Jɔ̀ɔŋ 5:40 - WƆŊ FƐ̀Ì EBÒ SÌÀŊ DAYÀA

⁴⁰ Yèè yɛi nɔŋ è yaà nìŋ naŋ gè maŋhɛɛ wèè naŋ hnàŋ kò nɛ̀ɛ̀ŋ miìŋ wèè naŋ kɛ̀ɛ̀nɛ̀ŋ wɔŋ nyiiŋ gèe.

Jɔ̀ɔŋ 5:40 ပူးပေါင်းရင်းမြစ်များ

Maafiù 22:3

Wo kanaà naŋ tùɔ̀ŋ aŋ ɓɔìjɔ̀àuŋ nyàŋ wèè aŋ woò anyùùŋ nyaŋ àŋ naŋ nyààŋ nyaŋ wèè aŋ hnàŋ wɔŋ ɗaaà diɛŋ, kɛɛ anyùùŋ nyaŋ gò wa nyimèè wèè aŋ hnàŋ wɔ̀ŋ ɗaaà diɛŋ.

Maafiù 23:37

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ yèè àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔ jɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Jɔ̀ɔŋ 1:11

Wò naŋ wa hnè koɓɛ̀ anyùùŋ wuŋ bi nyàŋ, kɛɛ anyùùŋ wuŋ bi nyàŋ gòuŋ wa jàà kùàŋ dìì.

Jɔ̀ɔŋ 10:10

Wo nyuùŋ wùaà wò hnàŋ nɔŋ wèè wo wùà, wo jìwà wo nyùùŋ, yèè wo pɔ̀ɔ̀pɔ̀ɔ̀ maŋ nɛ̀ŋ. Kɛɛ mìŋ naŋ hnè wèè kɛ̀ anyùùŋ nyaŋ gbiŋ aŋ kɛɛnɛ̀ŋ wɔŋ nyiiŋ gèe, yèè aŋ wɔŋ kɛɛnɛ̀ŋ e dìa suà wuŋ kpaŋ.

Jɔ̀ɔŋ 3:19

E ɗeweɛ̀ lɛɛ̀ sùà wo Dayà do wa nàwèè nàŋ kìlìè kiti anyùùŋ diɛŋ. Esaɓù kɛ̀, anyùùŋ nyaŋ e ɗuunyaàŋ naŋ yɛ̀mɛ̀ e gbòlòùŋ Dayàa, kɛɛ anyuùŋ kpùuŋ manaŋ ke nyìwìɛ e nìàŋ e gbolòùŋ nɛ, esaɓù kɛ̀ ke nyìwìɛ sùà àŋ nyiniàŋ maŋ keì ngaamuŋ ngààmùŋ nyiŋ màŋ.

Jɔ̀ɔŋ 5:39

Nìŋ kpɛnɛŋ wɔŋ fɛ̀ì Dayàa, esaɓù nìŋ naŋ gongò kɛ̀ maŋ fɛi bi sùà nìŋ do nàŋ yɛ̀mɛ̀ wɔŋ nyiiŋ gèe gò jùà. Yèè wɔŋ fɛ̀ì guùŋ bi naŋ kìɛ̀ŋ ke mìè seì ko nɛ̀ɛ̀iŋ niìŋ e nyaàiŋ eim dè.

Jɔ̀ɔŋ 5:41

“Miŋ fè yɛ̀ɛ̀mɛ̀ dòmaŋ wèè ànyuùŋ kpùuŋ àŋ doim tɛnɛ̀ŋ.

Jɔ̀ɔŋ 5:44

Nìŋ manaŋ e kèè aŋ dàwi tɛ̀nɛŋ, tii nàŋ fɔɔyɛ̀ìŋ maŋ jii. Niŋ fè kàmè è ɗewe wèè naŋ tuwò tɛ̀ɛ̀ wèè e nyɛ̀nɛ̀ŋ esaɓù wèè wò Dayà wuŋ guùŋ woiŋ tɛnɛ̀ŋ. Kpeiŋ kɛ̀ dièsɔa nìŋ naim naàŋ ɓɛ̀nɛ̀ŋ kɛ̀ɛ̀nɛ̀ŋ e hààwe sùà?

Jɔ̀ɔŋ 6:27

Ɓɔ̀ nìŋ tomo wèè è nɛ̀ŋjeɛ̀ do nàŋ pɔɔ̀ lɛ. Tòmoìŋ wèè e nɛ̀ŋjeɛ̀ kiɛ̀ŋ wɔŋ nyiiŋ gèe gò jùàa lɛ̀. Miàim wo Jɔ̀àfèlàà Nyuùŋ Kpùnɔɔ̀ŋ doiŋ nàŋ kìɛ̀ŋ e nɛ̀ŋje lɛɛ̀, esaɓù kɛ̀ wo Dayà wo Dèdaà wòim hàà e fèè e nɛ̀ŋ yìliauŋ nɛ̀ wèè ka niŋ nyɛ̀nɛ̀ŋ.”

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Maŋ kèì nyɛɛnɛŋ 22:17

Wo Jìnàŋ Nɛɛmaàŋ yaà wo jɔunɔ̀ɔŋ wo Ɓaawaaà do nàŋ ɓemè wɔ naŋ woò nyààŋ, “Hnaàŋ!” Wo nyùnɔ̀ɔŋ gbiŋ komo tɛɛ̀ wɔ wo woò wààŋ, “Hnaàŋ!” Hnaàŋ, nyɛ̀iŋ nyàŋ gbiŋ nìŋ yaà ke jòòmàì sùà nyaŋ. Kùwaìŋ e wùìyèɛ kuwa wɔŋ nyiiŋ gèeɔ̀ lɛ wèè e nɔ̀ŋ e nɛ̀ŋ kìɛŋ, koɓɛ̀ wo nyùnɔ̀ɔŋ gbiŋ mànàŋ niìŋ wɔ.