Jɔ̀ɔŋ 5:13 - WƆŊ FƐ̀Ì EBÒ SÌÀŊ DAYÀA

¹³ Kɛɛ wo felaaà naŋ wa jòèyè wɔ nyimààŋ wa kɛ̀ ɓòò nàŋ yaà wa wò Jisɛ̀, esaɓù kɛ̀ e faaàŋ naŋ wa gàŋ, yèè wo Jisɛ̀ wò nyiŋ wa naàŋ fòlà e tɛɛ wò ka.

Jɔ̀ɔŋ 5:13 ပူးပေါင်းရင်းမြစ်များ

Luù 24:31

Kpeiŋ e fɛɛ̀ nyiŋ nɛ̀ naŋ gbaì yèè àŋ nauŋ jàà jii, kɛɛ wò naŋ nyiŋ jɔ̀ɔ̀nɔ̀ŋ fɛ̀ɛ̀.

Luù 4:30

Kɛɛ wo Jisɛ̀ naŋ nyiŋ wa tànèè sìwè e faaàŋ sùà yèè wò naŋ kɔ̀.

Jɔ̀ɔŋ 14:9

Wo Jisɛ̀ naŋ fàsàì wo Felè wààŋ, “Kàiŋ naàŋ nɔ̀ŋ e tɛɛ wèè e teenga mùŋlaŋ bà. Yèè kòò nìŋ nyìmè nɔ̀ŋ kɛ̀ ɓòò nàŋ yààìm? Sèè nìŋ yɛmɛ̀ìm nɔŋ, kɛ̀ nàŋ yɛ̀mɛ̀ wo Dèdaà ko àìjɛnɛ̀ŋ. Dièsɔa nìŋ naŋ ɓɛ̀nɛ̀ŋ wòo nààŋ, ‘Tɔ̀ɔ̀ wi wo Dèdaà’?

Jɔ̀ɔŋ 5:12

Kpeiŋ àŋ naŋ dàwè wo felaaà nyààŋ, “Ɓòò nàŋ yaà wo felaaà naum woò wààŋ muŋ nyɛ̀nɛ̀ŋ tɛɛ̀ wɔ?”

Jɔ̀ɔŋ 5:14

Eɓìèmàŋjɛ̀wɛ̀ tii, wo Jisɛ̀ naŋ mɛ̀ɛ̀ŋ wo felaaà ko Saaŋ Zòòlò Dayài yèè wò nauŋ woò wààŋ, “Màŋ naàŋ jòèyà. Kɔ̀à kɛɛ ɓɔ̀ mùŋ nyɛ̀nɛ̀ŋ ɓɛìŋ màŋ kèì jùumù. Sèè mùŋ nyɛnɛŋ ɓɛìŋ e jùumù, e keì naanààŋ bà doum nàŋ kaaìŋ.”

Jɔ̀ɔŋ 8:59

Kpeiŋ aŋ Juùù nyaŋ naŋ ɓèmè le dùò wèè aŋ hɔ̀wàuŋ, kɛɛ wo Jisɛ̀ naŋ nyiŋ wa jɔ̀ɔ̀nɔ̀ŋ fɛ̀ɛ̀ yèè wò naŋ fòlò ko Saaŋ Zòòlò Dayài.