Jɔ̀ɔŋ 5:34 - WƆŊ FƐ̀Ì EBÒ SÌÀŊ DAYÀA

³⁴ Miŋ gò tùlìà màŋ mìè seì maŋ ànyuùŋ kpùuŋ kiɛ̀ŋ maŋ jii wèè maŋ tɔ̀ɔ̀ è tɔ̀ɔ̀nyaàaŋ kɛ̀ ɓòò mìŋ yaà. Kɛɛ mìŋ naiŋ wòò maŋ keì mɛɛ̀ŋ wèè kɛ̀ wo Dayà naiŋ ɓɛ̀nɛ̀ŋ jòèye.

Jɔ̀ɔŋ 5:34 ပူးပေါင်းရင်းမြစ်များ

Luù 13:34

Wo Jisɛ̀ wààŋ, “Kuoo nyɛ̀iŋ nààŋ nyùnòò Jùlusɛ̀làm nyaŋ! Anyunùiŋ nyàŋ naŋ wa jìwè aŋ wɛ̀ijì nyaŋ, àŋ naŋ hɔ̀wɔ̀ aŋ keela nyàŋ wo Dayà naŋ wa tùɔ̀ŋ ko nɛ̀ɛ̀iŋ niìŋ nyaŋ. E teenga zimgbe mìŋ naŋ nyɛ̀nɛ̀ŋ wànàŋ wèè kaiŋ gbònògbònò koɓɛ̀ guùŋ, màànààŋ wo tɔɔ boolìɔ gbonàŋ aŋ tɔɔjɔauŋ nyàŋ maŋ gbauŋ màŋ dìì lɛ. Kɛɛ niŋ gò wa nyimèè wèè mìŋ doiŋ gbònò kòɓɛ̀ guùŋ.

Luù 19:10

Miàim wo Jɔ̀àfèlàà Nyuùŋ Kpùnɔɔ̀ŋ naŋ hnè wèè ka kàmè e kìlà ka jòèyè anyùùŋ nyaŋ naŋ go nyàŋ.”

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 5:32

Kɛɛ wo nyùùŋ bà kòò wò yaào wo yèɔ naŋ nyìmè yèè wò naŋ woò kɛ̀ ɓòò nàŋ yààìm , e kìlà kà nyìmàŋ kɛ̀ ke mìè seìɛ wò naŋ kiɛ̀ŋ lɛ è yaà tɔ̀ɔ̀nyaàŋ e nyaàiŋ eim dè.

Jɔ̀ɔŋ 5:41

“Miŋ fè yɛ̀ɛ̀mɛ̀ dòmaŋ wèè ànyuùŋ kpùuŋ àŋ doim tɛnɛ̀ŋ.

Jɔ̀ɔŋ 8:54

Wo Jisɛ̀ naŋ nyiŋ fasàì wààŋ, “Sèè ka tɛ̀nɛ̀ŋ miàŋ bi, è yaà wèè foo. Wo Dèda miɔ̀ŋ wuŋ bi nàŋ dɛɛkɛ̀ìm. Nìŋ naŋ woò kɛ̀ wuŋ nàŋ yaà wo Dayàiŋ nɔɔ̀ŋ,

Luùm 10:1

Wùìyaim nyàŋ, e mànaŋ gbee mɛ̀ ke jii miɛ̀ŋ sùà yèè e zòòlo mɛ̀ nàŋ yaà wèè wo Dayà jòèyè anyunùim nyàŋ ko Ezɔ̀ɛ̀.

Luùm 10:21

Wo Dayà naŋ ɓɛìŋ woò e nyaàiŋ dè anyùùŋ Ezɔ̀ɛ̀ nyaŋ wààŋ, “Wɔŋ niìsìaà gbiŋ sùà mìŋ joowà maŋ kùàŋ fùùŋ wèè ka jàà anyuùŋ gò jɔɔlɔ̀ yaà anyùùŋ dàà ke gbòà nyaŋ kùàŋ dìì.”

Luùm 12:21

Ɓɔ̀ nìŋ nyimèè wèè è gààŋ è keì naanààŋ è doiŋ gbùwò diɛŋ, kɛɛ ɓùlaìŋ niŋ e yìwìà e keì sìàŋ nyɛ̀nɛŋ sùà.

Luùm 3:3

È yaà tɔɔɓaa kɛ̀ aŋ Juùù nyaŋ bà nyiŋ gò wa hààwè kè miè gbìaàŋ wèè aŋ nyiŋ jɔ̀ɔ̀lɔ̀ dìì, màànààŋ àŋ naŋ wa jɔ̀ɔ̀ ɗààhiì kɛ̀ àŋ do nàŋ nyɛ̀nɛ̀ŋ lɛ. Weètii, tɛɛ̀ wɛ̀i ɓɛ̀nɛ̀ŋ tɔɔ̀ kɛ̀ wèè esàɓù e hààwe gò kɛɛnɛ̀ŋ nyiŋ nɛ̀, wo Dayà naàŋ nyiìŋ kpuumò nààŋ wò naŋ wa jɔ̀ɔ̀ e ɗààhiì wèè wo nyɛ̀nɛ̀ŋ lɛ?

1 Kɔliìŋ 9:22

Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

1Time 4:16

Yɛ̀mɛ̀ muaŋ bi diɛŋ, yèè e nɛ̀ɛŋ mùŋ kaà anyùùŋ nyaŋ lɛ̀ diɛŋ. Jèèe ko nyìnìè maŋ keì mɛɛ̀ŋ, efefoo sèè mùŋ nyɛ̀nɛ̀ŋ miìŋ, mùŋ do nàŋ jòèyè muaŋ bi yèè aŋ yè nyaŋ gbiŋ mùŋ naŋ kàa nyaŋ.

1Jɔ̀ɔŋ 5:9

È naiŋ hààwè ke mìè sèì nyuùŋ kpùnɔɔ̀ŋ. Kɛɛ ke mìè sèì Dayàa kè kuwa gaàŋ gbee, yèè wò naŋ kìɛ̀ŋ ke mìè seì yɛɛ̀ e nyaàiŋ dè wo Jɔ̀àfelaauŋ nɔɔ̀ŋ.