Jɔ̀ɔŋ 5:44 - WƆŊ FƐ̀Ì EBÒ SÌÀŊ DAYÀA

⁴⁴ Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 5:44 ပူးပေါင်းရင်းမြစ်များ

Maafiù 23:5

Manɛ̀ŋ nyɛ̀nɛŋ nyiŋ màŋ gbiŋ màŋ yaà nɔŋ wèè anyùùŋ aŋ nyiŋ yɛmɛ̀ ko ɓài. Àŋ singe maŋ mìè nyààŋ fɛ̀ì Dayà maŋ aŋ miŋ bàànè maŋ ɗàsìmɔɔŋ gbeegbèè, yèè aŋ miŋ sɛ̀ɛ̀sɛ̀ɛ̀ maŋ ɗìfeìŋ, aŋ miŋ sɛ̀ɛ̀sɛ̀ɛ̀ maŋ kùàŋ, yèè àŋ dikià maŋ jeèì mùnlòmuŋlo e tɛɛ maŋ ɓuuɓane nyiŋ màŋ diɛŋ, wèè anyùùŋ aŋ nyiŋ gɔ̀à le fɛ̀ɛ̀.

Luù 19:17

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ! Nààŋ mùŋ naŋ tɔɔ̀ kɛ̀ mùŋ yaà wo nyùùŋ tɔ̀ɔ̀nyaàŋ wèè manɛ̀ŋ jɔa lɛ̀, mìŋ doum nàŋ nyɛ̀nɛ̀ŋ wo sìèfèìŋ maŋ jàwà gbèègbèè zììyà.’

Jɔ̀ɔŋ 12:43

Yèè ngèè anyùùŋ gbèègbèè aŋ Juùù nyaŋ manaŋ wa anyuùŋ kpùuŋ aŋ nyiŋ tɛnɛ̀ŋ e nìàŋ wèè wo Dayà wo nyiŋ tɛnɛ̀ŋ.

Jɔ̀ɔŋ 17:3

Yèè wɔŋ nyiiŋ gèe gò jùàa nàŋ yaà, wèè aum nyìmàŋ kɛ̀ muàŋ nàŋ yaà wo Dàyà tɔ̀ɔ̀nyaàaŋ, yèè aŋ nyìmàŋ miàim wo Jisɛ̀ Kulaì, wo yèɔ mùŋ naŋ tùɔ̀ŋ wɔ.

Jɔ̀ɔŋ 3:20

Anyuùŋ nyɛ̀nɛ̀ŋ maŋ keì ngaamuŋ ngààmùŋ nyaŋ fè hnàŋ kòɓɛ̀ è gbolòùŋ lɛ, esaɓù maŋ nyɛ̀nɛ̀ŋ nyiŋ màŋ do nàŋ fòlò ke fòolà e kìlà anyùùŋ aŋ miŋ yɛmɛ̀ janjai.

Jɔ̀ɔŋ 5:41

“Miŋ fè yɛ̀ɛ̀mɛ̀ dòmaŋ wèè ànyuùŋ kpùuŋ àŋ doim tɛnɛ̀ŋ.

Jɔ̀ɔŋ 8:43

Wèè kiìŋ niŋ nyimààŋ è yèɛ mìŋ yààìŋ woo lɛ̀? Niŋ fè ɓɛ̀nɛ̀ŋ jàà è yèɛ mìŋ woàìŋ lɛ kùàŋ dìì esaɓù kɛ̀ è naŋ nìè e nɛ̀ŋ nyìmaiŋ nɛ̀.

Luùm 2:10

Anyùùŋ nyaŋ gbiŋ nyɛnɛŋ maŋ kpèè siaŋ nyàŋ, wo Dayà do nyiŋ nàŋ joowò, wo nyiŋ kìɛ̀ŋ dɛ̀ɛ̀kɛ, yaà ke jii fàa. È do nàŋ kààìŋ koɓɛ̀ aŋ Juùù nyaŋ yaà anyùùŋ nyaŋ fè àŋ Juùù nyaŋ.

