Jɔ̀ɔŋ 5:39 - WƆŊ FƐ̀Ì EBÒ SÌÀŊ DAYÀA

³⁹ Nìŋ kpɛnɛŋ wɔŋ fɛ̀ì Dayàa, esaɓù nìŋ naŋ gongò kɛ̀ maŋ fɛi bi sùà nìŋ do nàŋ yɛ̀mɛ̀ wɔŋ nyiiŋ gèe gò jùà. Yèè wɔŋ fɛ̀ì guùŋ bi naŋ kìɛ̀ŋ ke mìè seì ko nɛ̀ɛ̀iŋ niìŋ e nyaàiŋ eim dè.

Jɔ̀ɔŋ 5:39 ပူးပေါင်းရင်းမြစ်များ

Maafiù 22:29

Wo Jisɛ̀ naŋ nyiŋ fasàì wààŋ, “Diè nìŋ naŋ yɛi ɓà ke dòmàŋ tɔ̀ɔ̀nyaàŋ le! Esaɓùɛ nàŋ yaà kɛ̀ niŋ nyimààŋ è sìngaà wɔŋ fɛ̀ì Dayàa sùà ɔ̀ɔ̀ e gààŋ Dayàa.

Luù 16:29

Kpeiŋ wo Eɓulɔhɛɛ̀ŋ nauŋ woò wààŋ, ‘Aŋ wùìyaum nyàŋ kòò àŋ kuwao wo Mòòze yaà aŋ wɛ̀ijì nyaŋ wèè aŋ nyiŋ kìɛ̀ŋ e gòo. Tɔ̀ aŋ wùìyaum nyàŋ aŋ nyɛ̀nɛ̀ŋ e nɛ̀ɛ̀iŋ àŋ woà nyìŋ lɛ.’

Luù 16:31

Kɛɛ wo Eɓulɔhɛɛ̀ŋ nauŋ woò janjai wààŋ, ‘Sèè àŋ go nyɛ̀nɛ̀ŋ e nɛ̀ɛŋ wo Mòòze yaà aŋ wɛ̀ijì nyaŋ naŋ nyiŋ woò lɛ, aŋ naàŋ haawè sèè pɛɛ wo nyùùŋ wo weì yèwà e fàaà dìì.’ ”

Luù 24:25

Kpeiŋ wo Jisɛ̀ naŋ woò wààŋ, “Wèè kiìŋ nìŋ yaà yɛi e ɓàaɓàa e kìlà nìŋ naŋ yɛi gbɔ̀mgbɔ̀ɔ̀ maŋ jii wèè naŋ hààwè maŋ keì maŋ aŋ wɛ̀ijì nyaŋ naiŋ wa woò maŋ, e nyaàiŋ dè wo yèɔ wo Dayà naŋ tàeɗùù wèè wo joeyè anyùùŋ nyaŋ e ɗuunyaàŋ wɔ?

Luù 24:27

Wo Jisɛ̀ naŋ nyiŋ kpìnìè maŋ keì maŋ gbiŋ yaà sìnga miŋ màŋ wɔŋ fɛ̀ì Dayàa sùà e nyaàiŋ dè wuŋ bi, e yìwìà maŋ Sàwà Mòòze màŋ yèè maŋ fɛ̀ì aŋ wɛ̀ijì nyaŋ gbiŋ sùà.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Jɔ̀ɔŋ 1:45

Wo Felè naŋ mɛ̀ɛ̀ŋ wo Nàntanyàŋ yèè wò nauŋ woò wààŋ, “Èiŋ mɛ̀ɛ̀ŋ wo Jisɛ̀ e yìwìà ko Naazɔ̀ɛ̀, wo jɔ̀àfèlàà Jòòsɛɔ̀ wo yèɔ maŋ Sàwà Mòòze màŋ yèè aŋ Wɛ̀ijì nyaŋ naŋ wa sìngè kiiuŋ wɔ̀.”

