùm 5:6

E teengaà e zɔ̀kpɔ̀ yàwì wa lɛ̀, wo Jisɛ̀ Kulaì naŋ fɔ̀ wèè yàwi nààŋ nyuùŋ nyɛ̀nɛ̀ŋ maŋ tùwo naanààŋ nyaŋ e teengaà wo Dayà naŋ wa tàeɗùù lɛ.

1 Kɔliìŋ 9:24

Nàŋ nyìmàŋ kɛ̀ sèè anyùùŋ nɔ̀ŋ duunyɛŋ koɓɛ̀ guùŋ wo bà guùŋ nɔŋ nàŋ yɛmɛ̀ e jìwà jɛ̀wɛ̀ɛ e dùaàŋ sùà. Wèètii dùaìŋ wèè niŋ koà niŋ.