Jɔ̀ɔŋ 5:43 - WƆŊ FƐ̀Ì EBÒ SÌÀŊ DAYÀA

⁴³ Mìŋ naŋ hnè ɓɔɔɓɔɔ mààŋ wo yèɔ wo Dèda miɔ̀ŋ naŋ tɔ̀ùŋ wɔ wèè ka dè e bɛ̀uŋ, kɛɛ nìŋ naŋ gè maŋhɛɛ wèè naim jàà kùàŋ dìì. Yèè sèè wo nyùùŋ bà wò hnàŋ wo yèɔ gboo e gààŋ wuŋ biɛ̀ sùà wɔ, nìŋ douŋ nàŋ jàà kùàŋ dìì.

Jɔ̀ɔŋ 5:43 ပူးပေါင်းရင်းမြစ်များ

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 24:5

Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ’ e kìlà àŋ do nàŋ zùwò anyuùŋ zimgbe.

Jɔ̀ɔŋ 10:25

Wo Jisɛ̀ naŋ nyiŋ fasàì wààŋ, “Kàiŋ niŋ woò tɛ, kɛɛ niŋ gòim haawè. Maŋ keì maŋ mìŋ nyɛnɛŋ esàɓù e dèè wo Dèda miɔ̀ŋ sùà lɛ kiɛ̀ŋ ke mìè seì janyai kɛ̀ ɓòò mìŋ yaà.

Jɔ̀ɔŋ 12:28

Dèda miɔ̀ŋ, tɔ̀ɔ̀ e dɛ̀ɛ̀kɛ koɓɛ̀ e deè mɔ̀ɛ̀.” Kpeiŋ wo Dayà naŋ gbòò e yìwìà ko àìjɛnɛ̀ŋ yèè wò naŋ woò wààŋ, “Kà dɛ̀ɛ̀kɛ̀ miàŋ bi tɛ, e kìlà mìŋ do ɓɛìŋ nàŋ dɛ̀ɛ̀kɛ̀ miàŋ bi.”

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 5:42

Kɛɛ kà nyìmàŋ maŋ keì nyɛ̀nɛiŋ màŋ, yèè kà nyìmàŋ kɛ̀ niŋ kuwà è mànàŋ Dayàa màŋ jiiiŋ màŋ sùà.

Jɔ̀ɔŋ 6:38

Esaɓù kɛ̀ miŋ gò dèyà è yìwìà kò àìjɛnɛ̀ŋ wèè ka nyɛ̀nɛ̀ŋ è yèɛ mìàŋ bi mìŋ manaŋ lɛ̀, kɛɛ wèè ka nyɛ̀nɛ̀ŋ e yèɛ wo Dayàa naim tùɔ̀ŋ wɔ manaŋ lɛ̀.

Nyɛ̀nɛ̀ŋ 21:38

Muàŋ nàŋ fè wò nyùùŋ Ijèɔ wò yèɔ naŋ wa dàà kè gboà gbeeɛ̀ yèè mùŋ naŋ kɔ̀ɔ̀ anyuùŋ jìwà nyùùŋ tààsùùŋ tiinàŋ (4,000) kè fòùngà e diì wòaà sùà?”