Jɔ̀ɔŋ 5:32

Kɛɛ wo nyùùŋ bà kòò wò yaào wo yèɔ naŋ nyìmè yèè wò naŋ woò kɛ̀ ɓòò nàŋ yààìm , e kìlà kà nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔ̀ɔ̀nyaàŋ e nyaàiŋ eim dè.

Jɔ̀ɔŋ 5:36

Kɛɛ e yèɛ mìŋ nyɛnɛŋ lɛ̀ tɔɔ̀ janyai kɛ̀ ɓòò nàŋ yààìm wɔŋ dòmaŋ nyaaŋ joo bà wɔŋ yèɔ wɔ̀ŋ yaà e sɛmɛmaŋ wuŋ e ngèè pɛɛ nìàŋ e yèɛ naŋ wa nɔ̀ŋ tɔ̀ɔ niŋ e yìwìà e yèɛ wo Jɔ̀ɔŋ naŋ wa woò lɛ e nyaàiŋ eim dè. Maŋ keì bi zà nàŋ yaà e tòmoɛ̀ wo Dèdaà Dayà naim kiɛ̀ŋ wèè ka nyɛ̀nɛ̀ŋ lɛ. Maŋ keì mɛɛ̀ŋ nàŋ kiɛ̀ŋ maŋ mìè seì weèim, e kìlà màŋ tɔɔ̀ kɛ̀ wo Dèdaà Dayà naim tùɔ̀ŋ.

Jɔ̀ɔŋ 5:40

Yèè yɛi nɔŋ è yaà nìŋ naŋ gè maŋhɛɛ wèè naŋ hnàŋ kò nɛ̀ɛ̀ŋ miìŋ wèè naŋ kɛ̀ɛ̀nɛ̀ŋ wɔŋ nyiiŋ gèe.

Jɔ̀ɔŋ 5:46

Sèè naŋ wa weè kɛ̀ɛ̀nɛ̀ŋ e hààwe wo Mòòze sùà, nìŋ heim weè nàŋ kɛ̀ɛ̀nɛ̀ŋ e hààwe ko sùà, esaɓù kɛ̀ wò naŋ wa sìngè wɔŋ fɛi e nyaàiŋ eim dè.

Jɔ̀ɔŋ 7:52

Yèè aŋ màmàŋkùmɛŋ nyàŋ naŋ fasàì nyààŋ, “Nìkɔ̀dimɔ̀, muàŋ pɛɛ mùŋ yewe ko Galaliì? Kɛ̀ kpɛnɛ̀ŋ weè wɔŋ fɛ̀ì Dayàa. Yèè mùŋ do naŋ nyìmè kɛ̀ wo wɛ̀ijì gbiŋ wo naàŋ yèwè kò Galaliì.” [

Nyɛ̀nɛ̀ŋ 13:27

Anyùùŋ nyaŋ ko Jùlusɛ̀làm yèè anyuùŋ gbeegbèè nyiŋ nyàŋ naŋ wa gè maŋhɛɛ wèè aŋ nyìmàŋ kɛ̀ wò Jisɛ̀ nàŋ yaà wa wò yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè anyùùŋ nyaŋ gbiŋ e ɗuunyaàŋ. Yèè aŋ gò wa nyìmàŋ màŋ miè gbìaŋ màŋ aŋ wɛ̀ijì nyaŋ naŋ wa sìngè maŋ, jòòpɛɛ àŋ kpɛ̀nɛ̀ŋ miìŋ wa e teenga gbiŋ ke Ɗɔ̀ɔ̀ Zòòlò aŋ Juùù nyaŋ diɛŋ. Yèè àŋ naŋ wa gììyè wo Jisɛ̀ maŋhɛɛ màànààŋ nɔŋ aŋ wɛ̀ijì nyaŋ naŋ wa woò lɛ. Àŋ naŋ wa nyɛ̀nɛ̀ŋ e yèɛ nɔŋ wɔŋ Fɛ̀ì Dayàa naŋ wa woò lɛ.

