Jɔ̀ɔŋ 5:22 - WƆŊ FƐ̀Ì EBÒ SÌÀŊ DAYÀA

²² Wo Dèdaà fè gbàì wò nyùùŋ, kɛɛ wò naŋ nyɛ̀nɛ̀ŋ miàim wo Jɔ̀àfelaauŋ nɔɔ̀ŋ wèè ka nɔ̀ŋ wo nyuùŋ gbàiɔ̀ wèè anyùùŋ nyaŋ gbiŋ.

Jɔ̀ɔŋ 5:22 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Jɔ̀ɔŋ 3:35

Wo Dèda wiɔ̀ Dayà manaŋ wo Jɔ̀àfelaauŋ nɔɔ̀ŋ, yèè wò nauŋ kìɛ̀ŋ e gààŋ manɛ̀ŋ maŋ gbiŋ diɛŋ.

Jɔ̀ɔŋ 5:27

Yèè wò kìɛ̀ŋ miàim wo Jɔ̀àfelaauŋ nɔɔ̀ŋ e tɔ̀ɔ̀nyaàaŋ wèè ka gbàì anyùùŋ nyaŋ gbiŋ, esaɓù kɛ̀ miàŋ nàŋ yaà wo Jɔ̀àfèlàà Nyuùŋ Kpùnɔɔ̀ŋ.

Jɔ̀ɔŋ 9:39

Yèè wo Jisɛ̀ naŋ woò wààŋ, “Mìŋ naŋ hnè e ɗuunyaŋ lɛɛ̀ wèè ka gbàì anyùùŋ nyaŋ. Mìŋ naŋ hnè wèè ka nyɛ̀nɛ̀ŋ wo nyuùŋ zììlè le fɛ̀ɛ̀ɔ wo yɛ̀mɛ̀ dìì, yèè wèè ka nyɛ̀nɛ̀ŋ wo nyùnɔ̀ɔŋ yɛmɛ̀ dìì wɔ wo zììlè le fɛ̀ɛ̀.”

Nyɛ̀nɛ̀ŋ 10:42

Yèè wo Dayà naŋ wi woò wààŋ e woòiŋ ebò siaŋ lɛɛ̀ koɓɛ̀ anyùùŋ nyaŋ gbiŋ, yèè e gbòàiŋ ke mìè seì kɛ̀ wo Jisɛ̀ nàŋ yaà wo nyùnɔ̀ɔŋ wò naŋ tàeɗùù wɔ wèè wo nɔ̀ŋ wo nyuùŋ gbàiɔ̀ wèè anyuùŋ gè nyiiŋ nyàŋ yèè anyuùŋ fàa nyàŋ.

Nyɛ̀nɛ̀ŋ 17:31

Wò jàà ke ɗɔɔ e ɓula wèè wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà. Yèè wò naŋ tà wo Jisɛ̀ ke ɗùù wèè wo gbaì anyùùŋ nyaŋ weèuŋ. Wo Dayà wò wi kìɛ̀ŋ e tɔ̀ɔ̀nyààŋ e keì lɛɛ̀ yàwi nààŋ gbiŋ nààŋ wò naŋ gè wo Jisɛ̀ e fàa dìì.”

Luùm 2:16

Nààŋ e yìwìà Ebò Siaàŋ mìŋ naiŋ woò lɛ, yɛi è do wa nàwèè nàŋ nɔ̀ŋ ke ɗɔɔ yii diɛŋ, wo Dayà do nàŋ tà wo Jisɛ̀ Kulaì ɗùù wèè wo gbàì maŋ gòngò gbùnù anyùùŋ nyaŋ gbiŋ maŋ jii nyiŋ màŋ sùà.

2 Kɔliìŋ 5:10

Yàwi nààŋ gbiŋ doiŋ nàŋ hnè wo Jisɛ̀ Kulaì ke kpùà keì gbàiuŋ nɛɛ̀ŋ fɛɛ̀feìŋ, wo wi gbaaì. Yàwi nààŋ gbiŋ doiŋ nàŋ yɛ̀mɛ̀ e pààwà keì sìàŋ ɔ̀ɔ̀ keì naanààŋ wèè e nɛ̀ɛŋ gbiŋ è naiŋ nyɛ̀nɛ̀ŋ ke kpùnaŋ yɛɛ̀ sùà lɛ.

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

1Pììlɛ 4:5

Kɛɛ àŋ do nàŋ fàsàì maŋ màaŋdàwè koɓɛ̀ Dayài, wo yèɔ naŋ banebànè wèè wo gbàì anyùùŋ nyaŋ kuwa nyiiŋ gèeɔ̀ nyaŋ yaà anyuùŋ fàa nyàŋ wɔ.