Jɔ̀ɔŋ 5:15 - WƆŊ FƐ̀Ì EBÒ SÌÀŊ DAYÀA

¹⁵ Kpeiŋ wo felaaà naŋ kɔ̀ yèè wò naŋ niŋ wòò anyùùŋ gbèègbèè aŋ Juùù nyaŋ kɛ̀ wo Jisɛ̀ nauŋ sùngò.

Jɔ̀ɔŋ 5:15 ပူးပေါင်းရင်းမြစ်များ

Jɔ̀ɔŋ 1:19

Kɛɛ̀ nàŋ yaà ke mìè seìɛ wo Jɔ̀ɔŋ naŋ wa kiɛ̀ŋ lɛ, nààŋ anyùùŋ gbèègbèè aŋ Juùù nyaŋ ko Jùlusɛ̀làm naŋ tùɔ̀ŋ aŋ sìèfèìŋ zòòlo nyàŋ yaà aŋ Liivaà nyuuŋ wèè aŋ dawè wo Jɔ̀ɔŋ kɛ̀ ɓòò nàŋ yàaùŋ.

Jɔ̀ɔŋ 4:29

“Hnaìŋ niŋ yɛmɛ̀ wo kenàaŋ wo yèɔ naim wòò maŋ keì maŋ gbiŋ mìŋ naŋ nyɛ̀nɛ̀ŋ maŋ. Ɓàà wɛɛ̀ wò wɛ̀i ɓɛ̀nɛ̀ŋ nɔ̀ŋ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ?”

Jɔ̀ɔŋ 5:10

Nààŋ anyuùŋ gbeegbèè nyaŋ aŋ Juùù nyaŋ sùà naŋ yɛ̀mɛ̀ wo felaaà wo Jisɛ̀ naŋ sùngò wɔ wò yaà kòa sùà wɔŋ ɓɛɛuŋ nɔɔ̀ŋ, aŋ nauŋ woò nyààŋ, “Nàaŋ nàŋ yaà ke Ɗɔ̀ɔ̀ Zòòlò aŋ Juùù nyaŋ, e kìlà ke sàwà wiɛ̀ gò wi gè nyààŋ diɛŋ wèè wò nyùùŋ gbiŋ wo kòà wɔ̀ŋ ɓɛɛuŋ nɔɔ̀ŋ kè Ɗɔ̀ɔ̀ Zòòlò àŋ Juùù nyaŋ diɛŋ.”

Jɔ̀ɔŋ 5:12

Kpeiŋ àŋ naŋ dàwè wo felaaà nyààŋ, “Ɓòò nàŋ yaà wo felaaà naum woò wààŋ muŋ nyɛ̀nɛ̀ŋ tɛɛ̀ wɔ?”

Jɔ̀ɔŋ 5:16

Kpeiŋ àŋ naŋ tɔ̀ɔ̀tù wo Jisɛ̀ nìmila, esaɓù kɛ̀ wò naŋ wa jòèyè wo felaa wɛɛ̀ ke Ɗɔ̀ɔ̀ Zòòlò aŋ Juùù nyaŋ diɛŋ.

Jɔ̀ɔŋ 5:18

Kpeiŋ anyùùŋ gbèègbèè aŋ Juùù nyaŋ naŋ wa ɗewè wèè aŋ jìwà wo Jisɛ̀ wèè esàɓù tìyèe. Nyààŋ wò naŋ wa pɔ̀ɔ̀ ke sàwà ke Ɗɔ̀ɔ̀ Zòòlò aŋ Juùù nyaŋ. Yèè nyààŋ wò naŋ wa ɓèmè wuŋ bi wèè yaà wo Dayà aŋ seenè.

Jɔ̀ɔŋ 9:15

Kpeiŋ aŋ Fɛlosiì nyaŋ naŋ dàwè wo felaaà kɛ̀ dièsɔa wò naŋ nyɛ̀nɛ̀ŋ wò naŋ yɛ̀mɛ̀ dìì. Yèè wo felaaà naŋ nyiŋ woò wààŋ, “Wo Jisɛ̀ naŋ sɔ̀pɔ̀ e baa jɔa wò naŋ miŋ jìè le fɛ̀ɛ̀. Kpeiŋ mìŋ naŋ kɔ̀ mìŋ naŋ gùò le fɛɛ̀ mɛ̀, yèè è naŋ yilè mìŋ yɛmɛ̀ naàŋ dìì.”

Jɔ̀ɔŋ 9:25

Wo felaaà wo Jisɛ̀ naŋ sùngò wɔ naŋ nyiŋ fasàì wààŋ, “Miŋ nyimààŋ sèè mààŋ wò yaà wò nyùùŋ màŋ jùumù ɔ̀ɔ̀ wo fè wò nyùùŋ màŋ jùumù. E yèɛ mìŋ naŋ nyìmè lɛ nàŋ yaà kɛ̀, àŋ naim wa kùmìè le fɛɛ̀ zììle, kɛɛ mìŋ yɛmɛ̀ naàŋ dìì.”

Jɔ̀ɔŋ 9:30

Wo felaaà naŋ fasàì wààŋ, “E kèì sai lɛɛ̀! Wo Jisɛ̀ naŋ nyɛ̀nɛ̀ŋ le fɛɛ̀ mɛ̀ naŋ gbaì yèè mìŋ yɛmɛ̀ naàŋ dìì, yɛi nɔŋ zà è yaà, kpeiŋ nààŋ niŋ nyimààŋ kɛ̀ kòò wò yewe.

Jɔ̀ɔŋ 9:34

Anyùùŋ gbèègbèè aŋ Juùù nyaŋ nauŋ woò nyààŋ, “Mùŋ yaà wo nyùùŋ maŋ jùumù e yìwìà ke ɗɔɔɛ̀ àŋ naum wa kòmò lɛ! Mùŋ naŋ gongò kɛ̀ màŋ wi ɓɛ̀nɛ̀ŋ kàà e keì kɛnɛ gbiŋ?” Yèè àŋ nauŋ dùùlò ko jɔɔlèi maŋ dùaŋ dùaŋ, àŋ nauŋ naaà nyààŋ, “Julɔfɔ ɓɔ̀ mùŋ jɔ̀à wa nàwèè ɓɛìŋ kè sààŋ zòòlò àŋ Juùù nyaŋ bà gbiŋ dìì.”