Nyɛ̀nɛ̀ŋ 17:11

Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

Nyɛ̀nɛ̀ŋ 26:27

Kanaà Àgulepɔ̀, màŋ hààwè e yèɛ aŋ wɛ̀ijì nyaŋ naŋ wa woò lɛ? Kà nyìmàŋ kɛ̀ mùŋ naŋ niŋ haawè.”

Luùm 1:2

Wèè paŋ wo Jisɛ̀ hnàŋ wa e ɗuunyaàŋ, wo Dayà naŋ wa jɔ̀ɔ̀ e ɗààhiì kɛ̀ wò do nàŋ wòò Ebò Siaŋ lɛɛ̀ e yìwìà aŋ wɛ̀ijìuŋ nyàŋ sùà, nààŋ àŋ naŋ niŋ sìngè maŋ fɛ̀ì Nɛ̀ɛ̀màŋ Dayà maŋ sùà lɛ.

Luùm 3:2

È kuwa e nàfa weè wi maŋ dòmaŋ nyaaŋ zimgbe! E sìèfeìŋ jiɛ̀jiɛ̀ɛ nàŋ yaà, è do wi nàŋ nafà esaɓù kɛ̀ wo Dayà kuwa wa ke jii tùlia aŋ Juùù nyaŋ sùà yèè wò naŋ nyiŋ kìɛ̀ŋ ke miè gbìauŋ nɛɛ̀ŋ.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

Hiɓu 11:16

Kɛɛ nààŋ è yaà lɛ, àŋ yaà wa kààmè wɔŋ fuɔŋ kɛnɛ wèè aŋ nɔ̀ŋ, wɔŋ fùɔ̀ŋ ko àìjɛnɛ̀ŋ. Esaɓùɛ lɛɛ̀ wo Dayà gò nyɛ̀nɛ̀ŋ sàngè wèè auŋ nyààŋ wò Dayà nyiŋ nɔɔ̀ŋ, esaɓù kɛ̀ wò wa naàŋ nyɛ̀lɛ̀ e jawa gbee weè nyiŋ.

Hiɓu 11:35

Esàɓù e hààwe aŋ jɔùŋ bà naŋ wa yɛ̀mɛ̀ aŋ wùìya nyiŋ nyàŋ aŋ yèwà e fàaà dìì aŋ kɛ̀ɛ̀ maŋ nyiiŋ gèe sùà. Aŋ zimgbe nyiŋ naŋ wa gè maŋhɛɛ wèè aŋ nyiŋ bilɛ̀ŋ, yèè àŋ naŋ fɔ̀ɔ̀yɛ̀ e keì nyìnga dìì, wèè wo Dayà gè nyiŋ wa nàwèè e fàa dìì wɔŋ nyiiŋ gèe kɛnɛ sùà.

Maŋ kèì nyɛɛnɛŋ 19:10

Mìŋ naŋ dè maŋ gɛ̀ɛ̀nìim màŋ ko dììnaŋ wèè kauŋ zoolò, kɛɛ wò naim woò wààŋ, “Kpele, ɓɔ̀ mùŋ nyɛ̀nɛ̀ŋ niŋ! Mìŋ yaà wo ɓɔìjɔ̀à mààŋ muàŋ bi yèè anyuùŋ hààwe gbànaŋ nyàŋ, aŋ yè nyaŋ gbiŋ naŋ haawè yèè àŋ naŋ kìɛ̀ŋ mìè seì e nyaàiŋ dè e tɔ̀ɔ̀nyaàŋ wo Jisɛ̀ naŋ gɔ̀àì sùà lɛ. Zòòloò wo Dayà wuŋ guùŋ!” E tɔ̀ɔ̀nyaàŋ wo Jisɛ̀ naŋ gɔ̀àì sùà lɛ naŋ yaà e yèɛ sie aŋ wɛ̀ijì nyaŋ ke di wo jinàaŋ sùà.