Jɔ̀ɔŋ 5:16 - WƆŊ FƐ̀Ì EBÒ SÌÀŊ DAYÀA

¹⁶ Kpeiŋ àŋ naŋ tɔ̀ɔ̀tù wo Jisɛ̀ nìmila, esaɓù kɛ̀ wò naŋ wa jòèyè wo felaa wɛɛ̀ ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 5:16 ပူးပေါင်းရင်းမြစ်များ

Maafiù 12:13

Kpeiŋ wò naŋ wòò wo felaaà wààŋ, “Vùlɔ̀ŋ wɔŋ kuàŋ fàa mɔɔ̀ŋ.” Wo felaaà naŋ vùlɔ̀ŋ wɔŋ kuàŋ fàauŋ nɔɔ̀ŋ, yèè wɔ̀ŋ naŋ jòèyè wɔŋ nɔ̀ŋ mààŋ wɔŋ kuàuŋ nɔɔ̀ŋ bàa.

Luù 6:11

Kɛɛ aŋ kààmɔ̀ɔ̀ŋ maŋ Sàwà Dayà nyaŋ yaà aŋ Fɛlosiì nyaŋ naŋ wa tuù, yèè àŋ naŋ wòò nyiŋ bi e fèemàŋ nyààŋ, “Kiìŋ è naiŋ ɓɛ̀nɛ̀ŋ nyìnìàŋ wo Jisɛ̀?”

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 10:39

E tèèngà guùŋ bi sùà ɓɛìŋ àŋ manaŋ wa auŋ kùwà, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Jɔ̀ɔŋ 5:10

Nààŋ anyuùŋ gbeegbèè nyaŋ aŋ Juùù nyaŋ sùà naŋ yɛ̀mɛ̀ wo felaaà wo Jisɛ̀ naŋ sùngò wɔ wò yaà kòa sùà wɔŋ ɓɛɛuŋ nɔɔ̀ŋ, aŋ nauŋ woò nyààŋ, “Nàaŋ nàŋ yaà ke Ɗɔ̀ɔ̀ Zòòlò aŋ Juùù nyaŋ, e kìlà ke sàwà wiɛ̀ gò wi gè nyààŋ diɛŋ wèè wò nyùùŋ gbiŋ wo kòà wɔ̀ŋ ɓɛɛuŋ nɔɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Jɔ̀ɔŋ 5:13

Kɛɛ wo felaaà naŋ wa jòèyè wɔ nyimààŋ wa kɛ̀ ɓòò nàŋ yaà wa wò Jisɛ̀, esaɓù kɛ̀ e faaàŋ naŋ wa gàŋ, yèè wo Jisɛ̀ wò nyiŋ wa naàŋ fòlà e tɛɛ wò ka.

Jɔ̀ɔŋ 5:15

Kpeiŋ wo felaaà naŋ kɔ̀ yèè wò naŋ niŋ wòò anyùùŋ gbèègbèè aŋ Juùù nyaŋ kɛ̀ wo Jisɛ̀ nauŋ sùngò.

Jɔ̀ɔŋ 5:17

Kɛɛ wo Jisɛ̀ naŋ nyiŋ fasàì wààŋ, “Wo Dèda miɔ̀ŋ kòò wò yaà toomo, weètii mìŋ kuwa ka tomo miàŋ pɛɛ.”

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 7:21

Wo Jisɛ̀ naŋ nyiŋ woò wààŋ, “Mìŋ naŋ nyɛ̀nɛ̀ŋ e tòmò e kèè mèè guùŋ, yèè è naŋ wa fòònò nyɛ̀iŋ nààŋ gbiŋ.

Jɔ̀ɔŋ 7:25

Anyùùŋ nyaŋ bà nyiŋ yewe wa ko Jùlusɛ̀làm nyaŋ yaà wa wòò e kèè wo Jisɛ̀ nyààŋ, “Wɛɛ̀ nààŋ fè wò felaaà ànyùùŋ gbèègbèè àŋ Juùù nyaŋ yaà kààmè ɗewe wèè aŋ jìwà wɔ?