Jɔ̀ɔŋ 5:17 - WƆŊ FƐ̀Ì EBÒ SÌÀŊ DAYÀA

¹⁷ Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

Jɔ̀ɔŋ 5:17 ပူးပေါင်းရင်းမြစ်များ

Maafiù 10:29

Àŋ maàŋ aŋ dùùm nyɛ̀ɛ̀ tìyèe wèè ke kàpàà guùŋ. Kɛɛ wo Dèdaiŋ nɔɔ̀ŋ ko àìjɛnɛ̀ŋ nyìmàŋ e teengaà wò bà guùŋ gbiŋ pɛɛ sɔɔ ko dììnaŋ lɛ̀.

Jɔ̀ɔŋ 10:36

Wo Dèdaà wuŋ bi naim tàeɗùù yèè wò naim tùɔ̀ŋ koɓɛ̀ anyùùŋ nyaŋ e ɗuunyaàŋ. Kɛ̀ wèè kiìŋ nìŋ naŋ woò nààŋ mìŋ naŋ wòò maŋ mìè ɓɛ̀ɛ̀pɔ̀ɔ koɓɛ̀ Dayài esaɓù kɛ̀ mìŋ naŋ woò mìàŋ miàŋ nàŋ yaà wo Jɔ̀àfèlàà Dayàa?

Jɔ̀ɔŋ 14:10

Niŋ gò haawè kɛ̀ mìŋ yaà wo Dèdaà sùà yèè wo Dèdaà wò yààìm sùà? E yèɛ mìŋ woà lɛ e fè è gààŋ miàŋ biɛ̀ sùà. Wo Dèdaà toomàìm ko sùà wɔ nàŋ woà maŋ keì mɛɛ̀ŋ.

Jɔ̀ɔŋ 5:16

Kpeiŋ àŋ naŋ tɔ̀ɔ̀tù wo Jisɛ̀ nìmila, esaɓù kɛ̀ wò naŋ wa jòèyè wo felaa wɛɛ̀ ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 9:4

Nààŋ è yɛmɛ̀ìŋ wɔŋ niìsìaà lɛ, è kuwa eiŋ nyɛ̀nɛ̀ŋ e yèɛ wo nyùnɔ̀ɔŋ naim tùɔ̀ŋ wɔ manaŋ wèè ka nyɛ̀nɛ̀ŋ lɛ. Wo nyùùŋ gbiŋ fè ɓɛ̀nɛ̀ŋ tòmo sèè e dùùm kuwo.

Nyɛ̀nɛ̀ŋ 14:17

Kɛɛ wò naŋ tɔɔ̀ kɛ̀ wò yaào wa e teenga gbiŋ e yìwìà maŋ keì sìàŋ maŋ wò naŋ nyɛ̀nɛ̀ŋ maŋ. Wo Dayà tuɔŋ maŋ gɔ̀àà e yìwìà ko àìjɛnɛ̀ŋ yèè màŋ nyɛnɛŋ manɛ̀ŋ wuiyeiŋ màŋ maŋ bɔù. Wò kiɛ̀ìŋ e nɛ̀ŋje yèè wò nyɛnɛŋ maŋ jiiŋ màŋ nɔ̀ŋ zɔlɔ̀ sùà.”

Nyɛ̀nɛ̀ŋ 17:28

yèè nààŋ wo nyùùŋ bà naŋ woò lɛ, ‘Wò naŋ wi kìɛ̀ŋ gààŋ wèè eiŋ nɔ̀ŋ wɔŋ nyiiŋ gèeɔ̀ sùà, wèè eiŋ kaàiŋ, yèè eiŋ nɔ̀ŋ anyùùŋ nyaŋ è yààìŋ nyaŋ.’ Màànààŋ nɔŋ anyuùŋ nyìmàŋ fɛi nyiŋ nyàŋ bà naŋ woò lɛ, ‘Yàwi nàŋ yaà aŋ jɔ̀àuŋ nyàŋ.’

1 Kɔliìŋ 12:6

Yàwi nààŋ gbiŋ è nyɛ̀nɛ̀ìŋ maŋ tòmo gbàgbà, kɛɛ wo Dàyà gunɔ̀ɔŋ nàŋ fè gààŋ koɓɛ̀ nyùùŋ gbiŋ wèè maŋ tòmo titi nyiŋ màŋ nyɛ̀nɛŋ.

Kòlo 1:16

E saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ ko àìjɛnɛ̀ŋ yaà e dììɛ diɛŋ, maŋ yè maŋ nìŋ yɛmɛ̀ e kìlà niŋ fè yɛmɛ̀ maŋ, e kpùlìà aŋ jinàŋ nyaŋ e ɗùùnyàŋ àìjɛnɛ̀ɛŋ sùà, yaà anyuùŋ gbeegbèè nyiŋ nyàŋ. Wo Dayà naŋ wa bànè e ɗuunyaàŋ gbiŋ e saɓùuŋ nɛ̀ sùà yèè e weèuŋ.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.