Luùm 2:29

Wo nyùnɔ̀ɔŋ yaà wo Juùù kɛnɛ wɔ̀, nàŋ yaà wo yèɔ naŋ kìlè ke jiiuŋ nɛɛ̀ŋ e tɔ̀ɔ̀nyaàŋ sùà wɔ. Wo Jìnàŋ Dayàa zà naŋ nyɛ̀nɛ̀ŋ e tòmo lɛɛ̀, e fè màŋ sàwà maŋ yaà sìnga miŋ màŋ. Wo Dayà nàŋ tɛnɛ̀ŋ wo nyùùŋ mààŋ wii, kɛɛ è fè ànyuùŋ kpùuŋ.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

1 Kɔliìŋ 4:5

E wèètii ɓɔ̀ nìŋ gbaaì wò nyùùŋ gbiŋ è keì paŋgàà è tèèngà keì gbàiɛ̀ e haì. E keì gbài dìàmaàŋ do wa nàwèè nàŋ nɔ̀ŋ e tèèngà e hnàŋ Kanaà Jisɛ̀ Kulaìɛ diɛŋ. Wuŋ nàŋ do nàŋ gè maŋ gbùnù ke nyìwì maŋ, yaà esàɓù nyɛ̀nɛŋ miŋ nɛ̀ e gòngò nyuùŋkpùuŋ nyàŋ jiio sùà, wo miŋ gɔaì janjai. Kpeiŋ kɛ̀ wo Dayà do nàŋ fè wo nyùùŋ gbiŋ e tɛ̀nɛɛ̀ŋ wò kanaŋ lɛ̀.

2 Kɔliìŋ 10:18

Wo nyùnɔ̀ɔŋ tɛnɛ̀ŋ wuŋ bi wɔ̀ wuŋ nààŋ wo Kanaà fè jàà kùàŋ dìì, sɔɔ̀ wo yèɔ wuŋ Kanaà tɛnɛ̀ŋ wɔ.

Fèle 2:3

Ɓɔ̀ nìŋ gè lè koo ɔ̀ɔ̀ naŋ ɓèmè nyɛ̀iŋ bi gbee. Dèèyeìŋ nyɛ̀iŋ bi yèè niŋ ɓemè aŋ wùìyaiŋ nyàŋ aŋ nɔ̀ŋ anyùùŋ sɛmɛmaŋ e nìàŋ nyɛ̀iŋ bi.

1Tɛsè 2:6

E gòiŋ fɛ̀ɛ̀ wèè eiŋ yɛ̀mɛ̀ è jòòwo wo nyùùŋ gbiŋ sìwè, e pɛɛ nɔ̀ŋ nyɛ̀iŋ bi ɔ̀ɔ̀ anyùùŋ bà,

1Time 1:17

Koɓɛ̀ wo Kànà wɔŋ nyiiŋ gèe gò jùàa, wo Dayà gunɔ̀ɔŋ, e jòòwo yèè e dɛ̀ɛ̀kɛ nɔ̀ŋ ko nɛ̀ɛ̀uŋ niìŋ wèè julɔfɔ yèè julɔfɔ! Àmiinàŋ.

Hiɓu 3:12

Wùìyaim nyàŋ, yɛ̀mɛìŋ nyɛ̀iŋ bi diɛŋ! Ɓɔ̀ nìŋ nyimèè wèè è keì naanààŋ è do jɔ̀à màŋ jiiŋ màŋ sùà, wèè niŋ go nàŋ fè è hààweiŋ nɛ̀ jɛwɛ koɓɛ̀ wo Dàyà nyiiŋ gèeɔ̀.

Jìiiŋ 2:1

Nyɛ̀iŋ nààŋ wùìyaim nyàŋ, nìŋ kuwa e hààweɛ̀ wo Kànà ɓɛ̀ɛ̀jàa wiɔ̀ Jisɛ̀ Kulaì sùà, ɓɔ̀ nìŋ kùwà ànyùùŋ nyaŋ bà nyiŋ tɛ̀ɛ̀ naŋ nyìnìàŋ àŋ bà nyiŋ fɛɛ̀ nìngè wèè è nɔ̀ŋ kii nyiŋ nɛ̀.

1Pììlɛ 1:7

Esaɓù miŋ nɛ̀ nàŋ yaà wèè e tɔɔ̀ kɛ̀ e hààweiŋ nɛ̀ è yaà e hààwe kɛnɛ. E gòoòɛ pɛɛ, e yèɛ è pɔ̀ɔ lɛ, àŋ tùɔ̀ŋ niìŋ maŋ nɔnɔŋ ko hmɔ̀ɔ̀ŋ. Weètii e hààweiŋ nɛ̀, e yèɛ kuwa e zùlù zimgbe e nìàŋ e gòoò lɛ, tiŋ pɛɛ sɔɔ̀ aŋ niŋ tùàŋ màŋ nɔnɔŋ wèè e hààwe bi kà feìŋ. Kpeiŋ kɛ̀ nàŋ yɛ̀mɛ̀ e tɛ̀nɛŋ yèè e dɛ̀ɛ̀kɛ yaà e jòòwo ke ɗɔɔɛ̀ wo Jisɛ̀ Kulaì hnàŋ wa nàwèè lɛ.

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.