Jɔ̀ɔŋ 5:42 - WƆŊ FƐ̀Ì EBÒ SÌÀŊ DAYÀA

⁴² Kɛɛ kà nyìmàŋ maŋ keì nyɛ̀nɛiŋ màŋ, yèè kà nyìmàŋ kɛ̀ niŋ kuwà è mànàŋ Dayàa màŋ jiiiŋ màŋ sùà.

Jɔ̀ɔŋ 5:42 ပူးပေါင်းရင်းမြစ်များ

Luù 16:15

Yèè wo Jisɛ̀ naŋ nyiŋ woò wààŋ, “Nyɛ̀iŋ nàŋ yaà anyùùŋ nyaŋ tɔɔ̀ wèè naŋ nɔ̀ŋ anyùùŋ tɔ̀ɔ̀nyaàŋ ko fɛ̀ɛ̀fèìŋ anyuùŋ joo, kɛɛ wo Dayà nyìmàŋ maŋ jiiŋ màŋ sùà. Esaɓù kɛ̀ manɛ̀ŋ maŋ anyùùŋ àŋ ɓemàŋ wèè maŋ nɔ̀ŋ gbee miŋ màŋ maŋ fè è nɛ̀ŋ gbiŋ kò fɛ̀ɛ̀fèìŋ Dayài.

Jɔ̀ɔŋ 2:25

Esaɓù bà gbiŋ fè wa wèè wò nyùùŋ gbiŋ wò douŋ kìɛ̀ŋ kè mìè seì aŋ woò kɛ̀ ɓòò nàŋ yaà anyùùŋ nyɛɛ̀ŋ. Wò wa nyìmàŋ aŋ gbiŋ tɛ̀ɛ̀.

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Jɔ̀ɔŋ 5:41

“Miŋ fè yɛ̀ɛ̀mɛ̀ dòmaŋ wèè ànyuùŋ kpùuŋ àŋ doim tɛnɛ̀ŋ.

Jɔ̀ɔŋ 5:43

Mìŋ naŋ hnè ɓɔɔɓɔɔ mààŋ wo yèɔ wo Dèda miɔ̀ŋ naŋ tɔ̀ùŋ wɔ wèè ka dè e bɛ̀uŋ, kɛɛ nìŋ naŋ gè maŋhɛɛ wèè naim jàà kùàŋ dìì. Yèè sèè wo nyùùŋ bà wò hnàŋ wo yèɔ gboo e gààŋ wuŋ biɛ̀ sùà wɔ, nìŋ douŋ nàŋ jàà kùàŋ dìì.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 8:42

Wo Jisɛ̀ naŋ nyiŋ fasàì wààŋ, “Sèè wo Dayà wo weè nɔ̀ŋ wo Dèdaiŋ nɔɔ̀ŋ, nìŋ heim weè nàŋ mɔ̀nɔ̀ŋ, esaɓù kɛ̀ mìŋ yewe koɓɛ̀ Dayài yèè kòò mìŋ yààìŋ naàŋ ko fɛɛ̀feìŋ. Wuŋ naim tùɔ̀ŋ. Miŋ gò hnàŋ è gààŋ miàŋ biɛ̀ sùà.

Jɔ̀ɔŋ 8:47

Wo nyùnɔ̀ɔŋ gbiŋ yewe koɓɛ̀ Dayài wɔ wò do nàŋ kòmò ke mìè Dayàa. Kɛɛ nìŋ naŋ gè maŋhɛɛ wèè naŋ kòmàŋ ke mièuŋ nɛɛ̀ŋ, esaɓù kɛ̀ niŋ fè wèè wò Dayà.”

Jɔ̀ɔŋ 8:55

joo pɛɛ tɔɔɓaa kɛ̀ niŋ nyimààuŋ. Sèè ka woò kɛ̀ miŋ nyimààuŋ, mìŋ do nàŋ nɔ̀ŋ wo nyuùŋ tòa maàŋ nyɛ̀iŋ gbiŋ. Kɛɛ kàuŋ nyìmàŋ, yèè mìŋ nyɛnɛŋ e yèɛ wò woà lɛ.

Luùm 8:7

Weètii sèè anyuùŋ kpùuŋ nɔŋ kɛ̀ɛ̀nɛ̀ŋ gòngo wèè e nɛ̀ɛŋ maŋ kpùnaŋ nyiŋ màŋ manaŋ lɛ̀, àŋ do nɔ̀ŋ aŋ joo koɓɛ̀ Dayài. Aŋ fè jɔ̀ɔ̀lɔ̀ màŋ sàwà Dayà maŋ dìì, e kìlà ngèè aŋ fè miŋ ɓɛ̀nɛ̀ŋ jɔ̀ɔ̀lɔ̀ dìì.

1Jɔ̀ɔŋ 2:15

Ɓɔ̀ nìŋ mànàŋ e ɗuunyaàŋ ɔ̀ɔ̀ mànɛ̀ŋ kɛ̀ɛ̀nɛ̀ŋ ɗuunyaŋ maŋ. Sèè wo nyùùŋ gbiŋ naŋ kɛ̀ɛ̀nɛ̀ŋ e mànaŋ wèè e ɗuunyaàŋ, wo kuwà è mànaŋ wèè wò Dèdaà.

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?

1Jɔ̀ɔŋ 4:20

Sèè eiŋ woò wìàà è mànàìŋ Dayà kɛɛ è naiŋ wùɔ̀ŋ aŋ wùìya wi nyàŋ, kɛ̀ è yààìŋ anyuùŋ tòa. Esaɓù kɛ̀ e fèiŋ ɓɛ̀nɛ̀ŋ mànàŋ wò Dayà wò yèɔ kòò è yɛ̀mɛ̀ìŋ wɔ sèè è goiŋ mànàŋ aŋ wùìya wi nyàŋ aŋ yè nyaŋ è yɛmɛ̀ìŋ nyaŋ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.