Jɔ̀ɔŋ 5:6 - WƆŊ FƐ̀Ì EBÒ SÌÀŊ DAYÀA

⁶ Nààŋ wo Jisɛ̀ naŋ yɛ̀mɛ̀ wo felaaà yèè wò naŋ nyìmè kɛ̀ wò naàŋ sààŋ wèè e teenga mùnlaŋ, wò naŋ dàwè wo felaaà wààŋ, “Mùŋ manaŋ maŋ yɛ̀mɛ̀ e ɓòù?”

Jɔ̀ɔŋ 5:6 ပူးပေါင်းရင်းမြစ်များ

Luù 18:41

“Kiìŋ mùŋ manaŋ kà nyɛ̀nɛ̀ŋ e weèum?” Wo felaaà naŋ fasàì wààŋ, “Kanaà, mìŋ manaŋ wèè ka ɓɛìŋ yɛ̀mɛ̀ dìì.”

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 5:5

Wo felaa bà yaào wa e wùìyèɛ kɔɔ wo yèɔ naŋ wa kpɔɔkpɔ̀ɔ̀ wèè maŋ doa kpɛ̀ùŋ guùŋ jɛ̀wɛ̀ zììyà jɛ̀wɛ̀ nɔɔnɔŋ le taai.

Jɔ̀ɔŋ 5:7

Wo felaaà naŋ fàsàì wo Jisɛ̀ wààŋ, “Dàa, miŋ kuwà kià wò nyùùŋ gbiŋ wèè woim kpuumàŋ woim gbìàŋ è wùìyèɛ sùà sèè wo màikàa kaanaŋ kàànàŋ e wùìyèɛ. Sèè mìŋ nɔ̀ŋ kààmè e ɗewe wèè ka hnàŋ kao dè, wo nyùùŋ bà mààìm ko feìŋ wuŋ jiɛ̀ woo dè.”

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Hiɓu 4:15

Wo Kànà Sìèfèìŋ Zòòlo Gbee wiɔ̀ Jisɛ̀ nyìmàŋ e zɔ̀kpɔ̀ɛ e kɔɔ wilɛ̀ sùà, esaɓù kɛ̀ wò naŋ wa kɔ̀ e wàa dìì maŋ dòmaŋ nyaaŋ màŋ gbiŋ màànààŋ nɔŋ è kɔ̀àìŋ e wàa dìì lɛ, kɛɛ wo gò wa nyɛ̀nɛ̀ŋ è kèè jùumù gbiŋ.